نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




وزير الاعلام المصري يمنع ازاعة اغنية "مطلوب زعيم دكر"......مع كلمات الاغنية

 

احمد انيس وزير الاعلام المصري منع ازاعة اغنية " مطلوب زعيم دكر " لفرقة كايروكي " حيث اكد انت الاغنية تحتوي علي كلمة خادشة وهي كلمة "دكر " فهي تجرح المشاعر المحترمة وكان الرد علي ما فعلة الوزير من رفض ازاعة الاغنية ان اصدرت جبهة الابداع الفني في مصر بيان ترفض فية رفض الوزير من ازاعة الاغنية حيث اكدت ان الوزير اكد برفضة لازاعة الاغنية ان مصر لم تتغير بعد الثورة ولم يتم الاعتناء بمفاهيم حرية الابداع حيث تعجبت هيئة الابداع كيف تؤذي هذة الكلمة مسامع الوزيزير ولم تؤذة مشاهد مصر في صورة 25 يناير ومجاذر الشرطة للثوار وتعد اغنية مطلوب زعبم دكر من اغاني فرقة الاندر جراوند والتي اشتهرت باغانيها الثورية

تقول كلمات الاغنية :
"مطلوب زعيم لشعب طول عمره عظيم لشعب كان فاعل زمان لكنه هان حتى انه ثار، بإيدين كبار وإيدين صغار مفعول بيه بيقسموه ويفرقوه ويقطعوا في عين اللي جابه واللي جاب أبوه علشان يموت او ينتهي.

مطلوب زعيم لشعب حكامه خانوه وتوهوه وغيبوه واللي انتبه منه وفاق غموله عينه وكمومه وسلموه في المعتقل لكلاب جعانة يقطعوه لكنه رغم القهر قام زئر وزام وفي أسبوعين زلزل حصون الجلادين هد النظام فوق رأس جميع المفسدين.

مطلوب زعيم يحمي الحقوق يعدل ما بين الناس تمام زيّ الفاروق ويكون حنين على الفقير وعلى الفاسد يفتري يهدم علي دماغه الشقوق ويعلقوا في المشنقة او يرفعه على راس خازوق.

مطلوب زعيم ميقلش على الخواف حكيم ويكون كمان سمعه سليم يسمع لنبضة قلبنا ويكون مكانه في وسطنا ميعش أبداً في القصور والبعض منا للأسف سكانين قبور. يشرب ويأكل اكلنا ويعيش كواحد مننا يسمع لنا ويشور ويأخذ رأينا وقت الخطر نتلم حوليه كلنا ونضحي وياه بعمرنا.

مطلوب زعيم على المسؤولية يكون أمين ويكون جرئ ويكون شجاع مش امعة وحتة بتاع يعرف يقول للظلم لأ ويموت ولا يفرط في حق.

مطلوب زعيم نقدر نحاسبه بالقانون او نعزله لو للأمانة يوم يخون. لا يشترط الشكل أيه لا يشترط السن ايه لا يشترط الملة ايه شرطه الوحيد يكون بشر.
بالاختصار مطلوب دكر".






المقال "وزير الاعلام المصري يمنع ازاعة اغنية "مطلوب زعيم دكر"......مع كلمات الاغنية" نشر بواسطة: بتاريخ:
%u0632%u0627%u0626%u0631
الاباحة بقت فن و اللي يقف في وشها بقي جاهل و ضد الثورة
طز في الحرية لو بالشكل ده
اسامه احمد عبد
وهل يرضى جبهة الإبداع الفنى فى مصر أن تذاع أغنية كلماتها معبرة وبها كلمة ساقطة ؟
لماذا لم يتم استبدال الكلمة محل الخلاف بكلمة أخرى تحافظ على المعنى ؟
أما عن الرقابة على المصنفات الفنية فأين هى من الروائع التى راجت بعد الثورة ؟
أين هى من الكاسيتات التى يغنيها حشاشون ورد السجون ويتعاطاها سائق التوكتوك والميكروباص ؟
منار الزائرة :)
المشكلة مش فى الكلمة خاااااااااااااااااااااالص
المشكلة فى عقدة النقص اللى بتحسسه بيها

لو على الكلام الخادش فيه عشرات الاغانى اللى لازم تتمنع
وزير مش كويس خالص
زهير ابراهيم
له حق بسبب صعوبه تحقيق المطلب من وسط المرشحين
AHMADYOUNISS
انا رافض مبدأ الاغاني التعبانة دي من أساسه
كفاية اللي بنشوفه من السواقين كل يوم .. حاجة تطهق
د.عصام
له حق بسبب صعوبه تحقيق المطلب من وسط المرشحين
ازيك اخونا زهير. تعليق مفيش بعده كلام
AHMADYOUNISS
" راس خازوق " ده كلام يا راجل

هوا احنا خلاص خلصنا الكلام المحترم ,, ده احنا حتي من كام سنة مبنسمعش حاجة محترمة اصلا
جدة مصرية
اصبحنا فى زمن الاسفاف بحجة حرية الابداع

