بسم الله الرحمن الرحيم
السلام عليكم ورحمه الله وبركاته
اخواتى وحبايبى الحلوين اعضاء وزوار منتدى نجوم مصريه حبيت اقدم لكم طريقه عمل بلح الشام من مطبخى بطريقه حلوه سهله وبسيطه جدا وغير مكلفه ويعتبر بلح الشام من الحلويات المحبوبه والمفضله لدى الكبار والصغار واليكم هذه الطريقه يارب تنال اعجابكم
المكونات
2 كوب دقيق ابيض
2 كوب ماء
1 كوب زيت
نصف ملعقة صغيرةملح
نصف ملعقة صغيرةسكر
نصف ملعقة صغيرة فانليا
6 بيضات
مقدار زيت للتحمير
مقدار شراب ثقيل جدا
طريقه التحضير:-
ضعى الماء والزيت والملح والسكر على النار بعد الغليان نضع الدقيق مره واحده ومزجى الخليط جيدا لمده حوالى نصف ساعه نرفعه من على النار بعد ان اصبح مثل الكوره ولا يلصق فى الحله اللى انتى عملاه فيها وبعد ذلك ترفعيه من على النار لغايه ما تبرد العجينه وضعى البيض واحده واحده مع الضرب المستمر وضعى الفانليا مع البيض اذا لاحظتى ان العجينه نشفه شويه ضعى بيضه زياده وبعد ذلك ضعى العجينه بكيس به بلبله وقطعى العجينه فى زيت بارد واتركيه يتحمر مع مراعاه التقليب لكى يحمر من الوجهين بعد ما يكون لونها ذهبي نضعها فى شراب سميك
[COLOR="blue"]طريقه عمل الشربات:-[/
COLOR]2 كوب سكر + 2 كوب ماء وتغلى على النار لمده نصف ساعه ممكن تحطى للشربات بعد ما تبرد فانليا عشان تبقى رائحتها حلوه
خلى بالك الشربات تكون بارده وسميكه عندما تضعى فيها بلح الشام
ملاحظات مهمه جدا :
زيت قلى بلح الشام لازم يكون بارد اذا بتحبوا بلح الشام طرى ممكن نحمره فى زيت ساخن
وممكن كمان تحشى بلح الشام بالشيكولاته ا والكريمه الكستر