|
ايه رأيكم نشيل النسر من على علم مصر
والله فكرة بس لو شلناه يا ترى هنحط ايه عايزين بقى اقتراحات حلوة وانا كمان هقول اقتراحي بس بعد لما اشوف اقتراحاتكم    |
|
نحط صوره المنتخب ايه رايك ولا ابو تريكه
 ولا صوره الحج حسنى اهو بقاله كتير معانا والله عليكم حاجات عجيبه علم مصر من غير النسر مينفعش هيبقي شكله وحش دا هوا النسر ده الى مدينا مظهر القوه هوا الى بيحسسنى ان لسه في رجاله في مصر ميرسي على افكارك يا قمر  |
|
انتى شيفانا ريحين نشيلو هههههههههههه
عادى يعنى بندردش مع بعض شكرا ليكى على المرور |
|
مينفعش نشيله
لان كل جزء من العلم بيدل على حاجه مينفعش تشيل لون من العلم او اى حاجه فيه اكيد هتقلل من قيمته تقبل مروري |
|
باين الموضوع مش عاجبكم
شكرا على المرور |
|
طبعا علمنا من غير النسر مش هيبقي شكله كويس
وعلي فكرة هو مش مجرد شكل وبس لا دا رمز وليه معني كمان رمز القوة والقوة دي اللي حققنا بيها انتصارات يعني منسوبة لينا احنا شكرا ليك يابو حميد علي التوبيك |
|
شكرا ليك يا احمد على المرور
|
|
احب ان اوضح ان العلم المصري بيتكون من ثلاث الوان بتدل على عدم التفرقة بين الاجناس المختلفة
الاسود والقمحى والاشقر والمسلم وغير المسلم الغني والفقير الوزير والغفير والنسر بيدل على حرية الشعب وعدم الاستبداد انا من راي نعمل حاجة من الاثنين 1****نطبق الحرية في البلد لأن ده شعار العلم الموجود بالنسر 2**** نشيل العلم عشان يكون الشعار صح طبعا نشيل العلم كله اسهل |
|
شكرا على المرور
|
|
نحط حمامة بيضة او جملة لا اله الا الله محمدا رسول الله او نحطة رسمة فلافلايا طعميه يعنى او فول ههههه
|
|
الحاجة الوحيدة اللي ممكن تكون بدل النسر ، 22 نجمة بتمثل عدد الدول العربية ، وممكن بعد كده يضاف شعار في الدستور
"علم واحد ، وطن واحد" نفسي أصحى من النوم الاقي الوحدة متحققة تحت راية واحدة |
|
احب ان اوضح ان العلم المصري بيتكون من ثلاث الوان بتدل على عدم التفرقة بين الاجناس المختلفة
الاسود والقمحى والاشقر والمسلم وغير المسلم الغني والفقير الوزير والغفير والنسر بيدل على حرية الشعب وعدم الاستبداد انا من راي نعمل حاجة من الاثنين 1****نطبق الحرية في البلد لأن ده شعار العلم الموجود بالنسر 2**** نشيل العلم عشان يكون الشعار صح طبعا نشيل العلم كله اسهل نحط حمامة بيضة او جملة لا اله الا الله محمدا رسول الله او نحطة رسمة فلافلايا طعميه يعنى او فول ههههه
انا لاحظت ان في استهتار جامد منكم للبلد وشعارها البلد دي اللي فيها عملوا كتير علشان تبقوا دلوقتي بتتكلموا هنا البلد اللي طلعت رجالة وضحوا بنفسهم علشان الحرية دي علي فكرة يعني علشان محدش يقول انت مزودها ليه وعامل فيها وطني والكلام اللي مش هيجيب همه دا انا بقول كدة لاني شايف استهتار من كتير ونغيرة ونحط ابو تريكة ونحط مش عارف ايه ونحط فلافل وايه دا اساسا والله لو كارهين البلد قوى كدة ايه اللي خلاكم قاعدين فيها والله احنا الدولة الوحيدة اللي مش عاجبها حاجة والوحيدة برضو اللي بطلع شباب علشان يشتموا فيها في كام دولة بتعمل اللي احنا بنعمله دا مفيش حد بيهزأ في بلدة قدنا والله عيب عليكم |