ولا حول ولا قوة الا بالله العلى العظيم

ارحمنا يااااااااااااااااااارب

وشكرررررررراااا باراديس مان
حاجة عجيبة
هوه عبط ده ولا ايه احنا حنفضل نرفع فى ناس تافهه زى دى لحد امتى ونسيب علمائنا والناس اللى حتنفع البلد لحد امتى انا مش فاهمة
والله عن قرب انا اعرف دكتور بيشتغل فى هيئة الطاقة النووية اتاخد امن دولة قبل الثورة واتهان واتبهدل علشان كان بيعمل بحث عن الذرة والناس اللى ملهاش لا زمة زى ده كانوا ومازالوا اغنى وارفع الناس فى نظر الناس مع انهم
ولا يسوا شلن ممسوح
ISLAMAZ
برافو على الوزير انه منع القرف ده
طالما مش قادرين يقولوا كلام محترم يبقوا يخليهم فى القهوة اللى جايين منها أحسن
زيزو باشا
احمد انيس وزير الاعلام المصري منع ازاعة اغنية " مطلوب زعيم دكر " لفرقة كايروكي " حيث اكد انت الاغنية تحتوي علي كلمة خادشة وهي كلمة "دكر " فهي تجرح المشاعر المحترمة وكان الرد علي ما فعلة الوزير من رفض ازاعة الاغنية ان اصدرت جبهة الابداع الفني في مصر بيان ترفض فية رفض الوزير من ازاعة الاغنية حيث اكدت ان الوزير اكد برفضة لازاعة الاغنية ان مصر لم تتغير بعد الثورة ولم يتم الاعتناء بمفاهيم حرية الابداع حيث تعجبت هيئة الابداع كيف تؤذي هذة الكلمة مسامع الوزيزير ولم تؤذة مشاهد مصر في صورة 25 يناير ومجاذر الشرطة للثوار وتعد اغنية مطلوب زعبم دكر من اغاني فرقة الاندر جراوند والتي اشتهرت باغانيها الثورية

تقول كلمات الاغنية :
اخونا باراديس .. تحياتى .. استحمل التعليق و امرك لله !!!!!
مهلا مهلا ما تستعجلش اثناء كتابة الاخبار و اقولك ليه يا جميل .. اسمع و صلى على النبى ( الاخطاء اهيه)..
الخطأ: " منع ازاعة " .. الصواب : منع اذاعة .....
الخطأ:" حيث اكد انت " .. الصواب : " حيث اكد ان "..
الخطأ:" ترفض فية ".. الصواب :" ترفض فيه " ..
الخطأ:" اكدبرفضةلازاعة " .. الصواب :" اكد برفضه لاذاعة "..
الخطأ:" مسامع الوزيزير" ... الصواب : " مسامع الوزير "..
الخطأ:" و لم تؤذة" ... الصواب :" ولم تؤذه " ..
الخطأ:" و مجاذر الشرطة " .. الصواب :" مجازر الشرطة "
معلش اخويا باراديس ما تزعلش لان الجميع قرأ الخبر ( على الماشى كده و هات يا تعليقات ) و زى ما انت عارف اننى ( رخم حبتين ) و اموت فى لغتنا العربية الجميلة .. لذا لزم التنويه .. و شكرا !!!!!!!!
sara hamdan
يعنى الاغانى الزبالة اللى كلها حب واحضان والافلام الاباحية ما عليهاش رقابة ولا حظر وايه الكلمة دى ياعينى هى اللى مزعلاهم اوى يا عينى يا حبايبى وبعدين فعلا مطلوب حاكم دكر لان اللى كل حكامنا اللى فاتوا كانوا عرر
ahmed_moneem2000
إيه هو الكلام الخارج اللي مش عاجب الناس يا جماعة كلمة ( دكر ) غير خادشة واحنا بنسمع أقوى منها 1000 مرة على المسلسلات والأفلام وكمان الأغاني اللي فيها إسقاطات في منتهى السفالة والإباحية ومحدش بيقول عنها أي حاجة ، من الواضح إن سبب المنع هو عدم مطابقة كلمات الأغنية للشخص المراد له أن يكون رئيسا لمصر من وجهة نظر القائمين على الأمر
mail4shababegy
يعنى هيا دى الاغنية اللى حرقت دمو قوى ؟؟؟ هيا كلمة " دكر " حرام ؟
اما نغنى ايه ؟ طفى النور يا بهية !!!!
ميس نامى
على فكر وبصرف النظر عن اى شىء كلمه دكر اصلها فى اللغه العربيه هيا ذكر اى رجل واصبحت تنطق بالدال بدلا من الذال يعنى هيا كلمه مش ابيحه .....طيب والافلام الساقطه واليوتيوبات الخليعه والشتيمه العلنيه فى الافلام والمسلسلات وبوس الواوا دح اخبارهم ايه
منار الزائرة :)
على فكر وبصرف النظر عن اى شىء كلمه دكر اصلها فى اللغه العربيه هيا ذكر اى رجل واصبحت تنطق بالدال بدلا من الذال يعنى هيا كلمه مش ابيحه .....طيب والافلام الساقطه واليوتيوبات الخليعه والشتيمه العلنيه فى الافلام والمسلسلات وبوس الواوا دح اخبارهم ايه
ماهو ده اللى انا بقوله
هى الكلمة دى مش مكتوبة على بطاقة كل واحد من اللى مش عاجبهم الاغنية ؟؟؟؟؟؟؟؟؟؟؟؟؟؟؟؟؟؟؟؟
%u0632%u0627%u0626%u0631
مطلوب دكر يعنى مافيش دكر فى البلد ويعنى طنطاوى دكر افهموا باه , بوس الواوا كانت احسن ليك الواوا يا شعب
هههههههههههههههههههههه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كلمات + كليب اغنية " اسمع مني " للكبير اوي " احمد مكي " من مسلسل الكبير اوي الجزء الثالث كلمات الاغنية كاااملة
كلمات اغنية مطلوب زعيم فرقة كايروكي
كلمات اغنية مطلوب زعيم لفرقة كاريوكى
كلمات البوم كاريوكى "مطلوب زعيم"
اغنية مطلوب زعيم فرقة كايروكي و امير عيد و كلمات الاغنية من البوم مطلوب زعيم الجديد cairokee band

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية