فى الأول عايز أقول لكل أم كل سنة وانت طيبة، خصوصاً لأم الشهيد عايز أقولها سامحينى حق أبنك أو بنتك لسه مجاش بس هايجى إن شاء الله، أبنك استشهد عشان يرجع لمصر كرامتها واستشهد بكرامة، فى جنة الخلد إن شاء الله.
الرسالة التانية عايز أقول لكل أم خلى بالك فى طفل هناك محروم أنه يقول لأمه كل سنة وأنت طيبة لأنه يتيم، أيه رأيك لو الجمعة الجاية أو أى يوم فى الأسبوع الجاى أو الشهر الجاى تزورى طفل يتيم، طبطبى عليه وأمسحى على راسه، ورسولنا الكريم صلى الله عليه وسلم قال: ''أنا وكافل اليتيم كهاتين في الجنة''، وأشار بأصبعيه السبابة والوسطى، وأحنا مش بنقول كفالة بنقول زيارة بس، صدقينى مش هتفرق معاكى كتير بس هتفرق كتير معاه لما يحس بحنيتك عليه ولو ساعة وكل سنة وأنت طيبة.
