طريقة عمل الجبنة الكريمى فى البيت
هنبدأ بالمقادير
تلت كوباية لبن كامل الدسم
تلتين كوب كريمة خفق
نصف معلقة كبيرة قشدة طازجة
3 نقط منفحة
معلقة كبيرة ملح
المقادير دى للتجربة ولو نجحت معاكى بتكترى المقادير
نيجى للطريقة ونركز مع بعض
الاول ملحوظة قبل ما نقول الطريقة
لو مفيش منفحة نستخدم الليمون
اول حاجة نحط اللبن والكريمة فى حلة على النار وندفيهم بس ميغلوش
نشيله من على النار ونحط القشطة
ونقلب بالمضرب السلك كويس اوى
وبعدين نحط المنفحة او الليمون ونغطيه بفوطة مطبخ ونسيبه بحرارة الغرفة لتانى يوم
تانى يوم نلاقيها مسكت نشققها من على الوش بحرف السكين ونحط الملح على الوش
ونجيب شاشة كبيرة ونفرشها فى مصفاه ونحطة فى حاجة بحيث تصفى منها والمصفى ما تلمسش الحلة الى تحت
ونحط الجبنة ونقفل عليها ونسيبها نصف ساعة
نصفى المية وناخد الجبنة نحطها فى التلاجة وتانى يوم نستعملها وناكلها عادى
وبألف هنا وشفا