الان ولجميع اعضاء وزوار منتديات نجوم مصرية يسعدنا ان نقدم لكم خدمة خديدة وهى سوق السيارات المستعمله بيع - شراء - استبدال لحساب الغير وهى خدمة جديدة نتيميز بها ومتجدد يوميا باذن الله تعالى ودائما في خدمتكم ونحن دائما على اتم الاستعداد لتقديم المشورة والدعم الفنى قبل عمليه الشراء استشارات فنية وميكانيكية وهندسية 24 ساعة طوال ايام الاسبوع لجميع ماركات السيارات المستعمله في مصر اسعار السيارات اللادا الروسي موديل 1980 حتى 2000 تبدا اسعار السيارت اللادا الروسية في مصر لو استعمال جيد تبدا موديلات 1980 لادا 1300 - لادا 1500 من 14 الف جنيه وطبعا اهم حاجه السعر بيختلف على حسب الحالة الفنية للسيارة وطبعا عدد التوكيلات واهم حاجه مدة الرخصة دى لوحدها قصة تانية لان لو الحالة بتاعت العربية كويسة لكن رخصتها انتهت او قاربت على الانتهاء بيقل ثمن السيارة من 500 جنية الى 1000 جنية اما عن اسعار اللادا 1200 وهى من افضل انواع السيارات اللادا على الاطلاق فيبدا سعرها من 16 الف جنية لو في حاله عامة جيدة اما عن اللادا 2105 موديل 83 - 89 فيبدا السعر من 16 الف جنية اما اللادا 2107 موديل 84 حتى 89 فيبدا السعر من 17 الف جنيه انا عن اسعار السيارات الفيات فالسيارة الشعبية الاولى في مصر وصديقة الموظفين فهى السيارت فيات 128 فهذه السيارة تتميز بالنعومة واقتصادية البنزين وايضا قطع الغيار مثلها مثل السيارة الفيات فيورا 127 او النصر 127 تتميز هذه السيارات بان اقتصاديات تشغيلها منخفضة بالمقارنه بالسيارات الاخري مثل اللادا او البيجو او السوزوكى او السيارات اليابانية بصفة عامة فالسيارات الفيات 127 و 128 يمكن ان تقوم بتفويلها بالبنزين مرة كل شهرلو استخدامك بسيط وتنك البنزين في هذه الفئة من السيارات يحتمل لــ 30 لتر من البنزين ويتراوح سعر السيارات الفيات 127 نصر - او فيورا موديلات تبدا من 1984 حتى 1989 من 7 الاف جنيه حتى 15 الف جنية لو السيارة في حالة فابريكه اما بالنسبة لاسعار السيارة فيات 128 او نصر 128 اولا اسعار نصر 128 موديل 1977 فتبدا من 6 الاف جنيه وهى من اقل اسعار السيارات المستعمله في مصر الفيورا والـ 128 اما بخصوص اسعار السيارة الفيات 128 فيبدا السعر من 12 الف جنية لو موديل الثمانينيات والسيارة 128 هى الوحيدة من السيارات الشعبية التى تم تصنيعها حتى عام 2002 وكانت تنتج من شركة النصر لصناعة وتجميع السيارات حتى ان صدر قرار بايقاف تصنيع هذه السيارة وكانت تباع السيارة 128 موديل 2002 زيرو الوان ميتالك 54 الف جنيه ونظرا لارتفاع ثمنها قامت الشركة المنتجه بايقاف تصنيعها اسعار السيارات البيجو في مصر تبدا اسعار بيع السيارات البيجو في مصر من 20 الف جنية لموديلات 405 موديل 1979 وطبع اهم حاجه والفيصل في البيع والشراء الحالة الفنية وورق البيع من رخصة وتوكيلات وشهاده مخالفات وخلافه والتالى صورة السيارة فيات 128 موديل 2002 زيرو ويليه صورة اللادا 1300 واللادا 1500 بيختلف الشكل بين العربيتين في شكل الفوانيس الخلفية وحجم وسلندرات الموتور ثم في الاخير صور السيارات لادا 2105 و 2107

لادا 1300

ودى صورة العربية لادا 2105


ودى صورة اللادا 2107


ونحن في انتظار تعليقاتكم واستفساراتكم وانشاء الله الموضوع متجدد باستمرار وتسعدنا خدمتكم لان خدمتكم شرف لنا في انتظاركم فلا تبخلوا علينا بتعليق او استفسار