|
يا جماعة انا مع احمد
اللي مش عجباه البلد يسيبها وبعدين مش من الادب انك تستهزا بالبلد اللي معيشاك وخدها نصيحة مفيش بلد تانية هتحترمك وتعاملك كويس احسن من هنا بلاش استهتار بالحكاية دي يا جماعة واللي ملوش خير ف بلدو ملوش خير ف نفسو ومش هتديلك حاجة طول ما انتا مش حببها وبتستهر بيها |
|
شكرا يا احمد على ردك ويا ريت اللى هيقول رايه فى حاجة تمس بلدنا يقوله باحترام من غير هزار وقولنا قبل كده 100000مرة بلاش هزار على بلدنا خلصنا هزار فى كل حاجة هنهزر على بلدنا
يا جماعة لو مش محترمين بلدنا مش نستنى حد يحترمها النهارده بنتفرج على الماتش بتاع مصر وكوستاريكا واحد زملكاوى بيقول طول ما بوجى مش بيلعب ان شاء الله مش هنجيب اجوان شوفتم وصلت لدرجة ايه فضل انتمائه لفريقه على انتمائه لبلده انا لو بايدى الامر اسقط عنه الجنسية والله |
|
يا جماعه عايزين تهزروا يبقى بعيد عن العلم
طبعا انت اكيد مكانش قصدك استهزاء بس الناس هما اللي استهزؤا وقالوا ابو تريكه وفول بقى كدا ينفع |
|
كلام صحيح 100% ، لولا البلد دي والعلم دا وتضحيات أبوك وعمك وخالك المصري في الحرب ، كان زمان العرب كلهم عايشين تحت راية الصهيونية عبيد مش أكثر ، التاريخ يعيد نفسه مرارا وتكرارا ودائما توحيد العرب يكون تحت الراية المصرية وتحت حماية الجندي المصري ..
لكن معلش يا أحمد ، معلش يا محمود انت وميدو ، انتوا عارفين الشعب المصري وعدم قدرته على تحمل عدم السخرية حتى على رموز وطنه ، اللي اتهانت للأسف من أخواتنا العرب اللي دافعنا عنهم واللي أجدادنا ماتوا في سبيل عزتهم وكرامتهم . وهما قاعدين في قصورهم بيحموا كنوزهم .. وستبقى مصر مهد الحضارة وقلب وعز العروبة النابض
|
|
انا اسفه جدا عشان قولت نحط ابوتريكه
وعلى فكره انا قصدى بكده سخريه من الفكره نفسها انا اسفه انا مش بسخر من صاحب الموضوع انا بسخر من فكره منشوره في كذا منتدى واعتقد انى بقيت كلامى واضح جدا انى متضايقه من فكره زى دى ولو في حد بينتمى للبلد وبيحبها وبيعشق ترابها عمره مهيكون قدى انا في حبي وولائي ليها ومن قبل الموضوع ده لو حد بص على بروفيلي او معلومات عنى هيلاقي انى كاتبه من زمان الدوله ام الدنيا الى بعشق ترابها معتقدش ان كلامى جد او انا بتكلم استهزءا بالعلم لاوالله مش قصدى تماما وشكرا جدا لحسن ظنكم فيا |
|
يا جماعه فى ناس رديت على الموضوع بمنتهى الجديه والكلام الكويس ليه تيجى ناس
تسخر من بلدها او من علمها وليه اصلن تيجى ناس تسخر من موضوع حد مينفعش ده راى واختلاق الراىء لا يفسد للود قضية |
|
بلاش كلام فاضي احترم علم بلدك شوية
|
