منذ اسبوع وعاد انقطاع الكهرباء مره ثانيه ولكن اسوأ من الاول وبدأ ينقطع بشكل دائم ولساعات طويله مما ادى الي حاله من الغضب بين الناس لان هناك الكثير يعتمدون علي الكهرباء في اعمالهم والمستشفيات تشتكى من قطع الكهرباء لان هناك اطفال في الحضانات والاجهزه تتوقف تماما عند انقطاع الكهرباء واصبحنا نتنظر دورنا في انقطاع الكهرباء والعيشه بقت وحشه قوي والاعمال متوقفه وبعد كل هذه الانقطاعات كان لوزراه الكهرباء بيان يوضح لنا ماذا يحدث بالضبط .
قامت وزارة الكهرباء اليوم الثلاثاء بتقديم بيان رسمى منها تعتذر فيه لجميع المواطنين المصريين عن الانقطاع المتكرر للكهرباء التى تسببت فيه جميع محطات وزارة الكهرباء وذلك لنقص كميات الوقود اللازمة لتشغيل المحطات وقد قالت وزارة الكهرباء انها مضطرة الان لتنفيذ خطة تخفيف الاحمال وندعو جميع المواطنين لترشيد الاستهلاك من الكهرباء واضافت وزارة الكهرباء فى بيانها ان هذا الانقطاع رغما عنها وذلك لعجز قدرات التوليد المتاحة عن مسايرة زيادة الاستهلاك وذلك بسبب نقص كميات الوقود وقالت وزارة الكهرباء ان المركز القومى للتحكم يقوم بتخفيف الاحمال ويدعو المواطنين بالتخفيف من استهلاك الكهرباء وذلك بالحد من استخدام السخانات الكهربائية واجهزة التكييف واضاف البيان مؤكدا ان وزارة الكهرباء تبذل قصارى جهدها بالتعاون مع شركات البترول بتوفير الوقود الازم لتشغيل المحطات والحد من انقطاع الكهرباء على مستوى مدن جمهورية مصر العربية ومن ناحية اخرى فقد شهدت جميع محافظات مصر خلا اليومين الماضيين انقطاع للكهرباء متكررا خلال اليوم مما ادى الى غضب فى الشارع المصرى

حبيب قلبي
يعني احنا لسه مدخلناش في الصيف ويقولك متشغلوش تكييف
اومال لما الحر يشتد عالناس بجد هيقولوا ايه
على أساس ان الكابتن اللي بيكتب البيان يعني مكتبه مش مكيف

صحيح لما يشيلو المكيفات الى فى مكاتبهم الكهربا هتترشد لوحدها

حكومة الفاشلين بلد فيها السد العالى بينقطع فيها الكهرباء اكبر بلد مولد للطاقة الشمسية على مستوى العالم بتقطع فيها الكهرباء وبعدين وقود ايه اللى مش موجود بجد ربنا ينتقم منكم

مش عارف ليه لازم نتفاجئ بالأخبار اللى تعكنن واللى المسئولين عارفينها مسبقا _ لماذا لا يتم مصارحة الناس ومناقشة هذه المشاكل فى الاعلام وتوجيه تحذير للناس بما سيحدث وتوعيتهم وطرح حلول للأزمة ومناقشتها وفتح صفحات الكترونية لاستقبال شكاوى المواطنين وافكارهم تجاه حل المشكلة

نفسى نعيش جو التحضر فى التعامل مع الازمات

اللهم احفظ مصر وشرفاء مصر واهدنا لما فيه الخير لنا

ارحمونا ما عندنا مكيفات اخرنا مروحة والله يستر فى رمضان

طيب وبالنسبه للاطفال اللى بتموت دى عادى وبالنسبه للناس اللى بتذاكر ومش بتذاكر غير بالليل عشان الدروس او المحاضرات برده عادى وبالنسبه للاشغال الى بتوقف دى برده عادى (تحيا مصر ياعم الحج)

شكرا علي الموضوع الرائع
والمفيد

مصر تشجع الجبيبة وبتقطع لهم الكهرباء عشان يعيشوا علي ضوء الشموع