ممكن اعرف رينو 5 موديل 80 بكام؟

رينو 5 موديل 80 تقدر بكم؟

ممكن اعرف رينو 5 موديل 80 بكام؟

اولا شاكرين لتشريفكم لنا وتقديركم لنا بالتسجيل بالمنتدى
اولا السيارة رينو 5 موديل 1980 يبدا السعر من 11 الف جنية ويصل الى 20 الف جنية في بعض حالات هذه السيارة من حيث كماليات السيارة كاملة وتكيف وسنتر
ودى صورة السيارة ولكن هذه السيارة بها عيوب كثيرة اهما ارتفاع تكلفة قطع الغيار الخاصة بها وكذلك ندرة وجودها وقلة الفنيين القائمين على تصليح هذا النوع من السيارات

ودى صورة العربية

عايز عربية بسعر 15 الف جنية

ممكن اعرف 128 بحالة كويسه فىحدود كام وبتحرق اد ايه بنزين كل 100 كيلو

عايز عربية بسعر 15 الف جنية

لو عايز عربية بـــــــ 15 الف جنية يبقي انت ممكن تشترى 128 فيات او لادا 1200 - 1300 ودا على حسب مشاويرك لان فيه فرق بين اللادا والفيات في اشياء كثيرة
لو انت بتدور على المتانه يبقي ارشح لك اللادا ولو بتدور على الاقتصادية والتعومة يبقي الفيات

السلام عليكم انا عاوز سيارة قسط سواء مستعمل او زيرو ممكن تدلنى اعمل اية ارجو الرد من فضلك وا ريت اقل مقدم واقل قسط شكرا

دي مش سيارات دي كنب كما يقال عليها في عرف السوق المصري
يا جماعه اللي معندوش قدره يشتري عربيه تستر وزي الناس
يخليه مع التاكسي والميكروباص
يا إما يكون قريبك او نسيبك أو صديقك الأنتيم ميكانيكي

السلام عليكم انا عاوز سيارة قسط سواء مستعمل او زيرو ممكن تدلنى اعمل اية ارجو الرد من فضلك وا ريت اقل مقدم واقل قسط شكرا

افضل مكان ممكن تلاقي فيه زيرو او استعمال قسط هو المصرية للسيارات لو انت في الاسكندرية مكانها جرين بلازا اما بالنسبة للمقدم والقسط دا على حسب العربية اللى هاتختارها

دي مش سيارات دي كنب كما يقال عليها في عرف السوق المصري
يا جماعه اللي معندوش قدره يشتري عربيه تستر وزي الناس
يخليه مع التاكسي والميكروباص
يا إما يكون قريبك او نسيبك أو صديقك الأنتيم ميكانيكي

انت محق بس فيه عربيات من الموديلات القديمة برده شغاله ولو برده قريبك ميكانيكى برده هايعمل عليك شغل

ممكن اعرف 128 بحالة كويسه فىحدود كام وبتحرق اد ايه بنزين كل 100 كيلو

بالنسبة للعربية 128 فيات 1300 cc لو حالة الموتور كويسة فالمعدل الطبيعى المفروض ان الصفيحة(20لتر) تعمل معاك في السفر الطوالي 200كيلو أو 210 في الحدود دي ....أنما جوه البلد طبعا علي حسب الزحمه وعمرك ماهتقدر ابدا تحسب معدل أستهلاك واحد أو متقارب جوه البلد ....عارف ليه؟؟؟عشان مش كل مشوار زحمته وقرفه مش واحد

اما سعر 128 في حاله كويسة يبدا معاك من 14 الف وانت طالع ودا على حسب الموديل والحالة الفنية وورق العربية والرخصة
واتمنى ان نكون قد وفقنا في الرد على استفساراتك وتسعدنا دائما خدمتكم

انا من القاهرة ومش عارف اجيب عربية قسط من فين ممكن تدلنى على مكان يقسط مستعمل او زيرو اقل قسط واقل مقدم

السلام عليكم كنت عاوز اعرف اسعار السيارة فيت 131 او الرينو او مايعادل سعر هذه السيلره ولو سمعتم كنت عاوز اعرف عنونكم تفصيلى انا من السويس

انا من القاهرة ومش عارف اجيب عربية قسط من فين ممكن تدلنى على مكان يقسط مستعمل او زيرو اقل قسط واقل مقدم

عندك معارض ابو غالى اوتوموتيف 68 ش المرغنى مصر الجديدة ارقام التليفون للاستعلام

02-22910372 - 02-24152306

ممكن لو تعرف حد عنده رينو 5 مو80 او مكان بيبعها انا من اسكندرية ضرورى وفى حدود 10000 كحد اقصى او ما يعدلها فى السعر ارجو الرد سريعا وشكراااا: محمود نبيل

لو سمحت لو عربية لادا 1500 موديل 79 ماتورها خفيف شوية يكون سعرها كام وماهي مميزاتها وعيوبها وهل هي افضل ام فيات 131.ارجو الرد للاهمية وشكرا

عاوزو عربيه تستحمل مشوار 60 كيلو كل يوم وتكون سعرها كويس تقريبا 28000 , ما هى الانواع اللى ممكن تكون مناسبه

لو سمحت لو عربية لادا 1500 موديل 79 ماتورها خفيف شوية يكون سعرها كام وماهي مميزاتها وعيوبها وهل هي افضل ام فيات 131.ارجو الرد للاهمية وشكرا

طبعا الفيات 131 افضل من اللادا بكتير واللادا 1500 لو محتاجه عمرة موتور سعرها في حدود 8 الاف جنيه الى 10000 الاف جنيه وطبعا اهم حاجه تبص على البرومه لان صاج ال1500 غالى جدا
اهم عيوب اللادا انها عربية ناشفه بخلاف الفيات فهى سيارة ناعمه والشكل الخارجى كما في صالح الفيات 131 ومن عيو ب اللادا 1500 ان الصاج بتاعها غالى الثمن اما مميزاتها فاى ميكانيكى يقدر يشتغل فيها وقطع غيارها متوفره عند اى حد واسعارها في متناول الجميع

عاوزو عربيه تستحمل مشوار 60 كيلو كل يوم وتكون سعرها كويس تقريبا 28000 , ما هى الانواع اللى ممكن تكون مناسبه

اولا لو مشوارك مفيش فيه احمال يعنى ركاب اكثر من 3 افراد او حموله في الشنطة يبقي ارشح لك سوزوكى ماروتى موديل من 2008 الى 2010 ها تبقي في حدود الفلوس بتاعتك اما لو انت محتاج متانه فعليك وعلى لادا 2107 موديل برده يكون فى الالفينات وياريت تكون روسي مش مصري

اولا لو مشوارك مفيش فيه احمال يعنى ركاب اكثر من 3 افراد او حموله في الشنطة يبقي ارشح لك سوزوكى ماروتى موديل من 2008 الى 2010 ها تبقي في حدود الفلوس بتاعتك اما لو انت محتاج متانه فعليك وعلى لادا 2107 موديل برده يكون فى الالفينات وياريت تكون روسي مش مصري

شكرا على الرد يا بمشهندس محمود , انا كنت بفكر فى الكيا برايد مو 97-99 او هيونداى اكسل 96-98

شكرا على الرد يا بمشهندس محمود , انا كنت بفكر فى الكيا برايد مو 97-99 او هيونداى اكسل 96-98

ارشح لك الهيونداى لعده اسباب اولا قطع الغيار متوفره والعربية اوسع وامتن من الكيا برايد وبعدين الهيونداى بياعه وفلوسها فيها

ارشح لك الهيونداى لعده اسباب اولا قطع الغيار متوفره والعربية اوسع وامتن من الكيا برايد وبعدين الهيونداى بياعه وفلوسها فيها

شكرا يا بشمهندس محمود على الرد ياريت لو تعرف حد او مكان اقدر اشترى منه العربيه الهيونداى تقولى عليه

شكرا يا بشمهندس محمود على الرد ياريت لو تعرف حد او مكان اقدر اشترى منه العربيه الهيونداى تقولى عليه

يفضل انك تبحث عن السيارة بين الاصدقاء والمعارف وخليك بعيد عن مكاتب سمسرة السيارات لانهم مفيش عندهم اى نوع من انواع الضمير والمهم عندهم الجنيه دور واسال وتابع جريدة الوسيط لو انت من الاسكندرية وحاول انك تقع في عربية بيتى وانا من جهتى ها ابحث ولو ظهرت حاجه ها اقولك عليها بس خلي بالك انا في الاسكندرية

