نجوم مصرية
منتديات نجوم مصرية منتديات شباب وبنات بنات طبخ و وصفات



تابع نجوم مصرية على أخبار جوجل




طريقة عمل الديك الرومي روستو في الفرن

 




المقادير
عصير برتقالة
4 فصوص مستكة
بصل مقطع شرائح رفيعة
ديك رومي بحجم مناسب (حوالى 6 كيلو)
عصير 5 ليمونات
4 ورقات لاورو
5 فصوص حبهان
ملح - فلفل اسود
نصف ملعقة صغيرة قرفة
تابع نجوم مصرية على أخبار جوجل


3 شرائح جزر





طريقة التحضير
التتبيل
من قبلها بيوم
نغسل الرومي جيدا ونتركه يتصفى
نحضر التتبيلة
ندعك البصل الشرائح مع الملح والفلفل والقرفه جيدا ونضيف عصير الليمون والبرتقال
ناخد الديك ونتبله من كل الجهات وبين الجلد واللحم فى الصدر ومن قلبه ...نضع داخله ورقتين لاورو وفصين مستكه و3 فصوص حبهان
نضعه فى وعاء عميق مقلوب على وجهه يعنى الصدر لاسفل ليتشرب جيدا من التتبيلة


و اليوم اللي بعده
نشيل الديك من التتبيلة ونصفية من السوائل
ونشيل كل البصل اللى على جلدة من برة
فى صينية واسعة نسخن سمن ومعه فص مستكة لتشويح الديك
نبدا نشوح الديك فى السمن من كل الجهات ومن عند الرقبة
بحيث ياخد لون جميل من كل الجهات بالتساوى
الخطوة دى مهمه جدا جدا فى قفل مسام الديك والحفاظ على طراوة لحمه فى السوا فى الفرن وايضا بتخلى مافيش اى زفارة ولا اى شىء مش مرغوب يطلع منه


نحضر صينية الفرن اللى هانسوى فيها الديك
تكون صينيه حجمها مناسب وعاليه الحواف
نبطنها بالفويل
نضع فيها فصين مستكه وفصين حبهان وورقتين لاورو وبصل مقطع شرائح ومدعوك بالملح والفلفل والقرفه وعصير ليمون


نضع فوقها الديك بعد ما شوحناه ونضع على صدر الديك على العظمه المرتفعه منه 3 شرائح جزر وذلك حتى لا يلتصق جلد الديك بالفويل ولما نيجى نفتح عليه الجلد يتقطع والمنظر النهائى يكون مش جميل ...
مهم جدا ان الديك يستوى ويفضل سليم من برة ...لا يتكسر من الوسط ولا جلدة يتقطع


نضع نصف كوب ماء فى الصينيه ونغطى الصينيه بالكالمل بالفويل
نضعها على البوتاجاز
ندخلها الفرن على حرارة 220 مئويه اسفل الفرن



مهم جدا
علشان نعرف سوا الديك
كل كيلو جرام من الديك محتاج نصف ساعه سوا فى الفرن
يعنى الديك اللى وزنه 6 كيلوجرام محتاج 3 ساعات فى الفرن
لكن لاننا مغطيينه بالفويل فالحرارة بتكون محكمه داخله فبنقلل نصف ساعه من اجمالى الوقت المطلوب للسوا فى الفرن
يبقى محتاجين ساعتين و نص فى الاجمالى



كل نصف ساعه نفتح على الديك ونشربه من السوائل اللى بتنزل منه.....ليه؟
اولا: علشان يفضل لحمه طرى وجلدة ما يتقطعش
ثانيا : علشان يتشرب بالطعم من السوائل دى ويكتسب لون جميل .



بعد مرور ساعتين
نكشف الفويل من على الديك
نتركه يكمل نضجه فى النصف ساعة الاخيرة وهو مكشوف
الخطوة دى مهمه علشان جلدة يبقى كرانشى ولونه محمر وجميل
بعد نهايه النضج ممكن تفتحى له الشوايه على خفيف لزيادة تحمير الوجه حسب رغبتك


طلعيه من الفرن
انقليه بحرص على صينيه تانيه


غطيه على خفيف بالفويل و ثقبى الفويل ثقوب كتير بالسكين علشان البخار يطلع علشان ما الديك يبطل نضج وكمان يحافظ على جلدة كرانشى ... واتركيه يهدا من حرارة الفرن



الديك الرومى لا يقطع ابدااااا وهو ساخن حتى لا تخرج منه سوائل ويجف لحمه
الديك بيكون كامال النضج تماما بععد الفترة الكبيرة دى فى السوا فى الفرن لكن طبيعه لحم الديك كدة ان بيبقى فيه سوائل شفافه وهو ساخن فلو قطعناه وهو ساخن هاتخرج السوائل دى وبيفقد الكثير من طعمه المميز و يجف
لكن لما ننتظر لحد ما يبقى فاتر هاتلاقى السوائل دى نشفت واحتفظ الديك بطراوة اللحم ومذاقه رائع


ننتظر الى ان تفتر حرارة الديك يعنى ممكن نضع يدنا عليه يكون فاتر






المقال "طريقة عمل الديك الرومي روستو في الفرن" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقة عمل الديك الرومى المشوى فى الفرن
بالصور طريقة عمل شرائح الديك الرومي المحمر لعشاق الديك الرومي
طريقة عمل سندوتش الديك الرومى فى الفرن بطريقتى ولا احلى
طريقة طهى الديك الرومى
طريقة عمل الديك الرومي بالفرن

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية