نجوم مصرية
 • تسجيل الدخول
 • تسجيل عضوية جديدة

فيس بوك  جوجل بلس  تويتر 

حصريا كيفية التحضير للإنترفيو مع أهم الأسئلة المتوقعة لجميع التخصصات

 

السلام عليكم ورحمة الله وبركاته

إن شاء الله هبدأ بكتابة موسوعة لكل أسئلة الإنترفيو المتوقعة بكل أنواعها العادية والـ stress في جميع المجالات :
1- خدمة العملاء
2- التيلي سيلز
3- التسويق الإليكتروني
4- التكنيكال سبورت ADSL
5- المحاسبة
6- الأقسام الهندسية المختلفة

تابعوا معي كل الردود ...

هبدأ بسم الله ..هبدأ بشوية نصائح أتمنى كل الناس تاخد بالها منها .. النصائح دي اتقالتى في المنحة اللى أخدتها من مدير إتش أر في شركة كبيرة في مصر

1- لااااااااااازم اللبس يكون فورمال حتى لما تستلم الشغل ان شاء الله لازم تروح فورمال لحد ما هما يقولولك الـ dress code الخاص بالشركة

2- متديش ظهرك للإتش ار اطلاقا الا في حالة انك كنت في قاعة طوووووويلة وبالتالى مش هينفع تمشي بظهرك مسافة طويلة

3- الابتسامة متفارقكش لحد ما تخلص من الانترفيو مهما كانت حالتك

4- وانت بتقعد على الكرسي مش بتقعد دييييييييييييب مرة واحدة لا على 3 خطوات الاول بتقف وبترجع لورا لحد ما تلمس الكرسي ( متبصش لورا كدة على الكرسي لا ) تانى خطوة لما رجليك تلامس الكرسي تقعد على طرفه وثالث خطوة ترجع لورا شوية وتقعد مرتاح كدة

5- خلوا بالكم من الـ shake hands واتمنى تشوفوا الفيديو ده


6- practice ... practice ... practice لازم تتمرن كتير على الانترفيو واسئلة الانترفيو وانت الوحيد اللى هتعرف الاسئلة المتوقعة






7- الـ CV هتقراه مرة واتنين و 3 وهتطلع منه اسئلة كتييييييييييييييييير لانك لازم تعرف ايه المكتوب في الـ CV بتاعك علشان تعرف الانترفيور ممكن يسألك اسئلة في ايه
شهادات .. مشروع تخرج .. تطوع ... الخ

8- الثقة ثم الثقة ثم الثقة .... ايه يعني لو الواحد متقبلش لقدر الله يعني في اى وظيفة عااااااااااادي في كتير غيرها ( فعلا والله ) الدنيا مش هتقف يعني عشان كدة خليك واثق من نفسك ومش هقولك متخافش لا خاف بس اياك تبين خوفك ده للانترفيور اتكلم بطبيعتك بس اوعى تقلب معاك بغرور

9- طبعا الـ body language تربيع الايدين مش عاوزينه ... البنات بس اللى مسموح ليهم يحطوا رجل على رجل ...
اتمنى مشاهدة الفيديو ده


...................

تابعوا الرد التالى لمعرفة أسئلة الإنترفيو والرد المناسب عليها



المقال "حصريا كيفية التحضير للإنترفيو مع أهم الأسئلة المتوقعة لجميع التخصصات" من كتابة: بتاريخ : بتوقيت القاهرة
عاجل
مميز
 ›  اسباب لذة الماء عند العطش الشديد
 ›  الاوقات المثالية لتناول الفطور والغذاء والعشاء
 ›  رجل هندي يأكل الطوب و الطين فقط !
 ›  اسباب و علاج الام الدورة الشهرية
 ›  اجمل صور و استايلات و رسومات الحنه

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

ملكـ الويب
السلام عليكم ... نيجي للجزء الثاني ...الخاص بأسئلة خدمة العملاء Customer Service Agents او Call Center Agents
في كل شركات الإتصالات او الأوت سورس Outsource زى شركة وصلة او اكسيد او إسناد او ايكو او ناوس او راية إلخ إلخ

نبدأ ... الأسئلة دي من تجميعي بس هضطر امسح الاجابات لكن هشرح هيتم الاجابة بإيه ... نصيحة لوجه الله محدش ياخد اى اجابة من النت لان الإتش ار حفظوها فعلا .. شوف الاجابة واعمل اجابة من صيغتك انت وتناسب شخصيتك انت ( اللهم بلغت اللهم فأشهد )

1-introduce yourself?

