طريقة عمل الأرز البسمتي - أكثر من طريقة لعمل الارز البسمتى

بسم الله الرحمن الرحيم
السلام عليكم ورحمة الله وبركاته

أهلا ومرحبا بكم عضوات واعضء منتدى نجوم مصرية الكرام طبعا كتير من الستات بتحب تعمل اكلات جديدة وزي ما احنا عارفين في مصر الارز البلدي هو المنتشر و في ستات وبنات كتير نفسهم يعملو الارز البسمتي و مش عارفين يعملوه ازاي وفي كتير عارفين لكن بيدورو على طرق جديدة وعلشان كده جمعت لكم اكتر من طريقة مختلفة لعمل الارز البسمتي وهيكون ان شاء الله طعمه جميل ورائع تعالو بقى علشان تعرفو الوصفات والوصفات مش مكتوبة بس لا ده كمان في فيديوهات


الارز البسمتي

المكونات

2 و نصف كوب ارز بستمي + بصلة + بهارات صحيحة ( حبهان + قرفة + قرنفل + ورق لورا + لومي )+ مكعبين و نصف مرق الارز الابيض + جزرة بشورة + 2 حبة فلفل بارد مقطع مكعبات صغيرة + بودره زعفران + شرائح لوز للتجميل و بقدونس مفري

الطريقة

نحضر قدر و نضع فيه بصلة كبيرة مفرية و زيت ذرة و تحمر حتي تصفر

نضيف عليها حبات من القرنفل الصحيح و عود قرفة صحيح و 3 حبة هيل صحيح و ورق لورا و 2 لومي بها فتحات بالسكينة

و نقلب حتي تظهر رائحة التوابل
نكون مجهزين 1 جزرة كبيرة مقشرة و مبشورة و 2 حبة فلفل رومي بارد مقطع صغير و نضع علي البصلة الاول الجزرة و نشوح حتي تجف مياه الجزر حوالي 2 دقيقة

تم نضع الفلفل البارد و يشوح 2 دقيقة

وهكذا البصلة بالخضار بيكون جاهزين

و نكون ناقعين الارز في مياه قبلها ب ساعة في مياه من الحنفيه هتكون دافية شوية ( في الجو الحار ) و علية ملعقة صغيرة ملح

نصفي الارز و نضعه علي البصلة و نشوحه زي الارز العادي و نضع المياه و نضع مكعبين و نصف مرقة الارز الابيض مفتته ( انا لازم افتتها عشان اضمن انها تذوب بسرعه ) و نضع مياه طبعا تغطي الوجه ( ممكن استخدام جزء من مرق الفخذة حسب الرغبة ليكون مثل ارز المندي
انا شخصيا افضل اقلل المياه بالاخص للارز البسمتي و لو احتاج اضع له

عشان اضمن 100% انه يكون مفلفل

و اول ما غلي الخليط كنت مجهزة 1 م/ ص بودرة زعفران في شوية ميه و قبل ما اغطي علي الارز عملت في السطح بتاعه 4 فتحات و ضعت فيها مياه الزعفران و وطيت عليه و ضعت تحته الشياطة

و في نفس الوقت احضرت قدر وضعت فيه لوز ني مع قليل من الماء و غليت اللوز و تركته يبرد و تخلصت من قشرته
و هو طري كده مسكت اللوزة و بالسكينة قطعتها شريحة رفيعة من ك جنب و بعدين فلقتها من المنتصف و ب اللوزة الواحدة عملت 4 شرائح

و ضعت اللوز في صنيه و دخلته الفرن و كل شوية كنت بحرك الصنية حتي لا يلتصق اللوز

و بعد ما تحمر شوي طلعته من الفرن و تركته يبرد و بعدين حمرته في شوية زيت و جملت بيه وجه الارز مع شوية بقدونس
و يقدم بجانب السلطة الخضراء



و سلطة الزبادي


خيار مقشرة و مزال قلب الخيار بالملعقة و مقطع صغير مع قليل من البقونس المفري

و يضاف الي الزبادي الجاهز و ليس الزبادي ( البلدي ) لانه به ماء كتير و يتكتل عند اعداد سلطة الزبادي

و نضيف عليها ملح و فلفل اسود و رشة نعناع و رشة ريحان جاف


================================================== ==========

الطريقة التانية :

لو عاوزة تعملي الرز البسمتى بريانى لازم تكوني متبله الفراخ المقطعه على بيات او لحمه بالتوابل كركم وتوابل بريانى وخلطه فراخ وكارى وزبادى او لبن وبصل وملح وفلفل وزعفران وتحطيهم فى التلاجه قبلها بيوم وتانى يوم لما تيجي تطبخيه اسلقي الرز او تسويه زى الرز العادى بس بيختلف فى الميه بياخد ميه اكتر
وسوى الفراخ على نار هاديه فى حله لوحدها وحطي عليها عود قرفه خشب وقرب متدخل فى السوا قلبي الرز عليها وسيبيهم لما يستوا والرز يكون اتردد رجي الحله بحيث كله يتقلب فى بعضه


===============================================

الطريقة التالتة :

المقادير :


طريقة التحضير

عند عمل الأرز البسماتي يراعى غسله أكثر من مرة بحيث يُصبح ماء الغسل نقياً ،و يُفضل أن يكون الماء دافئاً وبذلك نتخلص من جزء كبير من النشا الموجود بالأرز ، ويمكن نقع الأرز في الماء لعدة ساعات وفي كلتا الحالتين هذا يساعد على أن ينضج الأرز في مدة اقل. يُصفَى الأرز ونتخلص من الماء الزائد ، وعند طهيه يُعامل مثل المكرونة في طريقة طهيها ، فنغلي خمس أضعاف كمية الأرز من الماء مع إضافة قليل من الملح ، وإذا أردنا الحصول على بياض ناصع فنضيف بعض قطرات من عصير الليمون، ويوضع الأرز في الماء المغلي و يُترك من 5 إلى 10 دقائق ، وتتفاوت المدة حسب كمية الأرز وكمية الماء المطهو بها وكذلك المدة التي نُقع فيها الأرز. وللتأكد من أن الأرز قد طهي فيمكن لنا أخذ بضع من الحبات وتتذوقها ونستمر في التقليب حتى لا يلتصق وعندما ينضج يُصفى ، وفي هذه المرحلة يمكن إضافة ما نفضله إليه إذا كان خضار أو توابل أو أعشاب ، فيمكن إذابة قليل من الزبد ثم إضافة الأرز إليه ، أو إضافة قليل من البصل إلى الزبد ونحمره قليلاً قبل إضافة الأرز ثم تُخفف الحرارة ويُترك حتى تتبخر كل الماء منه ، وإذا أردنا أرز بنكهة الزعفران فيمكن لنا وضع قليل من الزعفران في ماء ساخن ثم إضافة هذا الماء إلى قليل من الأرز حتى يتشرب اللون والطعم ثم تخلط كمية الأرز كلها بالأرز المشبع بالزعفران.

رابط الموضوع الأصلى: http://www.eglovers.net/vb/showthread.php?t=27562
ج