نجوم مصرية
منتديات نجوم مصرية منتديات شباب وبنات اغاني - كلمات الاغاني



تابع نجوم مصرية على أخبار جوجل




كلمات اغنية قطر الحياة احمد مكى 2012

 




كلمات اغنية قطر الحياة احمد مكى 2012



في كل لفة عقرب ساعة

عمري بيتسرسب بيعدى

الناس والدنيا بتتغير

حتى الحديد بيصدى

وأنا الوحيد واقف مكانى ثابت

في ناس اختارت سكة صابت

ناس تانية اختارت سكة خابت

احساس قاسي وصعب

لما الناس تشوفك فاشل

ابوك وامك واخواتك وصحابك

شايفينك عاطل

قوم يابنى اسعى وحاول

والله غلبت احاول

ياما حاولت و قبل ما الجون يجيي يطلع فاول

معنديش مهارة وحتى كوسة

وحوستى حوسة

ودوست بعد اخر البنزين بدوسة
تابع نجوم مصرية على أخبار جوجل



في كل مقابلة شغلانة يتقالى لف نفسك

شهادتك معادتشي جامدة

اي حيط وخدلك بوسة

رجعت فلاش باك حسبت سنين عمري 30 سنة

لقيت حسبت تانى وتالت واتخضيت

ببص في المراية كم شعراية بيضة لقيت

وابويا هو الى لسة بيصرف ع البيت

بتعامل من عيلتى على انى عالة

وحالتى حالة ثقتى بنفسي راحت

النجاح بقى استحالة

نفسي اهرب من نفسي ومن حالتى و من عيلتى

ومن الدنيا

نفسي القى دنيا اهرب ليها ولا حتى ثانية

وفي يوم قالهالى صاحبي

والى يدلك عالطريق

ميفدش صاحب غير صاحبو اسمع من الصديق

قالى في قعدة ضرب حلوة باليل عاملينها

سالتو هاش ضحك وقالى بيسة

قولتله لا منها

قالى متخافش مش ممكن تدمن من اول شكة

اقنعنى باليل فعلا شكيت اول شكة

مفاصلي ساحت وارتاحت وروحى راحت

بكلم نفسي من جوة وبرغي من برة ساكت

همومي شبه تاهت والرؤية بهات في باهت

كل مشكلة كانت عندى في الدنيا ماتت وتاهت

عدت ساعات في ثانية لقيت الصحبة قايمة

دخلت بيتى وش الفجر عيلتى كانت نايمة

دفنت نفسي تحت البطانية جسمى مثلج

نمت في اقل من ثانية نومت واحد مبنج

قطر الحياة بيعدى بسرعة سنة في سنة في سنة

وانا زي مانا من لما كان عندى سنة

هى هى الحياة

هو هو دة انا

زهقت وطهقت من الحياة

فقت ورجعت تانى للواقع والعكننة

عدى النهار بطيئ كانو كم شهر وسنة

نفسي النهار يعدى بسرعة واضرب تانى

ارجع ملك زمانى وابعد عن العالم

خلونى اضرب معاهم وكل يوم اتعزم

خلاص دخلت السكة والطريق بيترسم

فاجئنى صاحبي في يوم قالهالى في وشي خف تعوم

اجيب منين فلوس ليا وليك نضرب كل يوم

شخشخ جيبك يا مان قعدتنا دي تكون محروم

من النهاردة مفيش درة بلاش مفهوم..مفهوم

روحت وتانى يوم في معاد الضرب جسمى اتكهرب

كراكيب في ظهري ومناخيري سايلة وبتسرب

عاوز اضرب منين اجيب فلوس منين اجيب فلوس

بدأت استلف من كل الى اعرفه وادوس

وحتى اخواتى خدت منهم ياما فلوس دروس

كلو كرهنى وبيهرب منى

50 جنيبه في 50 في 100 في 100

بسرق يوماتى فلوس من البيت وكلو شك فيا

نزلت بيعت كل حاجة جتلى في يوم هدية

خلصت فلوسي لحد ف يوم ما جتنى يوم فكرة هى هى

ذهب امى موبايل اختى لاب توب اخويا

سرقتهم نزلت اهرب من البيت وقفنى ابويا

حاول يمنعنى مسكنى من ايدى جامد

زقيته اتخبط في الحيط بصلي ازاي ابنو واذيتو

خد منى كل حاجة و تربس الباب غضب

ساعتها طلبت اغرب حاجة ممكن تطلب

عاوز فلوس حالا ياما هرتكب جريمة

اتهمنى بالجنون وادانى كم شتيمة

ببان كل الاوض بتتفتح عيلتى بتتفرج لسة بيستوعبو

يمكن ده جد يمكن بيهرج

سحبت بنت اختى 3 سنين ناحية شباك

هاتو الفلوس لارميها فجأة زاد الارتكاب

امى بكت بحرقة قدامى فقت ثوانى

رمتلى فلوس وبصوت عالى مشوفش وشك تانى

امشي ملكش ام يا ابغض من شيطانى

اخدت الفلوس ومشيت مش راجع بيتى تانى

قطر الحياة بيعدى بسرعة سنة في سنة في سنة

وانا زي مانا من لما كان عندى سنة

هى هى الحياة

هو هو دة انا

زهقت وطهقت من الحياة

سبت كل اهلى وصحابي بقيت وحيد

