نجوم مصرية
الرئيسيةمنتديات نجوم مصرية منتدى التسلية والترفيه منتدى السيارات - صور سيارات
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 



عيوب ومميزات ( رينو لوجان ) من تجارب ناس اشترتها واستعملتها

 

السلام عليكم يا احبابي في المنتدى
اختكم اليومين دول نويت بإذن الرحمن متخلصش السنة دي والا واكون من اصحاب السيارات
طبعا علشان مدبسش في اي عربية والسلام وبدل ما اكون جايبها تريحنى القيها تعبتني وفلستني
اختكم كل ما تشوف واحد صاحب عربية او سواق او ميكانيكي الا واحاصره بالاسئلة عن ميزات العربيات وعيوبها وسعرها لحد تقريبا كده والله اعلم الناس بقت تنادي عليا داليا عربيات

اقولكم بقى اللي جمعته من الناس الخبرة في العربية الحلوة الفرنساوي ( رينو لوجان )

صورة للعربية اللوجان





نبص بقى على المميزات حسب تجارب الناس ( احب انا تجارب الناس علشان فيها الخلاصة )

اول ميزة اللي اجمع عليها الناس هي وسع الشنطة وإللى بتغلب فيه اللوجان سيارات كثيرة من فئتها وحتى الأغلى من فئتها + وسع السيارة من الداخل أيضاً يعني الكراسي اللي ورا واسعه ومريحة.

ثاني ميزة الموتور الاقتصادى بتاعها وكونه 8 صباب فهو موفر فى البنزين الى حد كبير وملحوظ بالرغم انه 1600 CC وسحب العربية ممتاز

ثالث ميزة بتاخد المطبات بسهوله ( ههههههههه زي السكينة في الحلاوة ) لان العربية عالية وعفشتها ممتازة






رابع ميزة بساطة غرفة المحرك بشكل كبير فهى منظمة بطريقة رائعة .. كل حاجة ظاهره قدامك ومفيش اى تعقيد .. بالرغم من ان طول الكبوت مش كبير ...
ولذلك هتكون صيانة العربية سهلة جدا باذن الله واى صنايعى هيعرف يشتغل فيها نظرا لبساطتها وقله التعقيد فيها .. كل حاجة فيها باينة وظاهرة وفى متناول اليد .. ( الميزة دي ملطوشة من موضوع في منتدى منافس )

والحاجات الجاية برضه ملطوشة

خامس ميزة : الأداة إللى بتحرك اللمبات بتاعت الفانوس الأمامى ودى مكانها تحت خالص على الشمال

سادس ميزة : النعومة الشديدة فى الدوس على البنزين والفرامل والديبرياج .

سابع ميزة : صوت الموتور هااااااااااادى جداَ لدرجة إننى مبسمعهوش وأنا قافل الزجاج .

العيوب بقى وربنا يكفينا شر العيوب برضه ملطوشة علشان بصراحة مكتوبة منظمة

اولا: الكلاكس بتاعها صوته مزعج جدا و كنت مشفق على الناس اللي قدامي لما كنت بضربوا تحس انو بيزعق
ثانيا:صوت الموتور عالي نسبيا لكن مش دبابة يعني عادي
ثالثا:في حرارة بسيطة تحت رجل السواق و ظبطتها باني خليت التكيف يطلع من الهوايات بتاعت الرجلين و الهويات العادية لحين معرفة حل ليها

رابعا:لمبة المارشردير البعض هايفتكر ان في واحدة بايظة ولا حاجة العربية بها لمبة مارش واحدة والتانية بتبقي لمبة شابورة
خامسا: في مشكلة كبيرة شوية ان في واحد فانوسه اتكسر وراح التوكيل وملاقهوش !!
و قالولوا انه مش متوفرptmnlo123per155 وطبعا الراجل مكنش مصدق ان عربية زي دي بدات تنتشر في مصر في فئة سعرية مثل الانوس والفيرنا و ملهاش قطع غيار و طبعا مقدرش يمسك اعصابه ptmnlo123per111 وربنا يسهل قالوا ان هو هايتابعهم وربنا يسهل

سادسا: البعض بيشتكي من عضة في الفتيس ودة غالبا بيبقي من انهم متعودين علي عربيات تانية لان اللوجان مينفعش تنقل من غير ما تدوس الدبرياج للاخر لان في بعض العربيات نقطة الفصل عند نص الدبرياج كدة

اسعار قطع الغيار للوجان

طقم شمعات احتراق بوجيهات 88

فلتر هواء محرك 60

لتر بنزين محرك 60

فلتر زيت محرك 30

سير دينامو 90

طقم سير كاتينة 295

طقم تيل فرامل امامى 225

مساعد امامى 385

مساعد خلفى 390

رفرف امامى 679

فانوس امامى 495

فانوس خلفى 225

السعر لايشمل ضريبة المبيعات

ضمان 12 شهر على قطع الغيار المباعة

وكل سنة وانتوا طيبين واللي عنده كلمة حلوة يقولها واللي مش عاجبوا الموضوع نقولوا احنا اسفين على تضييع وقتك يا فندم ( بس انت اللي جيت برجليك انا مشدتكش من ايدك وقولتك ادخل اقرأ )

وافتكروا اختكم كده باي رد يرفع من روحها المعنوية حتى كتبتوا شكرا يا دودو

سلام يا اصحابي في تقرير تاني لعربية تاني






إقرأ ايضاً - طلب حذف عضوية
- استفسار بخصوص ادسنس ووضع الاعلانات في المنتدي
- الشيخ مسعد انور يتحدث عن حازم ابو اسماعيل فانظروا ماذا قال
- ماذا لو لم يفز حازم صلاح ابو اسماعيل برئاسة مصر
- مشكلة النشر الجانبي وصعوبة قراءة المواضيع