هتعرف نفسك إسمك - سنك - مؤهلك - الكلية والقسم والجامعة - هتقول لو اشتغلت فققققط لو الشغل related بالشغل اللى انت مقدم عليه يعني له علاقة بيه مثلا اشتغلت خدمة عملاء وانت مقدم على نفس البوزيشن ( تمام ؟؟ ) غير كدة مش لازم تقوله
------------------------------------------------------
2-what do you know about customer service?

السؤال ده بالذات محدش ياخد اجابته من اى موقع ارجووووووووووكم اعملوه من صيغتكم انتم
خدمة العملاء ايه هي ؟؟ هو القسم في اى شركة اللى بيهندل العملاء وبيخليهم راضيين على مستوى الخدمة في الشركة وطبعا بيحل مشاكلهم وممكن تقول بالتالى اهداف الشركة بتتحقق او ارباحها بتزيد
------------------------------------------------------
3-why we should hire you?

هتقول الحاجات اللى تؤهلك للعمل في خدمة العملاء يعني متجيش تقول انا مش صبور او انا بتنرفز بسرعة
قول انك اجتماعي وصبور عندك قدرة انك تشتغل تحت ضغط وفي تيم وورك الخ الخ
مع العلم ان كل صفة هتقولها هتجيب عليها دليل في جملة تمااااااااااااااااااام
مثلا اشتغلت تحت ضغط وفي تيم ... في مشروع تخرجي
-------------------------------------------------------
4-What is your strength and weakness point ?

المميزات هى زى السؤال اللى فات بس ممكن تجيب حاجات عامة اكتر وبرده حاول تقول ادلة على الصفات دي.
بالنسبة للعيوب بقى لازم تقول عيب فيك بس في الحقيقة هو ميزة زززززى انك بتشتغل بزيادة عن اللزوم وده بيخليك بعيد عن اهلك الى حد ما ... او انك منظم بدرجة زيادة مثلا بس انت ادرى بشخصيتك قول بقى انت ^_^
---------------------------------------------------------
5-why do you want to work in customer service field?

هتقول نفس الاجابة بتاعت ليه عاوز أشغلك ؟؟
---------------------------------------------------------
6-Where do you see yourself in 5 years ?

هتقول مثلا انك عاوز تبقى في بوزيشن اعلى زى تيم ليدر او سوبرفايرز وتقول هتعمل ايه عشان توصل لده يعني مثلا هتقوى نفسك وتاخد كورسات وكدة
----------------------------------------------------------
7-Why do you want to work in this company?

امدح في الشركة بقى
فودافون : شركة مالتى ناشيونال ومن اكبر شركات الاتصالات في مصر بل في العالم كمان
اكسيد : من اكبر الكول سنترز في مصر
راية كذلك
----------------------------------------------------------
9-why do you want to leave your past job?

متحاولش تقول اى عيب في مديرك القديم او عيب في اى شخص حاول تقول عيوب بسيطة بلاش كمان تقول العيب السلارى .. ممكن تقول العيب ان مفيش ترقيات مثلا
-------------------------------------------------------------
10-Most challenge you have faced professionally?

مثلا انا قلت انى في المنحة ( او في الكلية ) دورى كان كذا كذا وكان حاجة مش قليلة والمفروض انى اعملها في 3 ايام وفعلا عملتها في الوقت المحدد بل وكمان التيم كله بتاعي انبهر باللى عملته
-------------------------------------------------------------
12-What was the last book that you have read or the last movie?

في شركات معينة زى Go Partners او اكسيد أكونت شركة دو الاماراتية دول بيحتاجوا انجلش حلوووووو عشان كدة بيسألوا السؤال ده والمطلوب تقول فيلمك المفضل وتحكيه مع العلم انك مينفعش تتلألأ في الكلام ولا تقف كتير تماااااااااااااااام
-------------------------------------------------------------
13-What can you perform on a computer more than any average user ?

قول اى حاجة تقدر تعملها عالنت او عالكمبيوتر بس تكون اقصي حاجة عندك ونادرا لما تلاقي حد بيعمل زيك
---------------------------------------------------------------
14-Can you work under a stress and in a changing environment ?

هتقول انت اشتغلت تحت ضغط امتى قبل كدة وفين مثلا مشروع التخرج او في شغلك القديم
--------------------------------------------------------------
15-Define quality?

Quality is the real measurement of any product or service that can really tell if it's good or not.
----------------------------------------------------------
16-What can you do when facing an angry customer?

اولا هتحاول تهديه طبعا وتسمعه كويس بدون مقاطعة
ثانيا هتخليه يحكي المشكلة كلها وتاخد خطواتك عشان تحلها
ثالثا هتعمل كل خطواتك عشان تتجنب المشكلة دي في المستقبل
---------------------------------------------------------------
17-If I give you 100000 $ what would you do?

شوف انت هتعمل بيهم ايه مع العلم مش عاوزين تبذير وعاوزين حاجات مفيدة اووووووك يعني استثمار وكدة
-------------------------------------------------------------
18-What do you know about the company ?

قولنا السؤال ده قبل كدة وده بيعتمد على معرفتك بالشركة
-------------------------------------------------------------
19-Say or mention 3 defects (disadvantage) in your character?

ده تبع عيوبك اللى قولنا هتقولها بحيث تكون مميزات
------------------------------------------------------
20-Why I have to chose you to work?

برده نفس السؤال اتكرر بصيغة تانية هتقول مميزاتك مع ادلة تمام
---------------------------------------------------------
21-What will you use in your work ?

Concentration, patience, good listening, smile and be acurate in my information.
---------------------------------------------------------
22-What are you needed in yourself?

عاوز تحسن ايه فيك ؟؟؟
---------------------------------------------------------
23-Tell me a time you work under stress?

دليل انك اشتغلت تحت ضغط قبل كدة
----------------------------------------------------------
24-What the biggest thing you achieved in your life?

هتقول مثلا اى انجاز في منحة او كورس او مشروع التخرج او في الكلية او في تطوع .. اكبر شيء حققته
-----------------------------------------------------------
25-What is the same relation between the customer service agent and the designer?

Both of them aim to fulfill the customers needs.
-------------------------------------------------------------
26-What is the hardest situation you met before?

قول اى موقف صعب سواء في الحياة العادية او في الكلية او مشروع التخرج او في كورس او او
--------------------------------------------------------------
27-What is the type of the customer service field ?

1- Face to face
2- By phone
3- Public relationships
-------------------------------------------------------------
28-what's the skills must be in the successful call center person?

قول صفات Call Center Agent
صبور - هادئ - مستمع جيد - سريع التعلم - لديه القدرة على العمل تحت ضغط - العمل في تيم وورك - طموح - مثابر - الخ الخ
-------------------------------------------------------------


تابعوا معايا الرد التالى لأسئلة الخاصة بالـ Sales Rep. و Telesales
ملكـ الويب
السلام عليكم .. قبل ما ادخل على اسئلة المبيعات والتيلي سيلز

أحب انوه عن نقطة ان في شركات كبيرة زى اكسيد وراية ووصلة بيعملوا تست انجلش و IQ و تكنيكال قبل الإنترفيو ولو عديت منه بتدخل الانترفيو ان شاء الله
عشان كدة قلت اعمل موضوع خاص بأسئلة الـ Tests دي وان شاء الله الـ IQ مش هيخرج من الموضوع ده ....

كل أسئلة الآى كيو IQ Tests الخاصة بأى إنترفيو
http://nmisr.com/vb/showthread.php?t=456071

ــــــــــــــــــــــــــــــــــــــــــــــــــ ـــــــــــــــــ
وبرده استكمالا لمجال خدمة العملاء اللى عاوز يشتغل في المجال ده يقدم على كل ايميلات الكونتاكت سنترز في مصر زى راية واكسيد وفودافون وموبينيل وناوس واتصالات ووصلة وايكو واسناد الخ الخ
وكل الإيميلات دي هتلاقوها هنا ( ايميلات كل الشركات خدمة عملاء او بنوك او غيرها )

موسوعة إيميلات إتش أر - إرسل سيرتك الذاتية الآن لأكبر الشركات في مصر
http://nmisr.com/vb/showthread.php?t=456099

ــــــــــــــــــــــــــــــــــــــــــــــــــ ـــــــــــــــــ

ندخل على أسئلة السيلز او التيلي سيلز :
مبدأياً بتراجعوا كل اسئلة خدمة العملاء وتكلموا عليها الأسئلة دي ....

1- تعرف ايه عن السيلز ؟ What do you know about sales or Telesales ؟
هتقول ان السيلز هو خدمة عرض منتج او خدمة على العملاء واقناعهم بيها لتحقيق ارباح للشركة

2- بيع لي الموبايل ده او اللابتوب ده او القلم ده ( بالعربي )
هتحاول تجيب كل مميزات المنتج اللى هتبيعه ده بحيث ينافس اغلب المنتجات اللى زيه ولو مثلا قالك انا مش عاوز او مش حابه قوله طب ممكن اعمل لحضرتك عرض تشترى واحد وتاخد التانى عليه خصم 50% مثلا او تشترى 2 وتاخد الثالث مجانا ( يعني انت وشطارتك وكدة ومتحاولش تيأس لو قالك لا او مش عاوز برده ) خلى دايما عندك عروض

3- What do you consider the most important skills in sales ؟
مميزات الـ Sales Rep او Telesales Agent انه طبعا لازم يكون اجتماعي ومسمتع جيد وبيتعلم بسرعة وعنده قدرة على الاقناع وطموح الخ الخ ضيف كل مميزات الـ Customer Service Agent وزود عليهم Negotiation Skills مهارات التفاوض

4- What are some examples of your sales experience ؟
لو عندك خبرة في البيع تكون اشتغلت قبل كدة او حتى عملت تسويق لاى حاجة .. قول الموقف بشرط تكون حققت نجاح فيه.

5- Describe the most difficult sales call you have made ؟
ممكن يسأل السؤال ده بطريقة تانية انه يقولك بالنسبة لك او من رأيك ايه اصعب كاستمر ممكن تبيع له حاجة ؟؟ انت ممكن تقوله الشخص اللى هو اصلا مش محتاج الحاجة دي اساسا مستحيل يشتريها برغم انه مش مستحيل من رأيي انه ممكن يشتريها لو لقى عليها عرض ... انت ورأيك ( حط نفسك اكنك عميل وجاوب )

6- How often did you achieve your sales objectives ؟
Describe a time that you had to change your sales approach. ؟
ده على حسب شغلك السابق حاول تجيب ايجابيات ونجاح عملته في شغلك السابق

7- ممكن يقولك قولى 5 استخدامات للتي شيرت او الاسطوانة مثلا ؟؟
جيب اى 5 استخدمات وخليك مبدع كدة حاول تجيب اكبر عدد من الاستخدامات
مثال : الاسطوانة ( احمل عليها اى حاجة واستخدمها عالكمبيوتر - استخدمها كزينة اعقلها -- لعبة طبق طاير -- ارسم بيها دائرة كبيرة وصغيرة ووردة الخ الخ )


يتبع ..... مع أسئلة في مجال المحاسبة
ملكـ الويب
دي أكبر مجموعة أسئلة للمحاسبين أتمنى إنها تفيدكم إن شاء الله

1- ايه الفرق بين الميزانية والمركز المالي ؟؟؟

المركز المالي : هو قائمة توضح أصول وخصوم المنشأة ... يعني حقوقوالتزامات المنشأة ... يعني ايه اللي للمنشأة وإيه اللي عليها ... في أي يوم فيالسنة .

يعني في أي يوم نجي نروح عاملين موقف للمنشأة عارفين ايه اللي ليهاوايه اللي عليها ونحطه في صورة قائمة تبقى دي اسمها المركز المالي.

2- طب ايه الميزانية العمومية ؟

هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة

طب ايه الفرق ؟ الفرق انالميزانية العمومية هي مركز مالي للمنشأة في نهاية السنة المالية. يعني في نهايةالسنة المالية في آخر يوم في 31/12/2006 مثلا بنعرف حقوق والتزامات المنشأة فتبقىاسمها الميزانية العمومية

3-ايه الفرق بين الميزانية والموازنة ؟؟؟

الميزانية العمومية : هي زيما قلنا عبارة عن قائمة توضح أصول وخصوم المنشأة ... حقوق والتزمات المنشأة فينهاية السنة المالية وبتكون معها الحسابات الختامية ( حـ / المتاجرة وحـ/ الأرباحوالخسائر ) اللي بيوضحوا نتيجة نشاط المنشأة من ربح أو خسارة عن الفترة الماليةالسابقة .

يعني ايه ؟؟! يعني ان الحسابات الختامية هي اللي بتوضح مصروفاتالسنة اللي فاتت الفعلية وايرادات السنة الليفاتت الفعلية لكن الميزانية العموميةتوضح حقوق والتزامات المنشأة في نهاية السنة .

4- طب ايه هي الموازنة؟؟؟

الموازنة التقديرية : هي عبارة عن تقدير لايرادات ومصروفات المنشأةللسنة القادمة أو لعدة سنواتقادمة.



5- ايه الفرق بين المصروفات الايرادية والمصروفات الرأسمالية ؟؟؟


أولا نحب نعرف ايه هو المصروف :

هو عبارة عن نفقة ( يعني --> فلوس بادفعها ) في سبيل الحصول على ايراد.

يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.

يبقى المصروف بادفعه في سبيل الحصول على الايراد.

المصروف الايرادية : هو مصروف يحقق الايراد في نفس السنة المالية .

المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .

يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .

ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .

مثال تاني :-

مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .

طبلوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية ... يعني بدل ما تنتج مثلا عشر وحدات خليناها تنتج 15 وحدة يعن زودنا كفائتهاالانتاجية والزيادة دي مش هتكون في أول سنة بس ؟؟ لا طبعا ... في السنين المتتاليةاللي بعديها . يبقى المصروف ده في هذه الحالة مصروفرأسمالي.


6- ما الفرقبين المخصص والاحتياطي ؟؟

أولا : نحب نقول لكم على حاجة الأول ...

أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين الليعاوزين حقوقهم .... وبالتالي هيعلن افلاسه.

علشان كده قلنا لازم نخلي حسابخاص للأرباح هو بس اللي يتسحب منه الفلوس .

يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.

نرجع لموضوعنا ... الفرقبين المخصص والاحتياطي

المخصص والاحتياطي ... الاثنين مبلغ يستقطع من الربحلمواجهة خسارة متوقعة .

واحنا طبعا عارفين مبدأ الحيطة والحذر : اللي هو إنهينبغي على الشركة تحطاط لكل خسارة متوقعة وتحذر من كل إيراد غير محقق.

الفرقإن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئومعايير المحاسبة ).
لكن الاحتياطي لا يتم تكوينة إلا في حالة وجود أرباح فقطوبيكون اختياري على المنشأة ( إلا البنوك وشركات التأمين).

فرق تاني إنالمخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصصارتفاع أسعار الأصول الثابتة ) يعني بيكون لتدعيم المركزالمالي.

7-ما هو الحسابالذي لا يظهر ضمن ميزان المراجعة ؟؟

الله ... يا سلام ... سؤال سهل جدا ....

أولا : لازم نعرف الحسابات اللي بتظهر في ميزان المراجعةبتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظامالمحاسبة اللي هي :-

تجميع الأحداث المالي ---------> تسجيل الأحداثالمالية في قيود يومية --------> تبويب الأحداث المالي في حـ/ الأستاذ ------------> تليخص اعمليات السابقة في ميزان المراجعة

8- طب ايه هوالحساب أو البند الذي لا يمر بكل هذه المراحل .... ؟؟؟

بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثموضع قيمتها مرة دائن في حـ/ المتاجرة ومرة مدينة في الميزانية العمومية تحت بندالأصول المتداولة
9- إيه الفرق بين الكمبيالة والسند الاذني ؟؟


أولا : الكمبيالة والسند الاذني بيطلق عليهما الأوراق التجارية ... وهما وسيلة من وسائل الائتمان التجاري ....

حاسب ... حاسب ياعم أنت ايهالكلام الكبير ده ... وحده وحده علينا ... ايه الائتمان التجاري ده؟؟؟

الائتمان التجاري ده : عبارة عن تأخير دفع ثمن البضاعة المشتراة وذلكلحد الحال ما يتحسن الحال ... يستفيد بها التجار المشترين في توفير سيولة لوقتمؤقت ... ويستفيد بها التجار البائعين في جذب المشترين وترويج بضاعتهم .

طب ايه الفرق بين الكمبيالة والسند الاذني ؟
الكمبيالة عبارة عنأمر كتابي يصدر من الدائن إلى المدين بطلب فيه دفع مبلغ معين إلى الدائن أو إلى شخصثالث المستفيد وذلك فور الاطلاع عليها أو في تاريخ معين ... يعني .....

حسيناشترى بضاعة من محمد بالأجل
يبقى حسين مدين ومحمد دائن
يجي محمد يقول لحسيناكتب لي كمبيالة مقابل البضاعة
عبارة عن ايه الكمبيالة محمد يأمر حسين بأنهيدفع مبلغ الكمبيالة في تاريخ معين ويمضي عليها حسين انه موافق على الدفع ..
محمد بقى ممكن يأخذ هو الفلوس دي .... أو ممكن يبقى هو مدين لشخص ثالثعبد الله مثلا فيروح كاتب اسم عبد الله على الكمبيالة ويروح عبد الله لحسين علشانياخد فلوسه منه .

