نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




فيديو خطير من التحرير . صديقة الفتاة المسحولة تكشف حقيقتها وماذا كانت تفعل قبل واقعة السحل

 

سوزان صديقة الفتاة المسحولة في احداث ميدان التحرير وشارع القصر العيني امام مجلس الوزراء الاخيرة تقوم بكشف حقيقتها في فيديو من قلب ميدان التحرير , حبث تحكي سوزان كيف تعرفت علي الفتاة وماذا كانت تفعل قبل ان تحدث واقعة ضربها في ميدان التحرير وسحلها وتعرية جسدها , وتخبرنا سوزان عن حالة صديقتها الفتاة المسحولة الان وكيف ان اهل الفتاة لا يعرفون انها هي من ظهرت في الفيديوهات والصور لقوات الامن وهي تعتدي عليها وتسحلها في ميدان التحرير ,

شاهد شهادة سوزان صديقة الفتاة المسحولة وتعرف علي تفاصيل اكثر حول الفتاة التي لم يكشف عنها الي الان









المقال "فيديو خطير من التحرير . صديقة الفتاة المسحولة تكشف حقيقتها وماذا كانت تفعل قبل واقعة السحل" نشر بواسطة: بتاريخ:
منار الزائرة :)
وكيف ان اهل الفتاة لا يعرفون انها هي من ظهرت في الفيديوهات والصور لقوات الامن وهي تعتدي عليها وتسحلها في ميدان التحرير ,

يعنىى اهلها مش عارفين هى فى المستشفى دلوقتى بسبب ايه ؟!


سؤالى للاستاذ كرم بعد اذن جميع المحللين والخبراء الاستراتيجيين بالمنتدى
infinityegy
شوفو الدقيقه 1.23 هههههههههه .
mr-esaed
محدش عارف حاجة خالص وربنا يستر
eng_alasakik
صوت الفيديوضعيف لان السماعه الشمال هى اللى شغاله وهذا فحوى اللى جاء فى حديث الفتاه :
تعرفت عليها فى شارع محمد محمود يوم 18 ديسمبر أثناء الضرب بقنابل الغاز وكانت ملثمة نفسها بالشال الفلسطينى وباين عليها سنها صغير وجذبتها أكثر من مرة حتى أخرجها من موقع الضرب إلا أنها كانت ترفض وكنت أرى القنبلة تسقط بجوارها فلا تجرى ولا تخاف وكان كل همها إسعاف المصابين بقنابل الغاز وأن تسقيهم الماء
هذا مابدأت به الفتاة سلوى صديقة فتاة التحرير التى تم سحلها وتجريدها من ملابسها فى الميدان خلال فيديو نشرته الصفحة الرسمية لدعم المسلمين الجدد .
وأضافت سلوى أننا بقينا نلتقى طوال فترة الإعتصام وقبل الضرب بساعه كانت معايا وكانت واقفة أمام شارع الشيخ ريحان فى المكان الذى تم فيه بناء الحاجزالأسمنتى والطوب بينزل حواليها من كل جانب ولم تكن تتحرك فخشيت عليها وجذبتها بعيدا .. شربنا الشاى واستأذنتها ثم بعد ساعة حدث لها ماحدث .
وأضافت سوزان أن تلك الفتاة هى جندية من جنود مصر وأخلاقها فى قمة الرقى مشيرة إلى أنه عندما تراها " هتنزل توطى وتبوس رجليها "
وعن حالتها الصحية قالت : هى مصابة بكدمات صعبة منعتها ثلاثة أيام من الحركة والآن هى بخير وتعافت من بعض الكدمات التى أصابتها وبدأت تتحرك .
وعند سؤالها عن إسمها قالت لا أستطيع ذكر إسمها لأن أهلها فى البيت لايعرفون أنها صاحبة الفيديو .
وقالت سوزان فى ختام حديثها موجهة كلامها لصديقتها : لو شباب الميدان وجنود الميدان ماعرفوش يجيبوا حقك فربنا ان شاء الله هيجيبلك حقك ربنا أعلم بينا وهوه اللى هيجيب لنا حقنا .

