نجوم مصرية
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


كلمات البوم حمزه نمره الجديد

 

احلم معايا

كلمات : سامح خيرى
ألحان : فرحات
توزيع : حمزه نمره

احــلـم مـعـايا ... ببكره جاى
و لو ماجـاش ... احنا نجيبه بنفسنا
نبدأ نحاول فى الطريق
كتر الخطاوى تدلنا على حلمنا

مهما نقع نقدر نقوم
نشق نتحدى الغيوم
نلاقى ليلنا ألف يوم

بس احنا نحلم

احلم معايا يا صديق
تطوى الخطى أرض الطريق
يهمنى حلمى البرئ
مهما يكون

يفضل بروحه جمبنا
مها يطول بينا الطريق
لو حتى توهنا يا صديق
يرجع لقانا يضمنا

على حلمنا

بس احنا نحلم
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

شد الحزام

كلمات : بديع خيرى
ألحان : سيد درويش
توزيع : مايكل بطرس

شد الحزام على وسطك غيره ما يفيدك
لابد عن يوم برضه و يعدلها سيدك
إن كان شيل الحمول على ضهرك بيكيدك
أهون عليك يا حر من مده ايدك

ما تيلا بينا إنت وياى
و نستعان ع الشقى بالله
و أهو اللى ف القسمه نلقاه
واللى ما يجيش إن شا الله ما جاه

مادام بنلقى عيش و غموس
يهمك ايه تفضل موحوس
ما تحط راسك بين الروس
لا تقولى لا خيار و لا فاقوس

هاقولك ايه و أعيدلك ايه كله ليه آخر
دى خبطه جامده و جت على عينك يا تاجر
يا وكستك دلوقتى لا وارد ولا صادر
يحلها ألفين حلال ربك قادر

ما تيلا بينا إنت وياى
و نستعان ع الشقى بالله
و أهو اللى ف القسمه نلقاه
واللى ما يجيش إن شا الله ما جاه

مادام بنلقى عيش و غموس
يهمك ايه تفضل موحوس
ما تحط راسك بين الروس
لا تقولى لا خيار و لا فاقوس

شد الحزام على وسطك غيره ما يفيدك
لابد عن يوم برضه و يعدلها سيدك
إن كان شيل الحمول على ضهرك بيكيدك
أهون عليك يا حر من مده ايدك

ما تيلا بينا إنت وياى
و نستعان ع الشقى بالله
و أهو اللى ف القسمه نلقاه
واللى ما يجيش إن شا الله ما جاه

مادام بنلقى عيش و غموس
يهمك ايه تفضل موحوس
ما تحط راسك بين الروس
لا تقولى لا خيار و لا فاقوس

قرب شيلنى شيل
عمر الشده ما تطول
لا تقولى كتير و قليل
بكره ماهوش زى الأول

هيله هيله هيله
هيله هيله ليصه
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

كنا و احنا صغار

كلمات : جمال الأقصرى
ألحان : حمزه نمره
توزيع : حمزه نمره

كنا و احنا صغار نحب القمر أكتر
و نغنى للعصافير و نحن للبندر

دار الزمن بينا
جينا ع المدينه
لقينا عيون حزينه
قلب المدينه حجر

كنا و احنا صغار نحب القمر أكتر
و نغنى للعصافير و نحن للبندر

عديت بحور ياما
ف التوهه و الدوامه
لا بر ولا عوامه
و العمر عدى سفر

كنا و احنا صغار نحب القمر أكتر
و نغنى للعصافير و نحن للبندر




ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

و أنا ف طريقى

و أنا ف طريقى بجرى و الصبح بيبتسم
و نور الشمس طالع ع الأرض بيترسم

لقيت عربيه حمرا
ما تقولش لونها دم
و فيها شباب و نايم
مرسوم على وشه هم

جيت أصحى فيهم
يا كابتن قوم يا عم

بصولى بطرف عينهم
بدوخه و تقل دم

و أنا ف طريقى بجرى ....

أها أها أها

و عرفت أصل الحكايه
بإزازه جمبهم
كبايه كانت ع الرصيف
و سيجاره ف يدهم
و سيجاره ف يدهم

و أنا ف طريقى بجرى ....

أها أها أها

و فضلت أصحى فيهم
و أنزل فيهم تخبيط
و الشمس بدأت تشقشق
و النور أصبح محيط

و بدأت تلامذه تظهر
و جيش عمال نشيط
و دول ضايعين ف بير
و قراره كان غويط

و أنا ف طريقى بجرى ....

أها أها أها

مشيت زعلانه روحى
صعبانين عليا
لكن هديت جروحى
و ردت روحى فيا

لما قابلت غيرهم
اديهم لسه عفيه
شباب بدو يعمر
ايده سابقه لإيديا

وادى الباقى



مرجيحه

كلمات : سامح خيرى
ألحان : فرحات
توزيع : أندريا عماد

ياه لما الحنين بياخدنا
لمرجيحه بيتحضنا
و ياه و بتعلى فوق سور بيتنا
تاخدنا لفوق و بتساعنا

نلاقى الطفل جوانا
عينيه بالفرحه مليانه
و ضحكه مش مفارقنا
فى بشره خير لأيامنا

و ياه لما الحنين بياخدنا
لمرجيحه بتحضنا

يا ريت ترجع ليالنا
تاخد تانى أيادينا
تجمعنا تخلينا
نشوف من تانى قدامنا

و آه لما السنين بتعدى
و تسرق منا أحلامنا

و ياه لما الحنين بياخدنا
لمرجيحه بتحضنا

و ياه و بتحلى بيها دنيتنا
تاخدنا لفوق و بتساعنا
تلملمنا صديق و صديق
ترجع حلم قلب برئ
تقول غنوه تبل الريق
و ترجع بيها أحلامنا