يبقى الكمبيالة ليها ثلاث أطراف
1- حسين المدين (المسحوب عليها ) هو اللي هيدفع الفلوس لأي حد يجيب له الكمبيالة
2- محمد الدائن) الساحب ) هو ده الدائن الأول لحسين اللي حرر الكمبيالة مع حسين
3- عبد اللهالدائن لمحمد ( المستفيد ) وهو اللي هيقبض الفلوس من حسين

ملحوظة ::
ممكن محمد يكون هو المستفيد يعني ممكن يقبض هو الفلوس بتعاته على طول من حسين
وممكن عبد الله يكتب اسم شخص رابع دائن لعبد الله وهو اللي يروح يصرف الفلوس منحسين وهكذا....

السند الاذني : هو تعهد كتابي يتعهد فيه المدين بدفع مبلغمعين للدائن في تاريخ محدد.

يعني يتعهد حسين المدين ( المسحوب عليه ) بدفعمبلغ لمحمد الدائن الأصلي لحسين ( المستفيد ) في تاريخ معين.
يبقى الفرق إنأطراف الكمبيالة ثلاثة والسند الاذني اثنين فقط

10-إيه الفرق بين أوراق القبضوأوراق الدفع ؟؟

أوراق القبض وأوراق الدفع يطلق عليها الأوراقالتجارية ... وهي الكمبيالة والسند الاذني...

بس الفرق إنه لما يكونالمسحوب عليه في الكمبيالة والسند الاذني هو الشركة أو المنشأة تبقى دي أوراق دفعتظهر ضمن الخصوم المتداولة في قائمة المركز المالي أو الميزانية

أما لو كانالمستفيد من الكمبيالة والسند الاذني الشركة أو المنشأة تبقى دي أوراق قبض بتظهرضمن الأصول المتداولة في قائمة المركز المالي أو الميزانية

يعني لو هنقبض منالورقة التجارية تبقى أوراق قبض لكن لو هندفع تبقى أوراق دفع

11- ايه الفرق بين أوراقالقبض وبين الأوراق المالية ؟؟؟

علشان يكون في العلم أوراقالقبض والأوراق المالية هي من الأصول المتداولة

أوراق القبض زي ما عرفنا هيالكمبيالة أو السند الاذني اللي بيكون المستفيد فيها هي الشركة أو المنشأة

لكن الأوراق المالية هي الأسهم والسندات اللي بتشتريها المنشأة علشان تأخذعائد من ورائها .-


12-هل المبيعاتمدينة أم دائنة ؟؟؟

أولا ما هي أنواع الحسابات؟؟

أنواع الحسابات هي :-

--> حسابات حقيقية : وهي الحسابات التي تعبر عن شي حقيقي يمكن جرده ويمكن التصرف فيه - بالبيع مثلا - وهي مثل ( الأصول الثابتة )( مخزون البضائع )( الأوراق التجاريةوالمالية )( النقدية بالصندوق والبنوك)

--> حسابات شخصية : وهي المتعلقة بالأشخاص ، والأشخاص نوعين شخص حقيقي مثل ( محمد ، علي، حسين ، ..... وهكذا ) وشخص معنوي مثل ( شركة .... ، مصلحة ..... ، مؤسسة .... ، ..... وهكذا.

--> حسابات وهمية أو أسمية : وهي عكس الحقيقية أي لا يمكن جردها ولا يمكن التصرف فيها لا بالبيع أو بالشراء. وهي مثل ( المصروفات والإيرادات ) فمثلا حـ/ الايجار هل يمكن عده أو جرده هل يمكنأن أبيع شوية أيجار . ، وأيضا مثل ( الخسائر والأرباح ) هل يمكن عد أو جرد الخسائرأو الأرباح لا يمكن طبعا . وأيضا مثل ( المشتريات والمبيعات).

ايه لا استنىلحظة ... ازاي المشتريات والمبيعات لا يمكن جردها ؟؟؟ هي مش بضاعة ؟؟!!
لا .. لا ... حـ/ المشتريات وحـ/ المبيعات مش بضاعة هي عبارة عن قيم للبضاعة والدليلان احنا مش خليناهم في حساب واحد لأن المشتريات بسعر التكلفة والمبيعات بسعر البيعفلا يمكن أن يوضوعوا في حساب واحد وبالتالي فحـ/ المشتريات هي عبارة عن حساب أسميفقط تم عمله لمعرفة قيمة البضاعة المشتراه بسعر الشراء أو التكلفة ، وحـ/ المبيعاتعبارة عن حساب أسمي فقط تم عمله لمعرفة قيمة البضاعة المباعة بسعر البيع ،فالحسابين لا يعبران عن شيء حقيقي