كامل شرف
ربنا يعافيها ويصلح حالها وحال كل المصريين
%u0632%u0627%u0626%u0631
اللهم يارب وأرزقنا الشهادة وارزقنا لقاء نبيك الكريم فى الجنه لا يستطيع احد ان ينكر ان ما تم بحق هذة الفتاة أمر غير مقبول ويجب يجججججب محاسبه من قام به ومن أمر بتنفيذة ولكننا اليوم فى مصر واحه الأمان لم نعد نعرف ماذا يحدث ومين مع مين وضد مين كل الناس ثوار كل الناس سياسيين وهذا امر محبب ومطلوب بعد الكبت والمهانه طوال حكم المخلوع ولكن بالله عليكم جميعاً هل ما يحدث بالتحرير من اعتداء من قله قليله مندسه بإعتراف الثوار تؤدى الى كل هذا الخراب يعنى البنت اللى اتسحلت دى كانت بترمى مولوتوف مع اللى رمى على المجمع العلمى مشششش ممكن طبعاً لكن هناك نزاع بين مؤيد لمعاقبه من سحلوها وبين معاقبه من كان يرمى الولوتوف ايها الثوار اهل مصر معكم ولكن بعد ان تتضمنوا ان كل من بالتحرير منكم وليس مندساً
gido_95
طلما انتى صحبتها وعوزة تبوسي رجلها لما تشوفيها لية مقلتلهاش البسى حاجة محترمة زى ما انتى لبسة كدة ...!!!!!!
%u0632%u0627%u0626%u0631
منين اهلها مش عارفين هى مين ؟؟؟ ومنين ان الفديوهات الى طالعة ع دى وبتقول انها الدكتورة غادة ؟؟؟؟هو انتو هتحيونى لية ع فكرة الحاجة لو فيها شك ولو حتى واحد ف المية متفرقش ع 99% ؟؟؟؟ وبعدين ممكن سوال هو اللقاء دا ف برنامج اية ؟؟؟ولا الموزيع دا متخرج من كلية اية ؟؟؟؟ انتو هتشتغلونا لامتة ... مانا ممكن اروح اشترى ميكروفون او حتى ااجرة واجيب واحدة كدا اموووورة دى دى وحفظها كلمتين وبالموبيل بتاعى اصور فديو وانزله ع اليوتيوب .....اية المصداقية ف الكلااااام دا بس
%u0632%u0627%u0626%u0631
طلعت فى الاخر اختى كاميليا ولا اختى عبير
زهير ابراهيم
انا متاكد الاتهامات ستستمر من الاخرين
لانه الموضوع ليس راي وتوقعات
بل تلقين من اجهزة امنية تدفع بهولاء بنشر هذه الافكار عن هذه الفتاة البطلة
بكل مواقع الانترنيت من منتديات وغيره
واقولهم اتقو الله
لاتخافو من البشر اتما خافو من الخالق
في حساب هيحصل يوم لا يترك صغيره ولا كبيره الا ان تسجل بكتاب كل واحد
فلا تكن من ياخذ كتابه بيده اليسار
صدقوني كل نار موجودة موجودة بالكون
لن تمثل واحد من مليارات المليارت الميليارت الى اخر الاراقام الى نار جهنم
هذه نصيحه لمن يخاف الحق وينشر الباطل
REBEL
احنا هنفضل نتكلم فى الموضوع دا كتير ولا اية


الموضوع يخلص لما البهايم اللى عملوا كدا يتحاكموا هم والروس الكبيرة بتاعتهم بما فيهم المجلس الزفت دا غير كدا هتفضل نلك ونعجن وهم بيمخمخوا فى حركة تانية وسخة من حركاتهم كالعادة واحنا قاعدين نتلكلم ونلك وتعجن

وابقوا قابلونى لو واحدة تزلت بعد كدا الميدان ولا اى اعتصام واهو الدور والباقى عالدكرة اللى باقيين اللى المجلس بيلبهم كل شوية وياخد فى سكتة 15 او 20 واحد كأنهم بيلعبوا عسكر وحرامى

حاجة تقرف
salma2172008
Allah knows the truth ,,,,,i have read this in elmasreyoon newspaper
برأ "ضباط بالقوات المسلحة"، الجيش فى واقعة سحل فتاة وتعريتها خلال أحداث العنف التى شهدها ميدان التحرير مؤخرًا، متهمًا الفتاة بأنها هى التى قامت بتعرية نفسها بنفسها، وأن زميلاً لها قام بتصويرها، وأقسم على صحة روايته استنادًا إلى أحد الجنود "الغلابة"، على حد وصفه، قائلا إنها "أول ما وقعت فتحت (كباسين) العباية بيديها وواحد قريب منها بعشرين متر صورها"، واحتج الضابط خلال مداخلة هاتفية مع مدحت شلبى عبر برنامجه "مساء الأنوار" على قناة "مودرن سبورت" بأن الفتاة لم تبادر بستر جسدها على الفور كما كان يفترض، متسائلا: "واحدة وقعت على الأرض أول حاجة هتعملها إيه؟ هتدارى نفسها صح؟"، فأجابه شلبى موافقا: "آه صح.. هتحط إيديها على جسمها"!!. واختتم الضابط قائلا: "أقسم بالله هى اللى شدت الكباسين واللى صورها زميلها عن عمد علشان دى تطلع، حتى العسكرى الغلبان كان بيقول غطيها غطيها لكن هى كانت فاتحة إيديها". وأكد شلبى كلام المتصل قائلاً: "أه فعلا فيه عسكرى قال غطيها غطيها فعلا أنا سمعت ده".
زهير ابراهيم
وكيف ان اهل الفتاة لا يعرفون انها هي من ظهرت في الفيديوهات والصور لقوات الامن وهي تعتدي عليها وتسحلها في ميدان التحرير ,

يعنىى اهلها مش عارفين هى فى المستشفى دلوقتى بسبب ايه ؟!


سؤالى للاستاذ كرم بعد اذن جميع المحللين والخبراء الاستراتيجيين بالمنتدى
بسبب ان اهلها بالمنصوره وهي تعيش بالقاهره
واوعي يا منار تسئليني ليه
ده امر شخصي ماحدش مسئول عنه الا الشخص نفسه
ولاحق للاخرين مراقبة وفرض الاماكن التي يجب ان يتواجد بها الانسان فالانسان حر
ارجو ان لايضايقك كلامي
تعلمي اني اكن لك كل الاحترام وردي هذا للاخرين وليس لكي
على من يتسائل مثل هذه الاسئلةولكن كما يقولون الاقافيه حكمت هنا
karam fox
وكيف ان اهل الفتاة لا يعرفون انها هي من ظهرت في الفيديوهات والصور لقوات الامن وهي تعتدي عليها وتسحلها في ميدان التحرير ,

يعنىى اهلها مش عارفين هى فى المستشفى دلوقتى بسبب ايه ؟!


سؤالى للاستاذ كرم بعد اذن جميع المحللين والخبراء الاستراتيجيين بالمنتدى
نفس السؤال والله سألته لنفسي , لكن قلت لنفسي ممكن يكونوا عارفين انها اتعرضت لضرب في التحرير زي كذا بنت لكن مش عارفين انها هي اللي صورتها طلعت في وكالات الانباء, عموما انتي عارفة رأيي في الموضوع ده يامنار, الحادث في رأيي الشخصي مدبر , لكن جهة التدبيير انا مش عارفها

وطبعا انا بانقل الاخبار من كل جهة, منورة يا منار ومنورين يا جماعة وشكرا علي ردودكم
%u0632%u0627%u0626%u0631
ملفقة علشان ال ضربها فى بطنها لابس كوتش رياضى ولبسه مختلف عن باقى الجنود ولا انا مش بشوف
عبد الرحمن 2011
بسبب ان اهلها بالمنصوره وهي تعيش بالقاهره
واوعي يا منار تسئليني ليه
ده امر شخصي ماحدش مسئول عنه الا الشخص نفسه
ولاحق للاخرين مراقبة وفرض الاماكن التي يجب ان يتواجد بها الانسان فالانسان حر
ارجو ان لايضايقك كلامي
تعلمي اني اكن لك كل الاحترام وردي هذا للاخرين وليس لكي
على من يتسائل مثل هذه الاسئلةولكن كما يقولون الاقافيه حكمت هنا