|
يا جماعة والله انا مش بستهزأ ببلدى خالص
على فكرة انا بحب مصر زى اى حد مصرى عايش فيها انا كل الفكرة انى كنت احب اقدم فكرة نشوف اراء بعض انا عمرى ما احب ان النسر يتشال ويطحط بداله اى حاجة تانية لكن الفكرة معمولة علشان نتخيل مع بعض لو مكنش فى نسر اصلا كنت تحب تحط ايه بدال مش هزار خالص والله يعنى فكرة 22 نجمة دى جميلة جدا على كدة ان احنا بنستهتر بالدولة لا والله يا جماعة خالص انتو فهمتونى غلط وانا اسف جدا |
|
صورتى طبعا هههههههههههههه
او صورة عمرو دياب |
|
اولا بشكر صاحب الموضوع علي الفكرة
الفكرة كانت لمجرد الدردشة وجه موضوع قبل كدة وعملوا لقاءات مع ناس وسألوهم السؤال ده يعني الموضوع عادي جدا ومفهوش اي استهزاء والناس اللي قالت ابو تريكة زي نونوش مثلا طبعا مكنش قصدها خالص انها تستهزأ بالبلد ومعرفش انتوا ربطوا ده بموضوع مصر وكبرتوا الموضوع كدة ليه واضح ان الناس دلوقتي مبقتش تفهم بعض ومبقتش عايزة تتفاهم اصلا انا عايزة افهم دلوقتي ايه علاقة النسر اللي في العلم بموضوع مصر ما كلنا عارفين اننا بنحب مصر واللي هيقول غير كدة ميبقاش عاقل النسر حاجة مهمة ولما اتسأل السؤال ده كان بقصد انك تحط حاجة مهمة برده او حاجة بتحترمها عشان تحطها في علم بلدك وبرده كل ده كان عن طريق الدردشة يعني احنا مش رايحين نشيل العلم ونغيره عجبني جدا رأي مزيكا لما قال نحط 22 نجمه بتمثل الدول العربية ده برده ميعتبرش انتماء لمصر وللعرب كلهم ياجماعة ارجوكم افهموا الموضوع كويس قبل ما تصدروا اي قرار علي اي حد وتقولوا كلام كبييييييييييييييير موضوع رائع يااحمد الي الامام دايما |
|
صورتى طبعا هههههههههههههه او صورة عمرو دياب |
|
أكيد أي رأي وموضوع مطروح للمناقشة البنائة ، والموضوع أنا معنديش اعتراض عليه ، لكن اللي اعترض اعترض على طريقة النقاش الساخرة الغير هادفة ، والسخرية من رمز وطن ، أرجو من الجميع عدم التعصب عند مناقشة أي رأي حتى لو كان ساخرا والرد عليه بهدوء ليعرف خطأه ..
وياريت كاتب أي موضوع يهدف فقط الى المناقشة البنائة يبين ذلك في نهاية الموضوع ، وأنه لا يرغب في أي أراء تافهة الغرض منها مجرد السخرية أو التهريج |
|
مش معني ان كلامنا دا يبقي احنا مش فاهمين حاجة
لا بالعكس علي فكرة احنا لا متخلفين ولا متعصبين كمان يعني مثلا ايه نحط صورة ابو تريكة ونحط فلافل واللي يقول نحط صورتي انا هسالكم سؤال في اي دولة سواء اذا كانت عربية او غير عربية كمان بتطرح حتي السؤال دا طعا مفيش وانا علي فكرة فاهم القصد والمغزى بتاع الموضوع ولو بصيتوا في اول رد ليا هتلاقوني لا اتعصبت ولا حاجة واتكلمت عادي جدا لكن لما لقيت الموضوع زاد شوية مينفعش حتي الكلام دا وعارف كمان ان الكل هنا بيحب البلد زى ما هو واضح المفروض ان دا موضوع بيطرح علشان كلنا نقول رأينا يعني نشوف مثلا لو كان الامر بايديكم تقدروا تحطوا ايه مش تعملوا اللي بتعملوه دا والاستهزاء دا مش برضو دي هي فكرة الموضوع ولا انا مش فاهم يعني بتبقي اقتراحان برضو يعني رأي مزيكا اللي قاله راي جميل وانا موافقة طيب قارنوا رد مزيكا برد اي حد تاني شوفوا ايه الفرق الكبير اللي ما بين الردود وما بين رد واحد كويس وعلي فكرة مش احنا اللي هنغيرة يعني ولا حتي في ايدينا بس تخيلوا لو قولتوا الكلام دا في اي حته تانيه شوفوا ايه رد فعل اللي قدامكم هيكون ايه |
|
على فكره يا جماعه
الموضوع مش وحش الردود بس اللي وحشه فيها ايه لو حطينا 22 نجمه زي الراجل الطيب مقال او كتبنا كلمه لا اله الا الله سيدنا محمد رسول الله هو موضوع قابل للناقش واحيك عليه يا احمد بس النسر ميتشالش النسر لازم يبقى موجود بس المشكله اللي هزر في حاجات مينفعش نهزر فيها ومينفعش نسخر من موضوع زي ده زي ماحد الاعضاء قال ده راجل شايف شئ يا نقول راينا من غير منجرح في حد يا نحتفظ بيه تقبلوا راي |
|
اولا بشكر صاحب الموضوع علي الفكرة الفكرة كانت لمجرد الدردشة وجه موضوع قبل كدة وعملوا لقاءات مع ناس وسألوهم السؤال ده يعني الموضوع عادي جدا ومفهوش اي استهزاء والناس اللي قالت ابو تريكة زي نونوش مثلا طبعا مكنش قصدها خالص انها تستهزأ بالبلد ومعرفش انتوا ربطوا ده بموضوع مصر وكبرتوا الموضوع كدة ليه اه كبرنا الموضوع فعلا اصل الموضوع تافه ومش يستاهل كل دا علي ايه احنا نعمل اللي احنا عاوزينة ونستهزأ براحتنا وهو حد واخد باله مش هو دا برضو اللي عاوزينه يعني نضحك ونقول اللي علي بالنا مش مهم بقي اذا كان استهزاء ولا غيرة واضح ان الناس دلوقتي مبقتش تفهم بعض ومبقتش عايزة تتفاهم اصلا احنا اللي مش عاوزين نفهم شكرا وبعدين هنفهم ازاى يعني منكم نستفيد برضو انا عايزة افهم دلوقتي ايه علاقة النسر اللي في العلم بموضوع مصر ما كلنا عارفين اننا بنحب مصر واللي هيقول غير كدة ميبقاش عاقل النسر حاجة مهمة ولما اتسأل السؤال ده كان بقصد انك تحط حاجة مهمة برده او حاجة بتحترمها عشان تحطها في علم بلدك وبرده كل ده كان عن طريق الدردشة يعني احنا مش رايحين نشيل العلم ونغيره طيب والله كويس ان النسر حاجة مهمة
واللي المفروض يتقال المفروض يعني انها تكون مهمة برضو مش دا كلامك برضو فين طيب الحاجات المهمة اللي اتقالت غير رأي واحد بس فين باقي الاراء انا مشوفتش غير راي مزيكا بس هو الوحيد اللي عجبني في الموضوع والباقي طبعا مش عاجبني ولا هيعجب اي حد عنده انتماء ولو حاجة بسيطة لبلدة وزى ما قال هشام برضو اللي عنده جملة او معلومة مفيدة يقولها واللي مش عنده من الافضل برضو انه يحتفظ بيها لنفسة |
|
يا جدعان ريحوا نفسكم هاتوا حد مشرف مصر زى عمرو دياب العالم كلة بيسمعة
يعنى عمرو دياب ودة اسلوب نقاش عادى هزار يعنى |
|
لا تـــعـــــلـــــــيــــــــــــــــــق
|
|
لا تـــعـــــلـــــــيــــــــــــــــــق what are you say ؟؟؟؟؟؟؟ |