نرجع لسؤالنا ما هو الحساب المدين منالدائن؟

** جميع الحسابات الحقيقية مدينة
** أما الحسابات الشخصية فهيمدينة لو أخذت ودائنة لو أعطت يعني بالبلدي لو واحد أخذ منك فلوس هيبقى ايه ؟؟ ... طبعا مدين ، ولو واحد أعطاك فلوس هيبقى ايه ؟؟؟.... طبعا دائن
** أما الحساباتالوهمية أو الأسمية
بالنسبة للمصروفات والخسائر والمشتريات كلها مدينة
وبالنسبة للإيرادات والأرباح والمبيعات كلها دائنة

13- عرف الدورة المستنديةوأعطي مثلا منها ؟؟؟


الدورة المستندية : من أسمها كده نعرف إن هيبتتكلم عن حركة المستندات داخل الشركة . وكون ان هي دورة لان حركتها داخل أي منشأةتتابع دورة الفلوس والأموال داخل الشركة

يعني ايه ياعم أنت ...
يعنيأنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوسالبيع علشان تبدأ تاني عملية اني أدفع فلوس وأشتري بضاعة ...... وهكذا

جميعالمستندات التي تدل على إثبات جميع هذه الحركات تسمى بالدورة المستندية
وهيعبارة عن ايه :-

---> عند دفع الفلوس يتم تحرير إيصال صرف نقدية معتمد منالمدير المالي والمدير العام للشركة ويوقع مستلم الفلوس على الإيصال
---> عند شراء بضاعة فهناك فاتورة مشتريات بقيمة هذه البضاعة وإذنإضافة بالمخازن لإثبات استلام البضاعة ووضعها داخل مخازن الشركة ومتنسوش التوقيعوالاعتماد من مدير المشتريات والمدير العام
---> عند بيع البضاعة هناكفاتورة مبيعات من الشركة للعميل وكمان إذن صرف من المخازن يثبت أن البضاعة تم صرفهاوالعميل وقع على أنه استلمها
---> عند استلام فلوس من أحد العملاء أو منالمبيعات النقدية يتم تحرير إيصال استلام نقدية ويوقع عليه أمين الخزينة
ملكـ الويب
وده سؤال ممكن تواجهه في اى شركة او مكتب محاسبة ..

* اذكر دورة حياه أوراق القبض .. هو سؤال سهل طبعا بس فيه ناس بتقع فيه وخصوصا حديثى التخرج علشان كده حبيت انى اضعه هنا لاستفاده الجميع منه :-


فلنفترض ان هناك عميل مدين بميلغ 50000 جنيه وقام بتحرير ورقه قبض مقابل هذا الملبغ



أولا : إنشاء الورقة

50000 من حـ / اوراق قبض
50000 الى حـ / العملاء

وفى هذه الحاله يتم الاحتفاظ بالورقه لحين وجوب ميعاد استحقاقها


ثانيا : ارسال الورقة للبنك للتحصيل

50000 من حـ / اوراق قبض تحت تحصيل
50000 الى حـ / اوراق قــبــض

ارسال الورقه للبنك للتحصيل

*وعند تحصيل البنك للورقه

من مذكورين
49900 حـ / البنك
100 حـ / مصاريف تحصيل

50000 الى حـ / اوراق قبض تحت التحصيل

ثالثا : بيع الورقة للبنك

من مذكورين
49500 حـ / البنك
500 حـ / مصاريف بنكيه

50000 الى حــ / اوراق قبض

( اثبات بيع الورقه للبنك وخصم مصاريف بنكيه )

رابعا : تظهير الورقة لمورد أو إلى دائن

50000 من حــ / الموردين ( الدائنين )

50000 الى حـ / اوراق قبض

( اثبات تظهير الورقه لاحد الدائنين )

* وبعد تظهير الورقه وحلول ميعاد استحقاقه ماهو القيد الذى يكتب فى دفاترى انا .. طبعا بعد الناس بتقع فى الحته دى وفى ناس بتفكر وفى الاخر ممكن يجاوب ويقول كذا او كذا ولكن الاجابه الصح مفيش ا ىقيود بتكب فى دفاترى انا لان علاقتى بالورقه انتهت طالما تم تظهيرها وتم تحصيل قميتها للعيمل الذى تم تظهير له الورقه .
ملكـ الويب
السلام عليكم .. بخصوص المعلم او المعلمة واسئلة الانترفيو الخاصة بهذه الوظيفة سواء في مدارس لغات او خاصة او حكومية ... الاصعب هو انترفيو المدرسة اللغات او الانترناشيونال والمدارس الخاصة

لابد معرفة ما يلي
how teach vocabulary
how to teach reading
how to teach writing
define the brainstorming


دى اسئله المقابله الشخصيه وطبعا بتكون انجلش للمدارس اللغات والانترناشيونال وفي اغلب المدارس الخاصة

1- Introduce your self, please. (how long have you been teaching in elementary schools)

love2teach .. Teacher of English for seven years now .. teaching boys.