منين اجيب فلوس لازم القى طريق جديد

فجأة افتكرت جار من سنى ساكن لوحدو طول عمرو

ابوه ف اعارة بره مصر و شهرى فلوس يبعتلو

شديته زي ما اتشديتت انا لنفس الطريق

لقيت مصدر فلوس جديد وبيت و ايد صديق

نضرب سوا في بيته بفلوسه ملناش ظهور

شقى سنين ابوه خلص في اربع شهور

وفي ليلة بنضرب جاتلو مكالمة مصدقهاش

ابوه عرف ان ابنو بيسرقو اتنقل انعاش

كل عصب في جسمى توتر زودت الجرعة

الجرعة المعتادة خلاص مبقتش بتاُر

شريط حياتى بيتعرض اكبر في اكبر

ضربت السم في عروقي زودت اكتر و اكتر

نفسي افنى واخلص من الدنيا زي المية اتبخر

كمان زودت سنة جسمى كلو اتلون اصفر

صاحبي اتفزع قام واتسرع

مالك اصفر ليه يا جدع

جسمك عرقان وبتترعش زي الى من الحية اتلدغ

رغم انى غرقان في العرق جسمى مثلج موجوع وجع

من خضتى جيت اسلب طولي جسمى على الرض اترزع

جسمى رافض لكل امر منى القوة اتهدت

والدنيا بتظلم تدريجى واحدة واحدة اسودت

اخر لقطة في حياتى شوفتها كانت ماساة

صاحبي مرعوب وبيراقب فراقي للحياة

قطر الحياة بيعدى بسرعة سنة في سنة في سنة

وانا زي مانا من لما كان عندى سنة

هى هى الحياة

هو هو دة انا

زهقت وطهقت من الحياة







المقال "كلمات اغنية قطر الحياة احمد مكى 2012" نشر بواسطة: بتاريخ:
%u0632%u0627%u0626%u0631
والله .. من اروع ما قدم . احمد مكي .. شي جميل جداً .. ربنا يوفقه ..


معجب يمني .
abodoha22
شىء جميل اخى كلمات جميلة شكرا اخى
%u0632%u0627%u0626%u0631
اغنية روعة اثرت فيا كلمتها مؤثرة جدا
ابو اسماعيل للمات معاة
ربنا يبارك فيك وياريت الشباب يستوعب
%u0632%u0627%u0626%u0631
wlak kbir a7mad mekki wallah

ta7iyete la elak ya sa7be

mo3jab men lebnen
%u0632%u0627%u0626%u0631
على فكره هو بيقول في كل مقابلت شغلانة يتقلي لف نفسك اشحتلك مدد بجنب اي حيط و خدلك بوسة
%u0632%u0627%u0626%u0631
Gamda moot el song de w maskor ya sa7pi 3la el maghood
%u0627%u0644%u0627%u0621
الاغنية ديه جامدة موت
احمد مكى اثر فيا بجد
%u0632%u0627%u0626%u0631
احلي ما عملوا مكييييييييي بس في حاجات انتوا مش كتبنها
%u0632%u0627%u0626%u0631
[♥] الغنية كتير حلو واحمد مكي احلا بكتير
%u0623%u0643%u0631%u0645
أغنيه ملهاش حل من أحسن الاغانى الى سمعتها
hodhod alzooa
انا عمرى ما شفتش اغنية بى اشكل دة اغنية جميل و عمرى ما هشوف و لا هشوف اغنية بى شكل اتحف دةبيجد انت ت
لعت مدهش فى كلمات الغنية دةمع شكر يا احمد مكى
%u0643%u064A%u0643%u0648
بجد انا مش كانت بسمع احمد مكى بس هوه غير نفسو 360 درجه والسونج دا شباب كتير اثر فيها وياريت اى حد عندو ولد او اخ او اخت كدا يحوال يلحقها او يلحقو شكرااا
hager goga
شكرااااااااااااااااااااا للمشاركة
%u0633%u0644%u0645%u0649
بجد دى اغنية جامدة طحن وانا بشكر مكى على مجهودهالجامد اخر حاجة انا حبيت الاغنية دى وانا بتمنا لك نجاح والتوفيق ويارب كل الناس تبعد نفسها عن الادمان
شكرا
%u0632%u0627%u0626%u0631
اية الكلام الحلو دة يا مان فى احاة من كدة مخدرات اية اشرب شاى يل جنزبيل وى الدمغ الصح
%u0631%u062D%u0645%u0629
احمد مكى اغانية جامدة اخر حاجة
%u0632%u0627%u0626%u0631
احلى واحد واحلى مغنى



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كلمات أغنية احمد مكى قطر الحياة من البوم أصله عربى 2012 ahmed mekky atr el hayah
احمد مكى اغنية المخدرات 2012 جامد جدااا او قطر الحياة + كلمات الاغنية + كليب الاغنية جامدة جدا
شاهد كليب وكلمات اغنية قطر الحياة احمد مكي 2012
كلمات اغنية احلى النساء خالد سليم 2012 البوم ما انساك ابدا 2012

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية