نجوم مصرية
منتديات نجوم مصرية منتدى التسلية والترفيه منتدى الحب والرومانسية



تابع نجوم مصرية على أخبار جوجل




بتحبه وتعبت منه وهاتروح تقله

 

بصو ياجماعه اولا كل سنه وانتو طيبين انا لسه جديده في المنتدي بس والله عجبني جدا انا هقولكو مشكله بتاعه واحده صحبتي وانا مش عارفه اقولها حل هي بتحب واحد وحاسه انه بيحبها بس المشكله انهم قرايب فهو متكلمش وطبعا هي برده متكلمتش انا قلتلها ممكن يكون خايف لاتكون مش بتحبه وتحرجه من رد فعلها بس هي مقتنعتش قالتلي انا بيبان عليها في كل تصرفتها وانازعلانه عليها مش لقيلها حل خالص وهي نفسيتها تعبت طب تمل اي اي رايكو انتو مستنيه ردكو






المقال "بتحبه وتعبت منه وهاتروح تقله" نشر بواسطة: بتاريخ:
استحاله احب تانى
خليها تروح وتقوله انها بتحبه
بدل هيه حاتسه انه بيحبها
خليها تقوله
تقبلى مرورى
nada
فريده
تبدا اول حاجه تتكلم معاه وتاحد عليه
وتتعرف عليه اكتر
وبعد كده وبعد كده هو لو شاف ان هي بتهتم بيه زياده عن اللزوم
وهو اللي هيبدا معاها ويوقلها انوا بيحبها
soma2009
خليها تروح وتقوله انها بتحبه
بدل هيه حاتسه انه بيحبها
خليها تقوله
تقبلى مرورى
nada
ميرسييييييييي ياندي علي مرورك وكل سنه وانتي طيبه ياقمر هي قالتلي انها هاتروح تقله امبارح بس انا قلتلها تصبر شويه لو قالتله ومكنش بيحبها هيبقي شكلها وحش اوي وخصوصا انهم قرايب وهتتجرح اوي انا قلتلها يمكن يتلحلح شويه ويقلها حاجه
soma2009
تبدا اول حاجه تتكلم معاه وتاحد عليه
وتتعرف عليه اكتر
وبعد كده وبعد كده هو لو شاف ان هي بتهتم بيه زياده عن اللزوم
وهو اللي هيبدا معاها ويوقلها انوا بيحبها
شكرا يافيفي علي رايك اناعايزه اقولك انها باين عليها جدا من تصرفتها ده الغبي هيفهم انها بتحبه واكيد هو حاسس المشكله اللي بجد هي انه ميكنش بيحبهاطب ماهو لو بيحبها كان حتي لمحلها من بعيد
همسات مسموعه
هى تحاول توضح له بطريقه غير مباشره

وتزود اهتمامها بيه

وهو اكيد لو بيحبها هيحس بيها
ساره كول
لو هيه قريبه منك اوي حاولي تنصحيها وتخليها متتكلمش وفهميها ان جمال البنت في خجلها وحياءها
أميرة الورد
طبعا معزومة بس ادعيلنا ربنا يسهلها من عندو بقى ويسر الامور وتكمل كل حاجة

يابنتي المواقف الي زي دي هو بيبقى خايف يعترف لها غير لما يتاكد من حبها ليه وهي نفس الشيء
الاتنين بيكونو خايفين بس زي ما تقولو اقطعو عرق وسيحو دمو

ياما سبع ياما ضبع سوري للافظ وان شاء الله سبع اكيد

تتوكل على الله وتصلي صلاة قضاء الحاجة وان شاء الله خير
soma2009
لو هيه قريبه منك اوي حاولي تنصحيها وتخليها متتكلمش وفهميها ان جمال البنت في خجلها وحياءها
والله ياساره اناقلتلها الكلاااااااااام ده ميه مره وهي بتتكسف اصلا لوحديها عارفه لو رحت وقلتلها قوليله خلاص هتقولي مقدرش اقوله كده
شكررررررررررررررررا لمرورك وربنا يهدي
أميرة الورد
هههههههههههههههههههههههه

مشكلة صحبتك فكرتني بنفسي

بصي تكلمو الاول وبعدها تعترفلو انها بتحبو بس ايه مش تظهرلو انها مدلوقة عليه وهتموت عليه وكدة

لحد ما تعرف هو شعورو ناحيتها ايه

ولا اقولك طريقة احلى تبعتلو رسالة على الفون الو معاها الفون طبعا وهتبقى اسهل عليها كدة
وابقي طمنينا عملت ايه؟
soma2009
هههههههههههههههههههههههه

مشكلة صحبتك فكرتني بنفسي

بصي تكلمو الاول وبعدها تعترفلو انها بتحبو بس ايه مش تظهرلو انها مدلوقة عليه وهتموت عليه وكدة

لحد ما تعرف هو شعورو ناحيتها ايه

ولا اقولك طريقة احلى تبعتلو رسالة على الفون الو معاها الفون طبعا وهتبقى اسهل عليها كدة
وابقي طمنينا عملت ايه؟
ماشيييييييي ياقمر هقولها فكرتك بس ادعيلها انتي يكون بيحبها
أميرة الورد
هي لو حسة بحبو دة فالوحدة مننا بتحس بالي بيحبها بجد وصدقني لو حساه فعلا هيطلع بجد وانا بقولك عن تجربة

وربنا وربنا وربناااااااا يوفقها ويطلع بيحبها يارب وينتهي عذابها دة عن قريب وقبل ما رمضان يخلص لاني بتفائل بالشهر الكريم

لاني كنت زيها وربنا وفقنا في شهر رمضان من 3 سنيني وقريب هنعزمكم على فرحنا :d
soma2009
هي لو حسة بحبو دة فالوحدة مننا بتحس بالي بيحبها بجد وصدقني لو حساه فعلا هيطلع بجد وانا بقولك عن تجربة

وربنا وربنا وربناااااااا يوفقها ويطلع بيحبها يارب وينتهي عذابها دة عن قريب وقبل ما رمضان يخلص لاني بتفائل بالشهر الكريم

لاني كنت زيها وربنا وفقنا في شهر رمضان من 3 سنيني وقريب هنعزمكم على فرحنا :d
طب مبرووووووووووووك مقدما طبعا انامعزمه من غير كلام خالص بس انامنغاظه جدا منه طب لييييييييه مقلهاش اي حاجه طب حتي يلمحلها المفروض هو اللي بيبدا مش هي وبعدين باين عليها وبرده مش راضي يتلحلح ويقولها حاجه اناخايفه يكون مش بيحبها هتتجرح وتزعل اويييييييي بس برده هي احساسها دايما بيطلع صح فياااااارب المره دي يطلع صح
أميرة الورد
اللهم امين

ايه اخبارها
قالها ولا قالتلو؟؟؟؟؟
soma2009
اسكتي دي هتتشل اليوم اللي شافته قالها عايز اقولك علي حاجه طبعا هي كان قلبها هيقف وقالت انه اكيد هيقولها وفرحت جدا وهبا ابوه اتصل بيه وقاله انه عايزه ضروري طبعا مقلهاش حاجه قالها بعدين وهي كانت هتقوم تموت ابوه ومشفتوش بعديها غير امبارح سلم عليها عشان كان مسافر
شوفتي الفقر دي هتموت من الغيظ
حب بلا جراح
والله عندي واحدة صاحبتي اتعرضت لنفس الموقف ده
لما اعترفت ندمت بالغرم ان هو لسة بيحبها بس هيا حسة انها ضحت بحياءها
خليها تحبه بس تسيب النصيب على ربنا
وتفهمه بطريقة غير مباشرة سواء كان بالاغاني او او


تقبلي مروري

وربنا يهديلها الحال يا رب
soma2009
ميرسييييييييييييييييييييي ياجميل علي ردك والله عندك حق بس ليه ندمت مش طلع بيحبها وخلاص
حب بلا جراح
مش عارفة بس بتقول انها حست انها ضحت بحيائها
وبتقول ان هو شاب عادي يعني هيلاقي غيرها كتيروهينساها
مش عارفة ربنا يهديها ويهدينا جمييييييييييييييعا
soma2009
وعايزه اقولكم في الاخر يابنانيت كل حاجه نصيب وفي الاخر محدش هياخد اكتر من نصيبه صح ولا ايييييييييييييييييييييييي
أميرة الورد
بصي يا حب بلا جراح المشكلة في صحبتك مش في الشاب دة هي لما اعترفت ولقيتو بيحبها

خلاص ملت وكدة فمعادتش القصة مشوقاها يعني بتعشق وبتمل بسرعة ودة غلط

اما انتي يا سوما قولي لصحبتك لو معاها فونو بعد السفر تبعتلو رسالة وتريح بالها وتشوف ردو ايه؟
Cardiologie
روحولة واسئلوه ....

لازم تقولة ...

مشكورة على التوبيك ...

تقبلى تحياتى ....
soma2009
ميرسييييييييييييييييييي لمرورك
يرجع هو بس من السفر ونقله ونخلص
izahw
تقول لواحدة قريبتهم تلمحلة بس تكون التانية دى واخدة علية قوى وانشاء اللة الموضوع هيخلص على خير عارفين لية لان الحب عمرة ما بيستخبى سدقونى من النظرة الواحدة بس ممكن كل شئ يوضح بس مش أى نظرة ياة لازم عشان تبصوها تحسوها وتخرج من القلب للعين على طول علشان الاحساس يتملك الشخص ويطغى على كيان فالجسم كلة يتصرف بطريقة واحدة وسهم الحب يطلع من القلب للقلب على طول






يا عمرى يانا
reallove87
تروح وتقول له طبعا بس تكوت متأكده إنه بيحبها...

تقبلي مروري...
soma2009
ماهي عايزه تعرف وتتاكد
طبعا اتقبل واتقبل واتقبل
ميرسيييييييييي لردك
سعودي يحب المصريات
خليها تقول له وتصارحه بحبها





تحياتي
soma2009
ميرسي لمرورك الجمييييييييييييل
سلمى*
بجد انا من رايى انها ماكانتش تقولو لانى فعلا حطيت نفسى مكانها وكنت حاسة انها هتندم يلا معلش ربنا رايد انك تقوليلوا ماتفكريش فى الموضوع ده وماتزعليش
بس انا المقولة اللى بعترف بيها وبصدقها بجد.....
( اذا اردت شيئا بشدة فاطلق صراحه فان عاد اليك فهو ملك لك الى الابد وان لم يعد فانه ليس لك من البداية) وهو لو بيحبها فعلا هيحس من غير ماهى تقول وربنا يعملها اللى فيه الخير ويريح قلوبنا كلنا
روميوأبوالعز
معقولة ف بنات بتحب زي الولاد من بعيد لبعيد طب فين ده أنا مشكلتي أن مش لاقي واحدة تحبني بس أشوفها عايز عروسة ياخواتي هاهاهاها بس ف فنانة قديمة قالت هاحبك عشان فلوسك مش عشان حسنك وجمالك ولا قلبك ولا أخلاقك ده كانت بتكلم عن البنت بصفة عامة أنا شايف ان البنت ماتحبش غير سوري ف اللفظ اللي يكرفها هاهاهاهاي
hamedahmed
تستنى فى البيت لما ربنا يكرمها بعريس



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اختبار عن خفة الدم او تقله

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية