أكدت جريده الفجر عبر موقعها الالكترونى على الانترنت انها حصلت على معلومات من مصادر مقربه جدا من الداعية الاسلامى الدكتور عمرو خالد تفيد بأنه سوف يدعم مرشح الرئاسه الفريق احمد شفيق فى جوله الاعاده للانتخابات الرئاسية والتى يتنافس فيها الفريق احمد شفيق على منصب الرئاسه مع الدكتور محمد مرسى مرشح حزب الحريه والعداله والذى يمثل الحزب الدينى لذلك كان من المتوقع ان يأيد الدكتور عمرو خالد الدكتور محمد مرسى ولكن مصدر جريده الفجر أكد ان عمرو خالد لم يقتنع بمحمد مرسى رئيسا لمصر وانما يقتنع اكثر بالفريق احمد شفيق خصوصا بعدما قام بأنشاء حزب جديد يسمى حزب مصر المستقبل

رأى عمرو خالد فى احمد شفيق ومحمد مرسى

عــــــــــــــــــلى بركه الله
كل واحد حر فى اتجاهاته

مستحيل طبعا الكلام دا غير منطقى وغير معقول ومش جريده الفجر اللى نصدقها

يعنى الخبر منقول من جريدة والجريدة ناقله من مصادر مقربه !!! فين مصداقيه الخبر فى المتاهة دى ؟؟؟

وفيها ايه دى ده شيىء بديهى هو حد قال ان شفيق كافر ولا ايه وبعدين مش الصوفيين برده ايده شفيق كل واحد يؤيد اللى شايفه صح وعلينا تحمل الديمقراطية لو احنا عايزينها والا بلاها ديمقراطية ونخلص

ان كان الخبر صحيح فهو ليس بغريب على عمرو خالد

انتو بتشتغلوا الناس هو الراجل قال اي حاجة تدل انة هينتخب دة ولا دة وبعدين ينتخب شفيق ازاي وهو من اكتر الناس اللى اتدبحت من النظام

لا يهمنى من يكون يهمنى فى ساعات وظيفته الرئاسيه مادا سيعطى وينجز ويقدمه لمصر وان يكون مبدع مبتكر دبلوماسى على قدر كافى للاخد خارجيا وداخليا صاحب تفكير ابداعى لبناء مصر حديثه بغقليه متفتحه محترمه خلاقه علما وخلقا ولا اجد هدا الا عند شفيق ولا يهمنى لا فلول وكلمات ليس لها معنى --لا تعتقدو منصب كرسى مصر مغرى هوه كرسى ينقلب وغدار وليس له امان وغير مستقر لا عليه ولا علا عائلته---نعم ومليون نعم لشفيق وحتى ان كان من الفلول

عمرو خالد أنكر تماما هذا الخبر وقد نقلت جريدة الوفد عنه أنه لم يصرح بذلك

الخبر غير صحيح ونفاه عمرو خالد

اخواني هذه من الغاب احمد شفيق لبث الخوف عند انصار محمد مرسي

الله يرحم جدك حركات مكشوفة

انا الي فهمته انه الراجل مش مع حد
الراجل مع نفسه بس
غريب امرك يا مصر فلا احد يستحق التضحيه والمجازفه بنفسه من اجل احد
واتذكر هنا المثل الشامي :
انا امير وانته امير طب مين حيراعي الحمير

بلاد كلها زعماء فمن اين لنا بشعب يكفيهم

دعاية انتخابية قذرة ز ي استغلال صورة الشيخ محمد متولي الشعراوي وشيخ الازهر كل ده حركات مكشوفة

معقوله اكيد الخبر مش صحيح
ماهو كله فى بلدنا بالحب

عمر خالد كذب الخبر بنفسسسسسسسسسسسسسسسه

انا هقول كلمة واحدة بس " ربنا يرحمنا من الاشاعات شوية لاحسن الاشاعات خلت دماغنا عاملة زي البطيخة القرعة
اخر الاشاعات فى الايام السابقة الشيخ ونيس والحمد لله طلع برئ انا مش عارف العالم دي عاوزة مننا اية ارحموووووووووووووووووووووووووووووووناااااااااااااا اااااااااااااااااااااااااااااااااااااااااااااااااا اااااااااااا

الكدب فى دمهم بيزوروا اراده شعب مستنيين منهم ايه؟؟؟؟

عمرو خالد يكذِّب "الفراعين".. ويؤكد: لم أعلن دعمى لأى مرشح
المصدر اليوم السابع
http://www1.youm7.com/News.asp?NewsID=703614

ولو حصل اساسا عمرو خالد متوفع منه اى حاجه

مش عارف انتوا فى ايه .. هو ده موقع الاخوان ولا ايه ؟؟؟؟

وفيها ايه رشحه ولا مرشحوش !!!!!!!!! انتوا عالم غريبه جدا والاخوانجية ومرسى بتوع الاشاعات والرشاوى وترهيب وترعيب الناس رقم واحد فى مصر

لعلمكم مهما تعملوا شفيق له شعبية جامدة فى مصر وهتشوفوا فى الصندوق هو رئيس مصر ان شاء الله ولا عزاء للمتأسلمين

خدعونا وقالوا كلام معسول .. احنا العدالة والثقه والعدول
ولانسعى للسلطه بهدف الوصول .. والشعب صدقهم وجنوا المحصول
ودلوقتى بيجروا زى الخيول .. طالبين السلطه والكل بيقول
عاوزين الرئيس للمرشد دلدول .. واللى يخالف المرشد هيكون مفصول
وجابوا شرف على الكتاف محمول .. ورموا الغلبان زى شوال الفول
ولا عجبهم الجنزورى تخطيط واصول .. ولازم يتشال بالعرض والطول
والنواب بتوعهم ماعندهمش اصول .. غير الانتقام لحزبهم المحلول
وسلقوا القوانين لحم العجول .. والبرطمان بتاعهم عليهم مقفول
وخربوا البلد بمظاهرات على طول .. بشعارات براقه ودق الطبول
ومليونيات كتيره زى الاسطول .. فيها الطيب وفيها المسطول
وميدان التحرير دايما مشغول .. ومشوفتش مليونيه تعمير باصول
والواحد منهم عامل شملول .. وامن البلد بقى مشلول
والفوضى كبرت زى الغول .. والناس الغلابه مش لاقيه الفول
وضرب نار وجريح ومقتول .. وياحسره قلبى على شاب مفتول
وبلطجى شايل سيفه مسلول .. عيونى تبكى وفكرى مذهول
وفخ الفوضى لينا معمول .. بتخطيط اعدائنا وهدفه ينول
ويارب الشريعه بتدرج مقبول .. بدل التخبط والمصير المجهول
ويارب احفظنا ياخير مسئول .. واكرمنا برئيس قيادى معقول
وباعلى صوتى بنادى واقول .. هنتخب شفيق ولو قالوا فلول

فى ايه ياجماعة الحرية بشكل ده هى دى الديمقراطية كل واحد حر اللى عة شيفه

الحمدلله الدكتور عمرو نفى الخبر

انا الصراحة مش مصدقة جريدة الفجر لو سمحتم احنا عايزين توضيح اكتر وخصوصا من الدكتور عمرو خالد اذا امكن عشان نعرف رايه واقتناعه وعدم اقتناعه من هذين المرشحين لاني انا صراحة استحالة اصدق ان الدكتور عمرو خالد هيرشح شفيق وفي الاخر بالعافية كل واحد ورايه

خبر غريب والاولي ان ينفيه عمرو خالد اذا كان كاذبا وان لم يكن خبر كاذب فانا بصراحة مش عارفة هو بيفكر ازاي ده لو كان بيفكر اصلا لو كان خد قرار زي ده

علي فكرة مش معني ان التعليقات لصالح الاخوان انه موقع اخوانجي ولكن الاهم انه ميبقاش موقع للفلول الاخوان لهم ما لهم وعليهم ما عليهم ولكننا الان امام خيار واحد اما مرسي ولو معجبناش الصندوق الحكم مننتخبوش تاني
او شفيق واتفضلوا بقي ارجعوا 30 سنة لورا ومحدش يقوللي بقي ان الحزب الوطني المنحل واعضاؤه بيدعمه شفيق علشان خاطر سواد عيونه والا ياعيني خايفين علي مصر من الاخوان المفتريين اللي نهبوها 30 سنة كفاية بقي انتوا فاهمين كويس من ورا شفيق وفعلا مش عارفة انتو بدافعوا عن ايه ولا هو مجرد كبرياء احمق معند واعتقد انه الاخير لان كل ما تتكلم مع واحد من الذين يؤيدون شفيق يتعصب وتحس انه زي اللي علي راسه بطحة او عامل حاجة غلط وبيدافع عنها معندوش استعداد انه يتكلم معاك بالمنطق وعلي فكرة لو جاء شفيق عن طريق الصندوق وبلا تزوير انا هاقبل ده علشان احنا كده نبقي بلد تستاهل رئيسها بجد بس انا قدام ضميري صوتي لمرسي ومش هاكون
شريكة ابدا في اي مصيبة شفيق هيودي البلد فيها ولا مجرمين شفيق مش هيحاسبهم علي خراب البلد ونهبها 30 سنة