اليوم واثناء ذهابي الى العمل لم اجد ميكروباص او كما نقول عندنا في اسكندريه ( مشروع ) عشان اركبه
ولم اكن اعلم ان هناك اضراب من سائقي الميكروباصات
وموقفين الشارع تماما على البحر وفي فكتوريا
ووصلت فيكتوريا بالعافيه ومش لاقي حاجه اركبها نهائيا ,, وسواقين المشاريع واقفين سادين الشارع مفيش عربيات تعدي الا عربيات اسعاف او عربية نقل مدارس
المهم الموضوع كبر عند بعض السواقين واتخانقوا مع ناس عشان مش عاوزين يعدوا ستات راكبين عربياتهم وضرب وشتيمه وقلة ادب
وراح بعض السواقين رافعين سيوف وناس من محلات في فكتوريا بيتخانقوا معاهم
بس محدش اتعور ولا حد اتصاب
كان تهويش بس
المهم ...
انا رحت متصل على 112 على طول عشان اطلب النجده ,,
وكانت اول مرة اتصل على الطوارئ
وكنت فاكر انهم هيردو على طول
لقيت جرس جرس , وواحد بيقول ,, جميع الموظفين مشغولين بالرد على مش عارف ,, مش فاكر الكلام بصراحة
المهم قعدت ربع ساعه ماسك الموبايل ونفس الجرس وبعديها الكلمتين دول ,,, ومحدش بيرد
رحت قافل ,,,
واتصلت تاني ,, وقعدت تلت سااعه وبردو محدش رد
واتصلت تاااااااالت وقعدت 17 دقيقه بالظبط ,,, وللاسف محدش رد
ساعتها حسيت بجد اننا ملناش قيمه
والبلد دي مش بتاعتنا
البلد دي بتاعه الكبااااااار
بتاعه المصالح
مش بلدنا والله
حسبي الله ونعم الوكيل
حسبي الله ونعم الوكيل
والبلد دي رايحه على طريق اسود والله
طول ماالحكام بتوعنا ماشيين بنفس النظام
اصل انت هتعدل ايه ؟؟؟؟؟ ولا ايه ولا ايه ؟؟؟
الفساد بنسبه 90% في البلد
كلنا فاسدين
الجيش كله فسااااااااد
الشرطه كلها فسااااااااااااد
قطاعات البترول كلها فساااااد وكفر
الفساد في كل حته من البلد ,, عاوزين تعدلوا ايه
خلاص الثورة باظت
الثورة انتهت
الرئيس الجاي مهما كان كويس ,, عمره ماهيسلك مع الفساد الموجود
لانها سلسله متواصله من الفساد وكله مغطي كله