|
لو كنتى عروسة جديدة او حتى بتجددى شقتك فعليك اختيار ما يناسب ذوقك من سفرة شيك ونيش رائع .. وياريت على قد ما تقدرى ما تجبيش الاحجام الكبيرة وده ببرضه يرجع لذوقك انت لان كل الموديلات الجديدة هى الرقيقة البسيطة اللي تديكى مساحة واسعه وفي نفس الوقت منظر رائع وشكل افضل وتحتوى على حاجتك كلها وده بالنسبة للنيش أما السفرة ففى ب 6 كراسى وفيه السفرة الصغيرة ب 4 كراسى فقط وفيه ناس كتير بتفضل السفرة المدورة رغم انها بتاخد مساحة اكتر من السفرة المستطيلة ولكن حسب مساحة شقتك وحسب ذوقك انت .. وكمان ذوقك مهم اوى لترتيب النيش وحط التحف والاطقم الصينى فيه وبالذات كمان لو النيش اللى هتختاريه بأكتر من دلفتين هيبقى متعب اوى فى ترتيبة ورسه وكمان فيه النيش اللي كله زجاج بمعنى العواميد بتاعته بس هى اللى خشب والباقى كلة زجاج بيبقى رائع بس عاوز استخدام خفيف وبالنسبة للسفرة يفضل انها تكون لون خشب النيش
|