على فكره و الله انا مش علمانيه و لا لبراليه و لا سلفيه و لا اخوان و لا صوفيه كل الاسامى و المسميات دى انا ما كنتش اعرف عنها حاجه قبل الثوره (زى مصرين كتير غيرى عمرنا ما سمعناها) و عمرنا حتى ما كنا بنقول مسلم و مسيحى كلنا كنا اخوان و اهل و مصريين
انا مصريه مسلمه موحد بالله و مسالمه و احلم ان نعيش بسلام مع بعض كلنا مصرين نحب مصر لازم نفهم بعض صح و لا نحارب بعض لاغراض دنيويه او سياسيه و بلاش حد يفتح دماغكم و يصب فيها كلام غلط باسم دين او وطنيه او اى حاجه و تصدقوه شغلوا دماغكم و ابحثوا و فكروا كويس قبل ما تهاجموا او تحكموا على الناس
طبعا أنا و كل المصرين الشرفاء (و هم الاغلبيه اقباط او مسلمين) ضد ان تنشر الرذيله فى مصر بالتأكيد ما حدش عايز كباريهات و لا للشذوذ و لا للدعاره و لا لشواطىء عراه و لا للادمان و الحشيش و البانجو و لا لقله الادب و لا لبيع الاعضاء و لا للتطبيع مع اسرائيل و لا للى تفرض على بنتها انها ما تتحجبش دى مش تربيه صح طبعا و لا لاى صاحب وظيفه لا يعين من هو كفؤ للوظيفه و يبنى حكمه على جنس او دين او زى
شعب مصر بالاغلبيه العظمى .. عرفا و تقاليدا و اخلاقا و ثقافه و دينا و كل حاجه ... ضد كل الكلام الفاضى اللى اتقال ده و دول ناس معروف عنهم انهم فاهمين الدنيا غلط (ايناس الدغيدى والا حمزاوى و الا السعداوى و الا فريده ) معروفين بأرائهم الشاذه يعنى معروفين بالشذوذ الفكرى و المبالغه فى التحرر لدرجه انحلال و لا يمثلوا الا انفسهم لا يمثلوا علمانين و لا ليبرالين و لا مسلمين و لا اقباط و لا مصرين اصلا
مين قال ان دول علمانيين؟ او يمثلوا العلمانيين و مين قال ان معنى العلمانيه استغفر الله العظيم (ربنا ماله و مال السياسه) ؟ تعريف العلمانيه مغلوط و ناقص فى الفيديو (رغم انى مش علمانيه اكررها و ااكد عليها) لكن احقاقا للحق اللى عايز يعرف يعنى ايه علمانيه موجود على المنتدى للى عايز يعرفه يطلع على اللنك ده مقاله الدكتور معتز عبد الفتاح
معلش اتعبوا نفسكم شويه و اقروا (العلم نور) و حث عليه الدين
http://mobilatco.com/vb/showthread.php?t=800
و دى مقاله تانيه راقيه قوى عن العلمانيه و ثوره 25 يناير
انا ضد ان مسمله تتجوز مسيحى ده حرام اصلا ما ينفعش و فى المسيحيه برضه القبطيه لا يجوز تتجوز مسلم و عمر حمزاوى لا يمثل فى هذا الكلام الا نفسه و رايه الخاص و قال الكلام ده و لا يستطيع ان يفرضه على احد لكن الشيخ الحوينى حلل ان نغزو و نسبى النساء و ينقى واحده على مزاجه و تعتبر زوجته بدون ان يكتب عليها و ده كلام مرفوض فى رأى يعنى ايه اغزو و انقى ست و تبقى حلالى من غير ماكتب عليها (كافره طبعا مش مسلمه) بس على كيفه؟ و هناك من يحلل جواز المسيار فى السعوديه و فى اللى بيحلل جواز المتعه و فى اللى بيحلل العرفى ... دول كمان اسلامين بافكار شاذه على عرف المجتمع و العصر اللى احنا فيه لكن ما حدش بيتهمهم بعلمانيه و لا كفر و لا اى حاجه بالعكس بيقولوا عليهم شيوخ
فى حمله مجنونه تستغل تدين الشعب و اخلاقه الطيبه و بساطته و جهله فتقوم اولا باتهام الناس انهم علمانيين و هم مش لبراليين او علمانين و لا حد عارف يعنى ايه علمانيين الا اللى بيقرأ و بيبحث و فاهم (لعب بكرت الجهل و الكسل فى طلب العلم باقراءه او البحث)
و بعد ما اتهمهم انهم علمانين اقول انهم كفره (لعب على كرت دينى)
و بعد ما اقول انهم كفره اقول انهم بيحللوا حلال و بيحرموا حلال و بينادوا بالشذوذ .. و بكره ولادكم يطلعوا عريانين فى الشارع .. و يلطموا لو العلمانين دول الكفره مسكوا مصر حتبقى مصر نادى عراه (لعب على كرت الاخلاق فى المجتمع)
ثم اطلب من الناس اللى صدقونى انهم يرشحونى بحجه ان مصر لن تكون اسلاميه و ستنعدم فيها المبادىء و الاخلاق بدونى (لعب لهدف سياسى بحت) و فى النهايه الذكى هو اللى يصدقهم و ينتخبهم
كلام فاضى .. حد فى (الولايات المتحده الاسلاميه) حكم مصر قبل كده؟ طول عمرنا عايشين ايد واحده مسلم و مسيحى و سلفى و لبرالى و مصر اسلاميه و الشريعه مصدرنا و ما فيش مشاكل غير الفساد اللى هم كانوا بيقولوا عليه ولى امر و لا يجوز القيام عليه
امال ايه اللى بيحصل دلوقت؟ مطامع فى كرسى أو سلطان و حرب قذره و اتهامات كلها موجهه من تيارات اسلاميه محدده ما كانش لها صوت قبل الثوره لارهاب الناس و ترويعهم من مسميات جديده و اقناعهم ان المسميات دى حواليهم و لو مسكوا مصر حتكون بيت دعاره كبير ...
ما حدش يلعب فى دماغى و يقنعنى ان مصر بمحافظاتها و اقاليمها و قراها و ضواحيها الرحبه كلها (ام الدنيا) تنحصر فى فكر سلفى
و ما حدش يقول لى ان الدين الاسلامى الرحب الذى يسع الكون فى رحابته ينحصر فى فكر سلفى او اخوانى
و ما حدش يقول لى ان تسعين حزب و توجه سياسى فى مصر ينحصر فى سلف و اخوان
و الحرب الجايه من السلف على الجيش و المجلس و يستاهل لانه هو اللى سايبهم و امن الدوله سايباهم يكفروا الناس و يقصوهم و ينعزلوا عن المجتمع و يعزلوا المجتمع عنهم ويعادوا و يهاجموا و كان ما فيش على الارض غيرهم
انا واثقه ان اغلب السلف فكرهم راقى و ليسوا متشددين و لكنهم متدينين و عاقلين زى الشيخ حسان الله يباركله .. يا ريت زى ما كان له دور فى درء الفتنه يشوف له حل و يطهر السلفيه من فلولهم اللى عاملين قتنه و حرب على مصر كلها باحزابها و اديانها و اطيافها و ناسها
اتقوا الله فى مصر
و اتقى الله يا عم عندليب الدقى اللى فى الفيديو بالبدله الزرقا بتاعتك دى
مين ده؟ و مين الولايات المتحده الاسلاميه؟ فين على الخريطه ؟
و مين القناه دى؟ و احنا فين؟ هو فى ايه؟
) مشابهه للتى سمعناها فى الفيديو
