|
اكيد فيه امهات كتير بتعاني ان اطفالها بتغلبها علشان تروح الحضانه او علشان تصحي الصبح وتلبسها وعياط بقا من البيت لحد الحضانه وياسلام بقي لما يوصل الحضانه يعيط عياط ويخلي قلب الام يضعف انا عن نفسي كنت لما الاقي بنوتي بتعيط وهي داخله الحضانه ببقي نفسي ارجع اجبها واروح بسي طبعا غلط لان الحضانه لازم منها علشان تتعود قبل دخول المدرسه انها تبعد عن امها والحل بيقف علي الام والاب وتشجعهم للطفل وصبرهم علي دلعه شويه لانه اتعود علي وجوده معاهم طول الوقت وفجأه يسيبهم فده برضه نراعيه لانه برضه صعب عليه فلازم نتعامل معاه من النقطه دي واول شئ لازم الأم تمشي مع طفلها خطوه بخطوه يعني تحببيه في الحضانه من الحكايات عنها وانها ممكن تروح اول كام يوم مع طفلها الحضانه علشان هي تشوف نظام الحضانه ايه وكمان الطفل يتعود علي المكان وتطلبي من الطفل روح العب في دي وروح اعمل دي في الحضانه وعرفيه يعمل ايه في اللعبه دي علشان يحب المكان منك وبعدين الخطوه الصعبه لما يدخل من غيرك حاولي تجمدي قلبك لانه لو عيط شويه وهيسكت واضمني ده من خلال انك تتاكدي ان معامله الميس في الحضانه كويس وبتعرف تتعامل مع الاطفال الجديده وكمان الخطوه الاحسن منك انك تروحي بعد ساعه كدا لما توديه تشتري ليه الشيكولاته اللي بيحبها وتخلي الميس تعرفه انه شاطر ودي مكافئه منها انه جه الحضانه ولو جه كل يوم هتجبله هديه وانتي لما تروحي تجيبيه من الحضانه اقفي شجعيه وافرحي انه راح الحضانه وكلميه انك هتشتريله اللي عاوزه من السوبر ماركت علشان هوه شاطر وراح الحضانه واستمري علي الوضع ده واحده واحده والخطوه الاجمل بقي انك تفهميه انك نفسك تروحي انتي الحضانه تلعبي من اصحابه وتلعبي باللعب اللي في الحضانه وتتعلمي من الميس وتقعدي تعرفيه ان كل مميزات الحضانه هتروحي انتي تعمليها وفهميه انك انتي هتروحي الحضانه وهوه يقعد بدالك لوحده في البيت ودي بقي اكتر خطوه نفعت جدا جدا مع بنتي وحببتها في الحضانه وبرضه لما يكمل طفلك شهر في الحضانه تاخديه محل اطفال وتعرفيه انك مبسوطه منه جدا علشان كدا هتشتريله اللعبه اللي عاوزها وخليكي في التشجيع ده واحده واحده لانه لازم يحب الحضانه ويعتمد علي نفسه ويبعد عنك شويه وربنا يارب يخلي كل اولادنا
|
