اخواتى اعضاء وزوار منتدى نجوم مصريه النهارده عندى لكم طريقه مفضله ومحبوبه لدى المستهلك وهى طريقه عمل مكرونه بالكبده جميله جدا وسهله وبسيطه وغير مكلفه يارب تنال اعجابكم
اولا طريقه عمل الكبده
المكونات
نصف كيلو كبده
ماء عصبر بصله واحده وسط
واحد ملعقة كبيرة ثوم مفروم
واحد ملعقة صغيره كمون مطحون
1/2 ملعقة صغيرة كسبرة ناشفة مطحونة
1/2 ملعقة صغيرة بصل بودر
1/2 ملعقه صغيرة بهارات لحم او مشويات ( حسب رغبتك)
واحد ملعقة كبيرة زيت زيتون
2 عصير ليمونة
شويه ملح
شويه فلفل اسود
طريقه التحضير
تقطعى الكبده اصابع وتضعى عليها كل المكونات و نسيبهم يتبلو على الاقل نص ساعة ولغايه ما تتبل الكبده نعمل المكرونه
ثانيا طريقه عمل المكرونه
مكونات المكرونه
كيس مكرونه عادى او اى مكرونه تفضليها
بصله واحده صغيره مبشوره
واحده طمطمايه وسط مبشوره
ملعقه زيت
طريقه التحضير
نسلقى المكرونة و نصفيها ونضع كل المكونات فى حله على النار ولما الطماطم لونها يبان انها استوت يبقى كده تمام و نحط الحلة على جنب ووقت الاكل نحط الكبدة في طاسة فيها شويه زيت تقلبيها لمده 5 دقائق و تكون استوت اهم حاجة وماتخلهاش تنشف خلى فيها شوية صوص و تجيبي عليها المكرونة اللي جهزتيها و تقلبي كويس علشان المكرونة تاخد صوص الكبدة و ترشي عليها رشة الفلفل الاسود و رشة جوزة الطيب و قدميها
بالهنا و الشفا