و آه لما السنين بتعدى
و تسرق منا أحلامنا
و آه دى بتجرى ما تهدى
تضيع ملامحنا و كلامنا
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ


فتح شبابيك عينيك

فتح شبابيك عينيك
حلمك بقى بين ايديك
مش عيب انك تكون
انسان بأى لون
العيب انك تكون
للغير مادد ايديك

ما تقوم يا صاحبى فينك
ابدأ ربك يعينك
يرويك عرق جبينك
تاكل من خير ايديك

دا الخير جواك أكيد
و العزم لو يزيد
و الإيد تشد إيد
حلمك يجرى عليك

فتح شبابيك عينيك
حلمك بقى بين ايديك
مش عيب انك تكون
انسان بأى لون
العيب انك تكون
للغير مادد ايديك

لا تقول شكلى و شكلك
ولا مين أهلى و أهلك
من عاش لنفسه يهلك
بلدك محتاجه ليك

حنى للشحم ايدك
عملك يصبح وليدك
و لا غيرك يبقى سيدك
و تزيد القوه فيك

أول ما يدور مكنا
نحفظ و نصون مكانا
و الحلم هيبقى جنه
و نكون ف الكون شريك

فتح شبابيك عينيك
حلمك بقى بين ايديك





مش عيب انك تكون
انسان بأى لون
العيب انك تكون
للغير مادد ايديك
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

يا طير

كلمات : د.دينا حسن
ألحان : حمزه نمره
توزيع: حمزه نمره

يا طير أسير محبوس
نفسك تطير بره
لحد ما تفرج
اطرحلى كام بذره
تكبر ف قلب الحر
و توصل الفكره
البذره تبقى اتنين
عشرين ميتين
ملايين ملايين ملايين ملايين
ملايين ملايين ملايين
ملايين ملايين
ملايين

يا قلبى يا مكسور
ما تقضيهاشى حزين
مانتش زعيم جايز
لكن وراك ملاين

لو بذرتك تطرح
هيقوم صلاح الدين

صحيح ماهوش انت
بس انت كبرته
ربيته ع الفكره
و بقيت كما الشجره
لو حتى مش قادره
تطرح بذور حره

البذره تبقى اتنين
عشرين ميتين
ملايين ملايين ملايين ملايين ملايين
ملايين ملايين ملايين ملايين
ملايين ملايين ملايين
ملايين ملايين
ملايين
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

غربه

غربه لغربه مرميه دنيا
و ف كل رميه بنكسر
و العمر قايلى باقى ثانيه
و استنى حلمى ينتصر
ــــــــــــــــــــــــــــــــــــــــــــــــــ ــــــــــــــــــــــــــــــ
ـــــــــــــــــــــــ

يا رب

كلمات : سامح خيرى
ألحان : حمزه نمره
توزيع : حمزه نمره

يا رب يا رب يا رب يا رب

و شكيت إليك الحال
من حمل خدنى و مال
و ذنوب تهد جبال
من قلب كان غايب

يا رب يا رب

خدنى طريقى إليك
و رميت حمولى عليك
بهرب من نفسى ليك
و القلب ليك تايب

يا رب يا رب

دقيت بشوق بابك
و بكيت على اعتابك
مستنى لجوابك
ما تردنيش خايب

يا رب يا رب

نعصى كتير و نعود
لطريقك الممدود
ولا عمره كان مسدود
حتى بأعمالنا

و ما بين سجود و ركوع
و أذان مرفوع
بتسيل ف عينى دموع
طمعانه ف الجنه





إقرأ ايضاً - بسمتى هى سر حياتى
- لحظه الفراق
- اللواء عادل عماره يوضح ان احداث الوزاره بدات بالاعتداء على ظابط من القوات المسلحه
- لا اعرف لماذا نحب؟؟
- لماذا احبك ياحبيبى؟

المقال "كلمات البوم حمزه نمره الجديد" من كتابة: بتاريخ : بتوقيت القاهرة
عاجل
مميز
 ›  شاب يصادق فتاة عبر الانترنت 6 سنوات وينتحر عند اول مقابلة معها
 ›  وظائف مشروع قناة السويس الجديد
 ›  كيفية ازالة الخدوش من على شاشة الهاتف المحمول
 ›  الارصاد الجويه تحذر الشعب المصرى من يوم الجمعه
 ›  نجوم الفن الجميل وأخواتهم لن تصدق الشبه
 ›  صدق او لاتصدق : معرض لطائرات الهليوكوبتر فى دبى
 ›  صور نادرة ليلي مراد وهي تقرأ القران

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم




اسم العضو:
سؤال عشوائي يجب الاجابة عليه

الرسالة:


رابط دائم
مواضيع مشابهة:
رووووعة.....كلمات اغنية مرجيحة.....حمزه نمره
كلمات اغنيه رصيف نمره خمسه لعمرو دياب
حصري- كلمات البوم حمزه نمره - انسان 2011
جميع كلمات اغانى البوم حمزه نمره انسان2011كامله

احدث مواضيع المنتدى
جميع الحقوق محفوظة © nmisr.com نجوم مصرية