المقال "عيوب ومميزات ( رينو لوجان ) من تجارب ناس اشترتها واستعملتها" من كتابة: بتاريخ : بتوقيت القاهرة
عاجل
مميز
 ›  اطرف صور لردود افعال الرياضيين في الملاعب
 ›  عروض " طيران ناس – flynas " المميزة
 ›  كيف تُعيدين حميتك الغذائية إلى المسار الصحيح
 ›  اغرب عادات الزواج فى جنوب الهند
 ›  اهم 5 اطفال في العالم .. صور
 ›  كشف باسماء المتقدمين بمسابقة التربيه والتعليم
 ›  تريقة جامدة على تصريحات وزير الشباب

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

العسولة داليا
نسيت اكتبلكم اساحبي اسعار العربية الجامدة دي

رينو لوجان مانيوال هاف اوبشن 67500 جنيه .

رينو لوجان بلاك لاين مانيوال 71900 جنيه . ( دي الفول اوبشن اسدديكي )

. رينو لوجان بلاك لاين اوتوماتيك 78900 جنيه

واللي حيشترى مبروك عليه واللي معهوش ميلزموش
العسولة داليا
الاستاذ Mohamed Speed اللي رد عليا من الفيس بوك

شكرا على النصيحة وانا برضه منمرة على الفيرنا بس لسه ماخدتش قرار نهائي حرسي على ايه
احمد من الشرقية
السلام عليكم
انا احمد من الشرقية ahmed1977egypt على اى ايميل او منتدى

عيوب العربية اليي سمعتها من المنتديات :

1- قطع غيارها مش متوفرة فى الشرقية
2- قطع غيارها غالية مقارنة مقارنة بغيرها
3- قطع غيارها بعضها ممكن مش يكون متوفر
4- مكان زراير الشباك الخلفية خلف فرامل اليد
5- صوت المحرك عالى لو فاتح الشباك
6- فتح غطاء البنزين يدوى – هتنزل يعنى هتنزل
7- سخونة تحت دواسة البنزين بث بتتحل فى التوكيل
8- اوعا حد يفكر فى الاتوماتيك لسه تحت الاختبار والشكوى
9- التلكس صوته عالى مزعج – بث انا شايف ده حلو لشعبنا
10- سقف العربية من جوة ابيض – يعنى خلى بالك من عيالك

مميزات العربية اليي سمعتها من المنتديات :

1- من جوة واسعه جدا – فيه واحد بيقول كنا 13 بالعيال جواها
2- شنطة واسعة جدا 510 لتر – شيل زى ما انت عايز
3- عاليا عن الارض - يعنى مفيش مطب هيحك فى العربية
4- تكييف ممتاز - لا يؤثر على السحب وبيقولو تلاجة
5- عزل كبينة ممتاز – لما تأفل الباب ما تسمعش صوت الماتور
6- عفشة ممتاز - مش تبوظ كل شوية وتروح تربطها زى الاسبرنزا a113
7- ثبتة على الارض فى السرعات – يعنى ممكن مش تحس بالسرعة
8- مستوى الامان فيها واخد درجة 3 من 5 عالميا - مش موجود فى عربيات تانية
9- اير بيج للسائق يعنى لا قدر الله حدثة يطلع بلونة على السائق
10- الكاسيت صوته على نقى – مش هتحتاج تضيف حاجة
11- كمبيوتر رحلات لمعرفة تكلفة المشوار وحسابات البنزين
12- كوتش جنط 15 ما بينزلش الا فى عربيات غالية
13- توكيلها ممتاز فى المعاملة والضمان
14- الفرامل مقبولة مش زى لانوس مثلا
15- موفرة فى البنزين - يعنى مش سحاحة بنزين
16- سعرها الحقيقى اعلى من كده نزله مخفضة الجمارك
17- اكصدام الامامى قوى وصاج قوى -
18- قطع غيارها معمرة علشلن لسه معظمها اصلى
19- مش معقدة للميكانيكى كل حاجة ظهرة
20- رؤية الكشافات بتعتها جميلة وقوية ومش هتحتاج العالى
ودية النقط الليي انا مجمعها لحد دلوقتى يعنى اللي عايز رفاهية يخليه فيها لو عايز صيانه وقطع غيار يروح للانوس مثلا او فيرنا وفى ملحوظة قطع غيارها متوفرة فى القاهرة خارج التوكيل باسعار مميزة
%u0632%u0627%u0626%u0631
اللوجان جميله بس انا عاوز اعرف اماكن توافر قطع الغيار بالغربيه
wamawama
مشكوررررررررررررررررررررررررررررررر على الموضوع



اسم العضو:
سؤال عشوائي يجب الاجابة عليه

الرسالة:


رابط دائم
مواضيع مشابهة:
اسعار ومواصفات السياره رينو لوجان 2014- مميزات وعيوب رينو لوجان 2014
اسعار سيارة رينو داتشيا لوجان 2013
مقارنه عامه بين رينو لوجان و بروتون ساجا (افضل سيارتين فى الفئه السعريه بين 65 الف 80 الف )
قصه نجاح رينو مع لوجان
تقرير كامل عن رينو لوجان

احدث مواضيع المنتدى
جميع الحقوق محفوظة © nmisr.com نجوم مصرية