|
دلوقتي الطماطم سعرها كويس وممكن خلال الفتره القادمه مش مضمون سعرها ممكن يرتفع تاني ولا لا فطبعا دي فرصه اننا نخزن الطماطم دلوقتي علي اد ما نقدر اول شئ تحضري الطماطم وتغسليها كويس جدا وتحطيها في حله وتحطي كوبين ميه في الحله وتحطي الحله علي النار والكوبين ميه دول كفايه لان لما تحطي الحله علي النار الميه اللي في الطماطم بتنزل منها وممكن الحله تتملي من الميه اللي بتنزل من الطماطم لما تحطيها علي النار قلب الطماطم هي اللي هتفضل معاكي وهتلاقيها زي ما تكون طايبه وطريه خالص لانها نزلت الميه اللي فيها ولما تلاقيها وصلت للشكل ده خلاص اطفي عليها النار وتسبي الطماطم تبرد ولما تبرد ادامك حل من الاتنين الاول ممكن انك تشليها من الحله وهي طايبه وطريه كدا وتعمليها في الخلاط وتحطي الكميه المناسبه ليكي في كل كيس بحيث انك كل طبخه تطلعي الكيس بالكميه المناسبه للطبخه والطريقه التانيه انك لما تعمليها في الخلاط تحطيها في المصفي وتكون تحت المصفي حله وتدعكي بايدك وهيفضل القشره بسي في المصفي ودي طريقه تانيه ممكن منها تعملي صلصه للبيتزا علي الوش وتاخدي اللي صفتيه من المصفي ده وتحطي برضه في اكياس علي اد الطبخه وفي الفريزر ورصي وعلي فكره الطريقه دي من تسبيكك الطماطم بتخلي الطماطم تقيله وسريعه في الطبخ وبتتسبك بسرعه في الطبخ وخلي بالك انك لما تحطي الطماطم في الخلاط تحافظي عليها انها تكون تقيله بلاش تخفيها كتير بالميه والميه اللي هتزوديها في الخلاط تكون من ميه الطاطم مش من الحنفيه وممكن علشان تضمني اكتر تعملي كمان خطوه انك قبل ما تحطيها في الاكياس وبعد ما تعمليها في الخلاط تغلي اللي انتي عملتيه في الخلاط ده ياخد غلوتين علي النار علشان تتقل اكتر لو عاوزاها تكون تقيله ومتسبكه شويه زياده وبالف هنا وشفا ووفري وقت بعد كدا وتكون الصلصه بتاعتك جاهزه وتمام
|
