بسم الله الرحمن الرحيم
السلام عليكم ورحمه الله وبركاته


حبايبى الحلوين اعضاء وزاور منتدى نجوم مصريه مره كنت قاعده ومش عارف اعمل ايه راح جى على بالى الحواوشى رحت دخلت المطبخ وعملت حواوشى طلع تحفه زى بتاع المطاعم هاديكم الطريقه وجربوها وان شاء الله هاتعجبكم بطريقه سهله وبسيطه جدا وغير مكلفه




المقادير

لحمه مفرومه ( نصف او كيلو ) حسب عدد الافراد
بصل ( كترى البصل شويه) عشان بيديله طعم
واحد او اثنان فلفل اخضر على حسب الرغبه
شويه طماطم
ملح
بهارات(فلفل اسود كسبره واى انواع توابل تحبيها)
عيش بلدى حسب الكميه اللى عايزاها

طريقه التحضير:-

تجيبى الكبه وتفرمى البصل والطماطم والفلفل الاخضر وبعد ذلك تجيبى اللحمه المفرومه وتضعى عليها البصل والفلفل والتوابل وبعدين تجيبى العيش وتفتحيه ووحطى فيه اللحمة اوعى تنسى ابقى ادهنى العيش من برة بسمنة من الوش والظهر ودخليه الفرن كل ررغيف لفيه فى ورق فويل ولما يستوى
طلعيه وحطيه فى حله وغطى الحلة عشان يطرى شوية لانك لما تطلعيه من الفرن هيكون ناشف شوي


بالف هنا وشفا

يارب الطريقه تعجبكم

اريد طريقة عمل القطايف بطريقة سهلة جدا وطريقة عمل سجق بالبطاطس

تسلم ايديكى بجد حلوة

تسلم ايديكى بجد حلوة

شكررررررررررررررررررا لمرورك
بالهنا والشفا