بسم الله الرحمن الرحيم
السلام عليكم ورحمه الله وبركاته
النهارده انا عايز اخليكم تضحكوا وتفرفشوا وتنبسطوا فعشان كده جايب لكم مجموعه من النكت هاتعجبكم قوى واليكم اجمل واروع النكت المضحكه المصريه يارب تنال اعجابكم
هندي يسأل مصري محشش ليش انتو مافي إحرق جثه قبل إدفن؟ قال المصري: بص إحنا إدفن أول بعدين ربنا يحرق
محششين عاملين امسيه ثقافية بعنوان: "نجيب" محفوظ ولا "مانجيبهوش"؟
واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل
اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا
مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
واحد سباك سايب رسالة على التليفون يقول
اترك اسمك وعنوانك بعد سماع صوت السيفون .. فيسسسسسسسسس
واحد حانوتي فتح محل فاكهة قام كتب يافطة المـوز علينا حـق
اتنين مساطيل واقفين مستنيين الاوتوبيس فالاول بيسأل : هنعرف الاتوبيس ازاى التاني قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللي حيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهاله فقالهم : انا مش الكومسارى انا ضابط بحريه قاله شوفت شورتك المنيله ادينا ركبنا (باخره)
مرة سواق تاكسى ركبت معاه وحده
حلوة قال لها تعرفى تسوقى قالت لة لا .. قال لها انا تسوقى
مضيفة طيارة بتسأل راكب ...
تحب انزل لك عشاء كامل ؟؟؟؟ رد عليها : ليه هو كامل مش حيتعشى!!!
مرة اتنين راحوا يزورو متحف
للفراعنة... فشافوا جثة متحنطة .....فالأول بيقول للتانى شايف يله قالو ايوا
شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :
وده يطلع ايييه؟...قالوه التانى:والله منا عارف تلاقيها نمرة العربية الى
داسته
جماعة اغبية عملوا أتوبيس
يمشى بالعرض .... عشان يركبون كلهم قدام
واحد بيقول لصاحبه تيجى نركب
اتوبيس؟؟ قال له : يا عم لأ ،· احنا نجرى جنب الاتوبيس ونوفّر النص جنيه .... فرد
وقال له طب منجرى جنب تاكسى ونوفّر خمسة جنيه
محششين راحو يلعبو بلياردو،·
واحد منهم وقف فوق الطرابيزة وقال لهم انا الجوووووون
مرة واحد حب يطور الطيارة
الهليكوبتر ركب بدل المروحة تكييف
واحد غبى قوى حكموا عليه
بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول
حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق
واحد سنانه كلها طايرة ما عدا الانياب... قدم علي وظيفة عينوه خرامة
حشاش بيقول لصاحب
أنا حلمت امبارح أننا بقينا فناني
أنت فنان تشكيلي ..... وأنا فنان أشكيلك
بلدياتنا فتح محل جواهرجي عمل أول يوم ببلاش
الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه
مدرب يسأل لاعب محشش : "في كم مر تقدر تلف الملعب"
قال المحشش: "في سجارتين"
واحد اتجوز على مراته هيفاء وهبى فمراته زعلت
قالها متزعليش انتى يوم وهى يوم
قالتله لا
قالها خلاص انتى يومين وهى يوم
قالتله لا
قالها خلاص انتى تلات ايام وهى يوم
قالتله برده لا
قالها اومال انتى عايزه ايه
قالتله انت يوم وانا يوم
موظف غلبان خصموا ربع مرتبه لصالح فلسطين
من غيظه اتبرع بالباقى لاسرائيل
مره واحد بتاع سمك ابنه مات ماشى فى الجنازه يقول
كان صاحى وبيلعب
غبى اتقدم لبنت قالتله اسفه جوايا شخص تانى
قالها بلاش فلسفه وقولى انك حامل
واحد دعك الفانوس وطلب شقه طلعله العفريت وقاله يعنى بفقر امك لو فى شقه هسكن فى فانوس
واحد احول سالوه ايه امنيتك فى الحياه قالهو اشوف واحد ماشى لوحده
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني
حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني
واحد ندل جيرانه خبطوا عليه بالليل وقالوله
ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى
مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول
على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت
له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك
صعيد بيموت قالوله انطق الشهاده قالهم دبلوم صنايع