نجوم مصرية
منتديات نجوم مصرية منتدى التسلية والترفيه منتدى السيارات - صور سيارات



تابع نجوم مصرية على أخبار جوجل




اسئله واجوبه جميع استفسارات السيارات المستعمله والجديده فى مصر

 

بسم الله الرحمن الرحيم
السلام عليكم ورحمه الله وبركاته


اعزائى اعضاء وزوار منتدى نجوم مصريه جيبالكم كل اسئله واجوبه استفسارات تقسيط السيارات المستعمله والجديده فى مصر



اولا:- السيارات المستعمله


س‌)عايز اشترى عربية مستعملة ادفع مقدم كام واقسط على مدة قد اية
اقل مقدم الان فى مصر 40% من ثمن اى سيارة مستعملة وتقسط الباقى على مدة من سنة الى خمس سنوات يحدد حسب موديل السيارة وحسب الضمنات للمشترى

س) لية ميكونش فى مقدم 25% زى السيارات الجديدة
لانها عربية استعملت وبتالى بعد مدة حتى لو كسر زيروا هيكون فى قسط عليك ومصاريف صيانة ( ومظنش ان اى حد ممكن يكون ملتزم فى السداد مع كل المصاريف دة )

س‌)ينفع اقسط عربية بصورة ودية وميكونش فى ضمنات كفاية لى يعنى بصورة البطاقة بس
لاعلشان مفيش اليوم اى جة تمول السيارات وميكونش واخد ضمنات كفاية تجاة المشترى ولا بنك ولا شركة تمويل

س) لية فائدة المستعمل بتكون كبيرة فى مصر
اى شركة او اى فرد بيقوم بتمويل بيكون واخذ قروض وبيرجع يبيع القروض دة فى شكل تقسيط سيارات وبتالى هو واخد قرض بفائدة ولازم يدخل لية عائد على ذلك (مع مراعات المصاريف وان فى عملاء بتتعثر وقضاء وامور كثيرة )

س‌)كل الناس بتشتغل فى تقسيط المستعمل معنى كدة ان فى جهات كثيرة لتمويل
لا يوجد جهات كثيرة للتمويل اغلب المعارض بتتعامل مع نفس الجهات فى تمويل السيارات والنظام واحد

س‌)طيب عايز اقسط عربية وهدفع المبلغ على سنة او ستة اشهر ممكن تعمل الموضوع دة ودى بينى وبينك
اكبر التوكيلات فى ظل الظروف الاقتصادية دة لا تستطيع تاخير 5 الف جنية من ثمن السيارة لو لمدة شهر واحد ودة طبيعة اى انسان فى اقراض مال الى اى شخص اخر وبتالى هيطبق عليك نفس النظام ولازم تثبت دخلك وتقسط على المدة ال انت عيزها وتتلتزم

س‌)طيب لو انا قولت عايز اقسط على 3 سنوات وربنا كرمنى بفلوس بعد حصولى على السيارة المستعملة ب 6 اشهر ينفع ادفع الفلوس مروة واحدة
نعم وبتالى هيتم خصم فوائد المدة القادمة ويسوى لك المبلغ المتبقى باكملة

س‌)اية الضمنات ال مطلوبة منى
صورة البطاقة وايصال كهرباء للمكان اقامتك حتى لو مش باسمك وباسم زوجتك او والدك او اخوك
اثبات الدخل بورقة مفردات مرتب والى اصحاب السجل التجارى اثبات دخل بكشف حساب بنكى
يعنى اى حد بيقول ان دخلة كل شهر كبير يثبت الموضوع دة ( ولو هو صريح مع المكان البيشترى منة هيوضح لية كل الامور وازاى يساعدة علشان يجيب عربية

************************************************** *************************


ثانيا:- السيارات الجديده

س) عايز اشترى عربية جديدة بالتقسيط بمقدم صغير
مينفعش تقول كدة لازم تحدد كل المعلومات عند شرائك بتشتغل اية مقدمك كام نوع عربيتك ال انت عيزها ومهم جدا تحدد هتعرف تثبت دخلك ازاى ونصيحة خليك صريح بكل ظروفك للهتشترى منة واعتبرة طبيبك علشان يقدر يوجهك صح بكل مستنداتك

س) لية اسعار العربيات غالية قوى وانتم مش بترخصوها
كل المعارض ال موجودة فى مصر لا تستطيع ان ترفع او ترخص ثمن السيارة دة سعر محدد من الوكيل او المستورد ومحدش من المعارض يقدر يتحكم فية

س) لية مقدمات السيارت كبيرة وفائدة البنوك كبيرة ممكن ترخصوها شوية
لا يستطيع اى شخص حتى البنك ان يتحكم فى تحديد المقدم او الفائدة دة بتتحدد بنظام من البنك المركزى ولا تنسوا ان الفوايد دة عبراة عن ودايع عملاء اخرين والبنك بيربح فى فرق فائدة الودايع وفائدة قروض السيارات غير مصاريفة مع مراقبة من البنك المركزى والبنوك الاوربية التى لديها فروع فى مصر عندها قروض من اموال خارج مصر بفائدة وترجع تبعها فى مصر بسعر فائدة اخر (صورة مختصرة )

س) اجد ان فى الاعلانات مقدم 5000 وقسط 500 كل شهر عايز امشى بالنظام دة ينفع
لا لان فى الاعلانات دائما يتم وضع اقل مقدم ممكن وبشروط ضمنات معينة وايضا يتم وضع اقل قسط بشروط مقدم معينة يعنى لا يتم تطبيق النظام معا ولو حسبت الاثنين معا هتجد ان ثمن السيارة لم يكمل ولسة الفوايد

س) اجد انظمة كثيرة فى معارض كثيرة ازاى احدد اتعامل مع اى حد منهم
كل المعارض لا تحدد انظمة الانظمة تحدد من البنوك ال بتتعامل معها المعارض ولان كل بنك لية اكثر من برنامج فى تقسيط السيارات وبرنامج يعنى نظام

س) ازاى احدد النظام ال امشى علية
حدد انت عايز اية واية ضمناتك وهتقدر تمشى باى نظام
نظام الوديعة / عندك وديعة وهتعمل عليها ربط يعنى متصرفش الوديعة لمدة تقسيط العربية انما تصرف ربحها فقط
نظام تحويل المرتب / عندك استعداد تحول مرتبك على البنك والجهة التى تعمل بها تقبل ذلك وشركة معروفة وبعض الحالات يقوم بضمانك احد زملائك فى العمل
نظام مفردات المرتب / ممكن تجيب ورقة مفردات مرتب من شركتك مختومة وموقعة وبعض الحالات تعمل عليها صحة توقيع بنكى
نظام السجل التجارى والبطاقة الضريبية / ممكن تجيب كشف حساب بنكى سحب وايداع او ورقة ميزانية من المحاسب بتاعك والمحاسب يكون معتمد

س) عندى عقار او شقق او ارض ينفع تكون ضمان
نعم ينفع فى حالت ان الممتلكات دة تدر لك عائد شهرى وتقدر تثبت دة بعقود الايجار او عقود الانتفاع
س) ازاى احدد موقفى من كل الانظمة الموجودة

شى بسيط جدا حدد مقدم سيارتك وحدد ضمناتك كويس جدا واعرف شى مهم تدفع مقدم كبير هيكون قسطك صغير هتدفع مقدم صغير قسطك هيكون كبير

س) بشتغل ومعنديش مفردات مرتب وعايز اجيب عربية بمقدم صغير
حط نفسك مكان الناس بتوع البنك وامامك ورق لشخص ازاى بتاع البنك يعرف دخلك ( لازم يكون فى اثبات وكون واضح مع بتاع المعرض هيقدر يساعدك )

س) سمعت ان فى واحد صديقة اخذ عربية بمقدم 10 الف جنية وعايز اعمل زية
كون انك سمعت اى شى لازم تتاكد منة جدا جدا جدا
ولازم تعرف ان مهما كان مقدمك صغير قسطك هيكون كبير والعكس يعنى لو مقدم كبير قسطك هيكون صغير ولازم تعرف ان انظمة البنوك بتختلف من مدة الى اخرى
وانصح اى حد ان ينظر الى الوقت ال بيشترى فية وظروفة هو

س) لازم اعمل بوليصة تامين على السيارة واية فيدتها
نعم حتى فى المستعمل ولها فوايد كثيرة اولا نوع من انواع الضمان للبنك ال ممول السيارة ولمشترى العربية لو حصل انك نزلت ملقتش العربية تحت البيت واتسرقت كلها شركة التامين بتتحمل الموضوع دة ودة بيكون لصالح البنك وليك وغير فوايد كثيرة جدا مع تحملك للفسط

س) مش عايز اعمل بوليصة تامين علشان سمعت انها حرام
مقدمك هيزيد وفوايد كمان وكون انك سمعت انها حرام لا تستفيد منها ولكن لا تنسى ان معك بنك قام بتمويل جزء من السيارة او اى جة قامت بتمويل وتحتاج لضمنات لها كافية

س) يعنى اية عرض ايصال كهرباء وصورة بطاقة
يعنى تددفع مقدم مش اقل من 40% ويفضل 50% من ثمن السيارة من غير ضمنات تانى

س) عايز اقل مقدم فى مصر كلها
كل مقدمك يقل لازم تقدم ضمنات كثيرة وكبيرة والضمنات دة متكونش عقارات ثابتة اى ضمان يعنى شى تثبت انة بيجبلك دخل شهرى او سنوى هو دة الضمان
تابع نجوم مصرية على أخبار جوجل



س) عايز اقسط بطريقة اسلامية
فى فى مصر نظام المرابحة الاسلامية بس برضة الضمنات هى هى نفس الضمنات فى التقسيط العادى
دة المعلومات عن نظام التقسيط






المقال "اسئله واجوبه جميع استفسارات السيارات المستعمله والجديده فى مصر" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اسعار السيارات المستعمله في مصر بيع - شراء - استبدال لحساب الغير سوق السيارات
اسئله واجوبه مهمه جدا في الحب
شرح جميع استفسارات تقسيط السيارات المستعمله - هاتريحكم جدا
اسرارالدوره الشهـريه وافضل الاوقات للحمـل(مع اسئله واجوبه)

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية