بعد زيادة عدد الفرق لـ19 فريق بقينا بكل جدارة أغرب دورى فى العالم و عدد فردى كمان , بحيث أن كل الأنديه هتلعب و نادى يريح و كل فترة نادى يريح بقى لحد الدورى مايخلص , الغريبه كمان أن السوبر مش هيتلعب بعد الدورى فى بداية الموسم الجديد دا ناويين يلعبوا الماتش بتاع السوبر بعد الدور الأول من الدورى يعنى ممكن كأس السوبر بتاع 2010 يتلعب فى موسم 2011 - 2012 , الأغرب و الأنئح بقى من كل دة أن كام فريق ناوى يهبط السنه إلى جايه ؟ 6 فرق و 3 هيصعدوا !!!؟
أنا من وجهة نظرى أن مكانش ينفع خالص الـ3 فرق إلى المفروض كانوا يهبطوا زى الأتحاد والمقاولين يفضلوا فى الدورى رغم أنهم ناويين على موسم قوى من بداية الدورى السنه دى لكن مش من حقهم أنهم يفضلوا فى الدورى لأن دة بوظ كل حاجة و مكانش ينفع طبعا الـ3 فرق إلى صاعدين يفضلوا فى المظاليم لأن كدة ظلم ليهم لكن هنعمل أية غير دورى متشقلب و نرضى بالأمر الواقع