جربت فى مرة تقرب .. من انسان مجروح
ضايع مهزوم محـروم .. من طعم الفرح
ساعـة ما اتالم .. اتـكـلـم بـحـلاوة روح
راجـع مـجـروح مـش قـادر .. يـهـرب مـن الـجـرح
اطمن حس بدفئ .. فى ايديك
حبيته لقيته فى حضنك .. طفل برئ
طيبت جراحه .. اديته عينيك
اديته مشاعرك .. مشيته طريق
عرفته ازاى .. من تانى الفرح
يسكن مطرح .. كل الاحزان
وزرعت امان .. ولقيت الطرح
فجاة بيتبل .. على ايد انسان
جربت يخونك ويسيبك .. فى السكة حزين
مش طايق حتى .. يحس بجرحك
جربت عيونك تناديله .. تستنجد بيه
ولقيته على دمعك .. واقف يضحك
حنيت لمكان كان دايما يجمع بينكم .. ولقيته بيخونك فيه
جربت تواجه واحد بخيانته .. هزمك جبروت فى عينيه
كان نفسك تصرخ فى العالم .. ملقيتش فى قلبك صوت
ضحيت بحياتك والظالم .. بيجرب فيك الموت
جربت تمووووت . . !