السلام عليكم ورحمة الله وبركاته
الى كل اخواتى واعزائى اعضاء وزوار منتدى نجوم مصريه والى كل الذين يعانون من زياده الوزن وكثره الدهون فالنهارده جيبالكم وصفات للتخسيس ومشروبات بتساعد فى حرق الدهون بدون رياضة
واليكم هذه الوصفات الطبيعيه للتخسيس السريع
اعشاب بتساعد على حرق الدهون :
1- مشروب الكمون والليمون
2- مشروب البابونج
3- الشاى الاخضر
4- النعناع
5- الجنزبيل
6- القرفة
الطريقه
اول حاجه تجيبى كوباية وتضعى فيها "ملعقة كبيرة من نبات البابونج" وتانى حاجه تحطى الشاى الاخضر ملعقة برده اشترى الشاى الاخضر اى نوع مش لازم نوع معين وملعقة قرفة صغيرة وملعقة جنزبيل صغيرة والاتنين مطحونين ونحط نعناع اخضر لو موجود ولو مش موجود نحط النعناع الناشف المطحون وملعقة صغيرة كمون ونعصر ليمونة وبعد ما نحط كل دا فى الكوباية نصب عليها الماء المغلى ونغطى على الكوباية كويس عشان نستفيد بالاعشاب اللى فيها ونسيبها متغطية 10 دقايق على الاقل وطبعا منحطش سكر فى الاول هيبقى الطعم غريب اوى ومش متعودين عليه من غير سكر لكن بعد كام يوم هيبقى الطعم عادى و عشان نحس بنتيجة مفروض يتشرب المشروب دا 3 مرات فى اليوم