نجوم مصرية
منتديات نجوم مصرية منتديات شباب وبنات بنات الموضة والأزياء والمكياج والتجميل



تابع نجوم مصرية على أخبار جوجل




طريقه عمل ماسك معطر للجسم - معطر طبيعي للجسم من صنع إيديكي-نصائح وأفكار للانتعاش والتعطير

 

السلام عليكم
ازيكم يا احلى بنات وستات النهرده جبتلكم طريقه حلوه وسهله لعمل معطر للجسم اعمليه بنفسك فى البيت بمكونات طبيعيه وكمان هنعرف ازاى نعطر جسمنا بعد الاستحمام ومعانا افكار للتعطير والانتعاش
اقرى الطرق الموجوده بالاسفل :


هاتي قطعة من الشاش وخيّطي أطرافها بدانتيل وبعدين هاتي كمية من أعشاب الياسمين أو الياسمين المجفف او الورد المجفف وحطيها على قطعة الشاش، وضيفي عليهم ½ ملعقة زيت ياسمين او اى زيت عطرى وبعدين اقفلي قطعة الشاش على الأعشاب وأربطيها وسيبيها في الحمام للتعطير إنتي بتاخدي شاور علّقي شاش الياسمين في الدوش في آخر مرة هتشطفي فيها جسمك علشان الريحه تفضل فى جسمك ولما تطلعى ما تنشفيش بالفطه الا على خفيف كدا يعنى سمك مندى
- ممكن ترشّي معطّر الجسم اللي عملتيه بإيديكي على الفوط النضيفة قبل ما تستخدميها، كمان ممكن ترشيه على الهدوم.

طريقه عمل معطّر للجسم بالفراولة والأناناس

المكونات:
زيت أناناس أو زيت فراولة ( ممكن تستبدليه باى زيت معطر انتى بتحبيه زى زيت الورد والياسمين) والزيوت دى بتجيبيها من عند العطار
تابع نجوم مصرية على أخبار جوجل


زيت لوز حلو برضو من عند العطار
كُحول أبيض (سبرتو) ودا من الصيدليه

الطريقة:

هنعمل المعطر والكميات اللى هنحطها هنقدرها بالزجاجة، أول حاجة زيت لوز حلوهنحط حوالي تمن الزجاجة بعدها نضيف عليهم زيت الياسمين لحد ¾ الزجاجةممكن اكتر بشويه، وآخر حاجة هنضيفها السبرتو بأقل كمية بعدين هانرج الزجاجة كويس جدا علشان المكونات تتخلط.
نصيحه علشان تاثير المعطر يبقى قوى كل ما سبنا الزجاجة تتعتق أكتر لمدة أسبوعين أو ثلاثة يبقى أفضل.
ممكن ترشّي من المعطّر دا اللي عملتيه بإيديكي على الفوط النضيفة قبل ما تستخدميها، كمان ممكن ترشيه على الهدوم هيديكى ريحه حلوه قوى على الملابس والفوط .

ودى طريقه عمل ماسك لتعطير وتنعيم الجسم حلو وسهل

المقادير:
4 ملعقة كبيرة رز مصري مطحون
حجر عطري برائحة البرتقال أو العود أو الفانيليا وممكن تجيبى حجر مسك (هتلاقي الحجات دى عند العطار)

الطريقة:
ابشري الحجر بالمبشرة من الناحية الناعمة، واخلطيه مع الرز المطحون، وبعد كده حطّيه في أي علبة بودرة قديمة عندك أو ملاحة، ورشّيه على جسمك كله بعد الحمام وهو مندّي بالمية، وطبعا ممكن تستخدميه على المناطق الحساسة، وسيبيه على جسمك لمدة ربع ساعة وبعد كده افركي جسمك، ومع الاستخدام هتحصلي على بشرة ناعمة ورايقة وريحتها حلوة جدا، والماسك ده ممكن تستخدميه بشكل يومي أو مرتين في الأسبوع .
وان شاء الله تعجبك موضوعات التعطير بتاعت النهرده .






المقال "طريقه عمل ماسك معطر للجسم - معطر طبيعي للجسم من صنع إيديكي-نصائح وأفكار للانتعاش والتعطير" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
خطوات عمل مقشر طبيعي للجسم
لوشن معطر للجسم من صنع يديكى
طريقة عمل مقشر طبيعي للجسم من مطبخك
ماسك طبيعى ورائع ومجرب لفرد الشعر - فرد طبيعى وفى البيت - طريقه سهله وبسيطه جدا وغير مكلفه
للحصول على شعر معطر

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية