حسه بيكي رغم بعدي
وعارفه انك مش بتهدي
...
متخافيش يا مصر
ولادك فيكي بيصرخوا
وبدمهم هيحرروكى
هيحرروكي اه
مش من احتلال فرنسي
ولا حتى انجليزي
ولا حتى من عدوك الاسرائيلي
هيحرروكي من ايد كل الظلم
وهيطلعوا بيكي للحريه والكرامه
متزعليش يا مصر
ولادك اللي بجد عمرهم ما باعوكي
ولاعمرهم خافوا وهربوا وسابوكي
هيفضلوا صامدين ووراكي واقفين
وبدمهم وبروحهم ليكي يفدوكي
اوعى تصدقى اللي قال انهم شويه بلطجيه وعايزين يهدوكي
صدقيني دول حبايبك وعاوزين من تاني يبنوكي
يبنوا مصر الحريه والديمقراطيه والكرامه
ماهو انتي ام الدنيا
ومينفعش ولادك يكونوا من غير كرامه
متزعليش ومتخافيش ومتقلقيش
رب العزه حاميكي والامن هيرجع ليكي
يارب احفظ بلدي وكل شبابها وبناتها
واحميهم من كل ظالم وغادر يا كريم