السلام عليكم ورحمه الله وبركاته
الى كل اخواتى واعزائى اعضاء وزوار منتدى نجوم مصريه والى كل الضين يعانون من رائحه العرق المزعجه فالنهارده بأذن الله جيبالكم طريقة الليمون للعرق وهذه الطريقه طبيعيه و مجربه للتخلص من رائحه العرق واليكم هذه الوصفه الرائعه والفعاله يارب تعجبكم
بعد ما تاخدى حمامك تستنى عشر دقايق علشان جسمك يكون جف وبعدين لو لسة فى بلل جففى انتى البلل بقماشة
وبعدين هاتى نص لمونة وادعكى مكان العرق وانتى بتدعكى طبعا بتدوسى على اللمونة بتعصريها فى نفس الوقت علشان تنزل عصارتها كويس على مكان العرق
هى نص لمونة هتكفى وتشيلى نص اللمونة التانى لليوم التانى وانسى ريحة العرق بدون لا مزيلات ولا وصفات عجيبة
ميزة الوصفة اكتر من ميزة :
1- سهلة جدا
2- طبيعية مش مضرة زى المزيلات الصناعية
3- مش بتسمر البشرة زى المزيلات الصناعية ونرجع نعانى من سواد تحت الابط ونعالجه بوصفات وحاجات تطلع الروح
4 - بتحطى محسن طبيعى للون البشرة يعنى بتستفيدى مزيل عرق وكمان محسن للون البشرة
5- أوفر فى التكاليف
6- يريحك من قلق العطر ... لأن المزيلات الصناعية بتكون معطرة
وبتكونى دايما قلقانة من ظهور عطرها لما تخرجى وتحتكى برجالة وتكونى خايفة تحسب عليكى تعطر وانتو عارفين حكم تعطر المرأة فى الاسلام
7- ودى من أهم النقاط :
وهو انك مش هتشترى منتج مقاطعة وهتقدرى تستغنى عنه
اهو دلوقتى مبقاش فى حجة وبقى عندك مزيل طبيعى وافضل من اللى بتشتريه ووقفى بقى شراء مزيل العرق