2- What are your students' problems within the 4 language skills (speaking, listening, reading, and writing)?

which grades are ou asking about? my third year pupils have problems in all four skills ... but mainly in reading and writing

3- Do they have speaking disabilities? How do you notice that?
some of the first grade pupils do. They mispronounce some letters.

4- In your opinion, What are the main causes of that problems (speaking disabilities)
really not sure,
but I guess parental guidance would have a great effect on the them ... the disability i'm talking about seems to be temporary .. when the child grows up he will overcome it.
5- Do you think that the teaching method has an effect on the students' speaking skills? Explain how.

Sure they do ,,, the more they talk the more they will try to correct their pronuonciation ... and our methods are based on speaking and commnicating.
6- Did the new curriculum help you in solving this problem, or did not? Explain how.

if we concidered the focus on communication a way to help them improve their pronuonciation , them yes it did.7- What have you done in order to solve this problem?

when my pupils answer or talk about something ... I insist nicely on repeating the word and saying it correctly.. many time they do.
I informed the psychological and the social worers.

8- What do you suggest of solutions to help you and other teachers in solving the speaking disabilities problems?

make sure of the reasons.
contact the parents and the specialists
don't make it a big deal for the kid .. deal with it with threatening the pupils' selfconfidence

if you have extra suggestions or experiences about

we should diffrenciate between permenant and non perminant problems and deal with them seriously
ملكـ الويب
أى سؤال بخصوص اى شركة من شركات الاتصالات او الاوت سورس ان شاء الله هجاوب عليها واى طلب بخصوص اى امتحان هجيبه بإذن الله
MandoesaM
لو سمحت يا ريت اسئلة انتر فيو اكسيد تيكنيكال سبورت ل تى اي داتا
Elmohandes wael
لو سمحت انترفيو تى ايه داتا ضرررررررررورى جدا مع اسئلة تكنيكال بتكون ايه وعن ؤؤىش ياريت لو فى امتحانات او اسئلته مشهورة
%u0632%u0627%u0626%u0631
اسئلة انتر فيو اكسيد تيكنيكال سبورت ل تى اي داتا
%u0632%u0627%u0626%u0631
كنت عاوز اعرف امتحانات الانجليش فى البنوك
%u0632%u0627%u0626%u0631
هاااى انا عندى انتر فيو فى فودافون . لو ممكن تقوليلى اعمل ايه بالظبط اكون شاكرة لانى بتوتر جداااااا وكمان فى الانجليزى جيدة جدا بس المحادئة متوسطة
Mohamed-tarek
موضوع رائع جدا وفعلا شامل لكل انواع الانترفيو والاسئلة المتوقعة
%u0632%u0627%u0626%u0631
يسلموا جزاك الله كل خير بس انا عاوزه اعرف انا عندي امتحان بنك القاهره اذاكر دول برده
engineer_m2000
السلام عليكم:

انا مهندس ميكانيكا قوي عندي مقابلة تبع البنك في القرية الذكية،يا ريت لو في اي حد عنده معرفة بالإختبار او المقابلة وتفاصيلها والرواتب هناك واسلوب العمل.

جزاكم الله كل خير واسف للإطالة
%u0632%u0627%u0626%u0631
فين المهندسين ؟
khaldi nasse
شكرا لك يا أخي نصائح مهمة
khaldi nasse
شكرا لك يا أخي على النصائح المهمة
ام مودى666
جزاكم الله كل خير
رد زائر
ماهو تعريف الربح والخسارة مع الشرح (p&l) ؟
zoomtony
شكرا لك موضوع فى غاية الروعة والاهمية



اسم العضو:
سؤال عشوائي يجب الاجابة عليه

الرسالة:


رابط دائم
مواضيع مشابهة:
وظائف اليوم 23 فبراير 2011 لجميع التخصصات
وظائف شاغرة بالقاهرة لجميع التخصصات
وظائف شاغرة لجميع التخصصات الى الخارج
أهم الأسئلة وإجاباتها عن كيفية إدلاء المواطن بصوته داخل اللجان الانتخابية.

احدث مواضيع المنتدى
جميع الحقوق محفوظة © nmisr.com نجوم مصرية