سياره بحالة الفابريكا كامله اوتوماتيك تكييف سنتر باور abs زجاج كهرباء وحدات رفع جهاز انذار كل شئ متوفر بيها مش محتاجه اي مصاريف طقم كاوتش تيوبلس جديد كامل من مدينة العبور للاستعلام برجاء الاتصال أ.اشرف31 ( السياره مرور عبود ) + طقم صوت بايونير + جنوط نيكل كروم+العربيه كلها بدون خدوش اكصدامات وبودي كامل ناقل أوتوماتي

سياره بحالة الفابريكا كامله اوتوماتيك تكييف سنتر باور abs زجاج كهرباء وحدات رفع جهاز انذار كل شئ متوفر بيها مش محتاجه اي مصاريف طقم كاوتش تيوبلس جديد كامل من مدينة العبور للاستعلام برجاء الاتصال أ.اشرف31 ( السياره مرور عبود ) + طقم صوت بايونير + جنوط نيكل كروم+العربيه كلها بدون خدوش اكصدامات وبودي كامل ناقل أوتوماتي

ممكن تعرفنا نوع السيارة ايه والموديل السعر ورقم التليفون الخاص بك

اناعاوز عربيه 128 بس مش عارف يعنى ايه الموديل بتاعها انا عاوزها زى السياره 128 اللى موجوده فى الصفحه ممكن الرد انا من الاسكندريه

اناعاوز عربيه 128 بس مش عارف يعنى ايه الموديل بتاعها انا عاوزها زى السياره 128 اللى موجوده فى الصفحه ممكن الرد انا من الاسكندريه

العربية اللى في دى صورة ارشيفية للسيارة 128 موديل 2001 وهى زيرو
لو انت عايز 128 طبعا عمرك ما هتلاقي عربية ذى اللى في بس ممكن تلاقي حاجه كويسة اساسيتها سليمة وام حاجه في ال128 الصوابع وبصمة الفخده وطبعا مش ها اقولك على الموتور والعفشه يعنى من الاخر ياريت تاخد حد خبير او صنايعى تكون واسق فيه يبص لك ع العربية وشكرا لمرورك الكريم

اولا السيارة رينو 5 موديل 1980 يبدا السعر من 11 الف جنية ويصل الى 20 الف جنية في بعض حالات هذه السيارة من حيث كماليات السيارة كاملة وتكيف وسنتر الكلام دة ممتاز والعربية فرنساوى وقطع الغيار متوفرة جداااا انا كان عنى وحدة ومفكرتش ابيعها الا علشان عاوز حاجة كبيرة الاولاد كبرو لكن غير كدة والله مكنت هبعها ابدا لان بنزمها كالم فاضى افول واتركها اسبوعين وقطع غيارها فى جسر السويس كتيرررر مثال بسيط العربية سخنت فى سفرية رحت جبتلها جوان وش سلند ب 15 جنية وركبتة 50 مقارنتا بالفيات 128 او غيرها مثل الادا الجوان بيعمل 55ج وتركيبة 50 والكفائة مش ممكن توصل للفرنساوى اباا ودى امانة فى الاراء وشكرااااا

اولا السيارة رينو 5 موديل 1980 يبدا السعر من 11 الف جنية ويصل الى 20 الف جنية في بعض حالات هذه السيارة من حيث كماليات السيارة كاملة وتكيف وسنتر الكلام دة ممتاز والعربية فرنساوى وقطع الغيار متوفرة جداااا انا كان عنى وحدة ومفكرتش ابيعها الا علشان عاوز حاجة كبيرة الاولاد كبرو لكن غير كدة والله مكنت هبعها ابدا لان بنزمها كالم فاضى افول واتركها اسبوعين وقطع غيارها فى جسر السويس كتيرررر مثال بسيط العربية سخنت فى سفرية رحت جبتلها جوان وش سلند ب 15 جنية وركبتة 50 مقارنتا بالفيات 128 او غيرها مثل الادا الجوان بيعمل 55ج وتركيبة 50 والكفائة مش ممكن توصل للفرنساوى اباا ودى امانة فى الاراء وشكرااااا

نشكرك على المعلومات القيمة وبالفعل لو الكلام مظبوط تبقي اقل من صيانة الفيات 128 ولكن قطع غيار الرينو غير متوفرة بكثرة في محافظة الاسكندرية ومرة اخرى نشكرك على الاضافه ونتمنى مشاركتنا الرائ في المشاركات الجديدة وتقبل تحياتى