ما فيش مشكله ان اهلها في المنصوره وهي في القاهره ماشي يا عم
بس ما فيش موبايل صيني كده بـ 70 جنيه يطمأنوا على بنتهم كل يومين ولا ثلاثه
معقول يعني اختي او بنتك في مدينه اخرى وفي ظروف سيئه وما فيش اتصال ولا اطمأنان على فلزة الكبد وصلة الرحم
هو يا اما نقبل بالغير معقول او ندخل نار جهنم ؟
على فكره انا لم اكن انوي التعليق مره اخرى على هذه القصه وهذه الفتاه بس على شان خاطر تعليقك بقى ما اهو انا بدخل المنتدى دلوقتي علشانك ههههههههههه
زهير ابراهيم
"بس ما فيش موبايل صيني كده بـ 70 جنيه يطمأنوا على بنتهم كل يومين ولا ثلاثه"
هههههههههههههههههههه
يا أخي البنت قالت هذا الكلام ومن يدري فقد يكون اهلها عرفو بالامر من اول يوم وجائوا اليها
لان البنت قالت انها لم ترها من يومها
ليس حكماً كلام البنت
عبد الرحمن 2011
"بس ما فيش موبايل صيني كده بـ 70 جنيه يطمأنوا على بنتهم كل يومين ولا ثلاثه"
هههههههههههههههههههه
يا أخي البنت قالت هذا الكلام ومن يدري فقد يكون اهلها عرفو بالامر من اول يوم وجائوا اليها
لان البنت قالت انها لم ترها من يومها
ليس حكماً كلام البنت
طيب بالشكله دا ما فيش خلاف ..............
ابوأياد
ياريت يا جماعه نفتكر ان الكلام عن فتاه او بنت مصريه
فهى ان كانت مخطئه او الجنود هم المخطئون
فمن الواجب على الجميع عدم الخوض فى هذا الموضوع نهائيا
ارجوا عدم فتح هذا الموضوع نهائيا
%u0632%u0627%u0626%u0631
ياخوانا فيه حاجة مهمة ليه الجندى الذى يضرب الفتاة فى بطنها لابس فى قدميه كوتش وليس حذاء ميرى كباقى الزملاء وايضا ملابسه مختلفة عن الباقى ..انظروا جيدا على بنطاله ..وبدون الخوض فى اى احد ..اى انسان له طاقة والجنود يتعرضون لشتائم ليس لها حصر من اناس مجهولون يريدون ان يشحنوا الجنود لدرجة لايتحملها احد واذ اننا لانوافق على هذه المعاملة لكن يجب ان نكون ملمين بالموضوع من كافة جوانبه
زائراحمد
انا مش شايف انها بطلة بل بنت اهلها مربوهاش لو كانو ربوها كانو ا عرفوا بنتهم بتروح فين ومتنزلش الشارع بالسنتيان على العرى
زهير ابراهيم
ياريت يا جماعه نفتكر ان الكلام عن فتاه او بنت مصريه
فهى ان كانت مخطئه او الجنود هم المخطئون
فمن الواجب على الجميع عدم الخوض فى هذا الموضوع نهائيا
ارجوا عدم فتح هذا الموضوع نهائيا
وهل نسكت على مايحصل اخي الكريم ليتكرر مرات اخرى
ادعوك لمشاهدته هذا الفديو وبعدها قولي ماهو المفروض عمله

ISLAMAZ
سؤال ساذج شوية
الأخ (اللى عامل فيها مذيع ده) عرف (صديقة البنت أزاى) اذا كان ماحدش عارف (البنت نفسها) لغاية دلوقتى؟؟؟؟؟!!!!!!!!!!
زهير ابراهيم
سؤال ساذج شوية
الأخ (اللى عامل فيها مذيع ده) عرف (صديقة البنت أزاى) اذا كان ماحدش عارف (البنت نفسها) لغاية دلوقتى؟؟؟؟؟!!!!!!!!!!
اهلا يا اسلام منور
انت هتفضل تعمل شغله المحقق والمستجوب لامتى....؟
زيزو باشا
اهلا يا اسلام منور
انت هتفضل تعمل شغله المحقق والمستجوب لامتى....؟

هوه انت يا حبيبى و اخى الغالى زهير مش حاتبطل مقاوحة ( عبر البحار و المحيطات ) و حاطط كمان فيديو ؟؟ اه يا فلول كندا انت ؟؟؟ هههههههههههههه .. و اخونا الغالى اسلام لما بيقول الحق ( اللى بيوجع ) ما بيعجبش الناس يا ملك ( كندا و البلاد المحيطة بها ) .. شوف بقى البنت دى و اقسم لك اننى اعرف حقيقتها كاملة و الاسم و العنوان و المحرض .. و كل ما يتعلق بالواقعة تفصيلا .. و لكن لا يسمح الان بالنشر ؟؟ الكلام حاييجى بوقته و حاتقول ساعتها ان اخوك زيزو جامد شويتين .. المهم .. تبطل مقاوحة مع اسلام ؟؟ احسن اخذ اول طيارة و اجيلك البلد اتصرف معاك يا عسل انت .. ههههههههههههههههه ........
و خير الختام ذكر النبى عليه الصلاة و السلام ******
عبد الرحمن 2011

ههههههههههههههههههههههههههههههههههه اتلقى وعدك يا زهير الكل النهارده عليك فين بديعه بقى تلحقك

زهير ابراهيم

هوه انت يا حبيبى و اخى الغالى زهير مش حاتبطل مقاوحة ( عبر البحار و المحيطات ) و حاطط كمان فيديو ؟؟ اه يا فلول كندا انت ؟؟؟ هههههههههههههه .. و اخونا الغالى اسلام لما بيقول الحق ( اللى بيوجع ) ما بيعجبش الناس يا ملك ( كندا و البلاد المحيطة بها ) .. شوف بقى البنت دى و اقسم لك اننى اعرف حقيقتها كاملة و الاسم و العنوان و المحرض .. و كل ما يتعلق بالواقعة تفصيلا .. و لكن لا يسمح الان بالنشر ؟؟ الكلام حاييجى بوقته و حاتقول ساعتها ان اخوك زيزو جامد شويتين .. المهم .. تبطل مقاوحة مع اسلام ؟؟ احسن اخذ اول طيارة و اجيلك البلد اتصرف معاك يا عسل انت .. ههههههههههههههههه ........
و خير الختام ذكر النبى عليه الصلاة و السلام ******
هههههههههههههههههههههههههههههههههههه
ربنا يخليك برضو ويبعد عنك كل شر يارب
على فكره من غير ماتقول عارف انك جامد قوي
زهير ابراهيم

ههههههههههههههههههههههههههههههههههه اتلقى وعدك يا زهير الكل النهارده عليك فين بديعه بقى تلحقك

هههههههههههه
اصله بقاله فتره يبعد عني ويبدو انه زهق بقى
انا مش عارف مكتوب تحت اسمه موقوف
طيب هو اللي بيقاوحه ولا انا
ISLAMAZ
المهم .. تبطل مقاوحة مع اسلام ؟؟ احسن اخذ اول طيارة و اجيلك البلد اتصرف معاك يا عسل انت .. ههههههههههههههههه ........
و خير الختام ذكر النبى عليه الصلاة و السلام ******

أهى جتلك من الكبير يا زهير
وقد أعذر من أنذر
ههههههههههههه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بالفيديو الفتاة المسحولة في ميدان التحرير اليوم في جمعة حلم الشهيد تؤكد ان من ضربوا (مش رجالة)
المشير طنطاوي : فيديو الفتاة المسحولة ذات حمالة الصدر الزرقاء فيديو مزور والجنود كانوا يساعدوها
شاهد الفيديو الذى يثبت براءة الفتاة المسحولة من التهم الموجهه اليها و يوضح ماذا كانت تفعل فى الميدان
غادة كمال الفتاة المسحولة فى التحرير ترفع لافتة الشعب يريد سحل المشير

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية