بسم الله الرحمن الرحيم
السلام عليكم ورحمه الله وبركاته
انا النهارده حبيت اقدم لكم من مطبخى طريقه عمل صنيه فراخ مشويه فى الفرن ومعاها كمان صينيه بطاطس وتعتبر هذه الاكلات اللى ها أقدمها لكم مفضله ومحبوبه لدى المستهلك ولها قيمه غذائيه عاليه واليكم طرق عمل الاكلات يارب تنال اعجابكم
اولا:- طريقه عمل صينيه الفراخ المشويه
المكونات
فرخه او حسب كميه العدد
4 حبات بصل
4 حبات فلفل اخضر
بهارات( فلفل اسود -كسبره- اى نوع اخر انت تفضليه)
ملح
طريقه التحضير
نجيب الفرخه ونقطعها وننظفها كويس خالص وبعد ذلك نقطع البصل حلقات ونجيب عجان بلاستيك ونضع فيه الفرخه وعليها حلقات البصل ونقطع الفلفل معهم ونرش الملح والبهارات وتتبل لمده ساعه
ونجيبب صينيه نضع فيها البصل والفلفل وعليها الفراخ وتدخل الفرن لمده ساعه
لاتحتاج الى سمن لان الفراخ هاتسرد سمن
وتزين بالجرجير والبقدونس
ثانيا : طريقه عمل صينيه البطاطس
المكونات
كيلو بطاطس ( حسب الرغبه)
ثلاث ملاعق صلصه
اربع حبيات بصل
فلفل اخضر ( حسب الرغبه)
بهارات
ملح
طريقه التحضير
نقشر البطاطس ونقطعها طرنشات ونسيبها فى الماء وبعد ذلك نجيب البصل ونقطعه حلقات
نجيب صينيه ونضع فيه ملعقه سمن ونحط حلقات البصل وترفع على النار وتشوح بسيط ونضع عليه الصلصه وبعد ذلك البطاطس ونحط شويه شوربه عندك فى الثلاجه لو مافيش ممكن شويه ميه ونحط التوابل والملح تغلى على النار لمده 10 دقائق وبعد ذلك تدخل الفرن مع صينيه الفراخ المشويه
بالهنا والشفا