بسم الله الرحمن الرحيم

أعلنت اليوم شركات المحمول الثلاثة بمصر "موبينيل-فودافون-اتصالات" أرتفاع أسعار كروت الشحن على عملاء الكارت المدفوع مسبقا بقيمة 15% الأمر الذى ادى الى غضب المستهلكين واستياءهم من هذه الزيادة
وبدأت كعادة المصريين الساخرة الغاضبة تتوالى التعليقات الساخرة والغاضبة من هذه الزيادة على مواقع التواصل الأجتماعى
الجدير بالذكر ان هذا القرار جاء عقب قرارات الحكومة بزيادة ضريبة المبيعات على خدمات الاتصالات وكروت الشحن

أسعار كروت الشخن بعد زيادتها

سعر كارت الشحن فئة 10 جنيهات إلى 11.5
وسعر كارت الشحن فئة 15 إلى 17.25
وسعر كارت الشحن فئة 25 إلى 28.75
وسعر كارت الشحن فئة 50 إلى 57.5
وسعر كارت الشحن فئة 100 إلى 115

وسعر كارت الشحن فئة 200 إلى 230

نص قانون زيادة الضريبة على المحمول وكروت الشحن الجديد

التعديلات الضريبية الخاصة بقطاع الاتصالات طبقا للقانون 102 لسنة 2012
أن خدمات الاتصالات، الدولية والمحلية عن طريق التليفون المحمول سواء بنظام الفاتورة أو الكارت المدفوع مقدما أو غيرها من النظم المتبعة في التحصيل تخضع للضريبة بفئة 18%، بالإضافة إلى تحصيل ضريبة مبيعات بواقع 25 جنيها عن كل شريحة محمول جديدة من قيمة الفاتورة أو قيمة الخدمة، في حين أن القانون الأصلي قبل التعديل ينص على أن خدمات الاتصالات المشار إليها كانت تخضع للضريبة بفئة 15% من قيمة الفاتورة

منكم لله يا ظلمه

البلد راحه على فين

إتصلت بخدمة عملاء فودافون بقوله أنا نزلت أشترى كارت شحن ب 10 ..لقيته ب 13 ليه ؟
قالى لأ يا فندم الزياده 15 % يعنى 11 ونصف

قولتله ليه بردو طيب ؟
قالى دى ضريبه إحنا كنا بندفعها عن المشتركين للحكومه

قولتله إنت شخص كذاب ..وأنتم شركه نصابه ...قولى ليه ؟ سكت ..قولتله بقولك قولى ليه ...قالى ليه ؟
قولتله لأن الضريبه اللى بتتكلم عليها دى أنتم بتاخدوها 50 قرش كل شهر ومطبقه من فتره والكلام دا أنتم قولتوه ساعتها

يبقى إنت مش عارف بتقول إيه يا إما بتتعمد تكذب

قالى يا فندم لأ دى ضريبه تانيه الحكومه مزوداها

قولتله كذاب بردو .. لأن ضريبة الحكومه 3% ولسه ما إتطبقتش ..لكن أنتم رفعتوا 15 %

يعنى إنت كذاب تانى وشركتك شركه نصابه وحراميه وبتستغلوا الشعب
وإحنا مش هنسكت ...ولو فاكرين غير كدا تبقوا لسه مفهمتوش

وياريت لما تكون مش عارف ما تبررش للشركه وتسمع كلامهم وتكذب بالنيابه عنهم

قالى يا فندم فى بيان على الموقع بخصوص الموضوع

قولتله كذاب للمره الثالثه أنا فاتح الموقع ومفيهوش بيانات

قولتله أنا عارف إنك خدمة عملاء وملكش ذنب

بس ياريت توصل الكلام دا لمديرك ...هترجعو فكلامكم بمزاجكم أو غصب عنكم

وياريت ما تكدبش تانى بقى

يللا سلام دلوقتى ..علشان قايم أتعشى

دا اللى فاكره من المكالمه

هنرجع لزمن الرنات تانى
ههههههههههههههههههههههههه

يعني هي جت على كروت الشحن يعني ياراجل كبر مخك !!
ماكل حاجة في البلد يا اما غالية يا اما بايظة يا اما فاسدة .
ربنا يلطف بينااااا
والف شكر على الموضوع استاذة شيماء

المشكلة ان انا كبياع للكروت بقابل المشاكل كلها من العملاء وكاني انا اللي غليت الكروت وباخد الزيادة