بعد الزيارة المفاجئة و الذي قام بها المشير محسين طنطاوي القائد الاعلي للقوات المسلحة الي ميدان التحرير بدون الزي العسكري و قام بجولة بالزي المدني, حث نشطاء فسيبوك و تويتر علي اختراع نكات لهذة المناسبة .
هوا المشير لما ينزل بلبس مدنى يبقى هوا مش ناوى يمشى؟ طب لو نزل ببرمودا يبقى ايه؟ ناوى يعمل فورمة الساحل للبلد؟
احنا اسفين يا بدلة ولا البدلة اللى كان لبسها المشير ولا كلنا بدلة المشير؟؟
من بلوفر شفيق لبدلة المشير يا ترِنجي لا تحزن
واحد لبس بدلة والتانى لبس بلوفر وأحنا لبسنا فى الحيط
احنا كنا نقصد "مدنية" الدولة .. مش "مدنية" البدلة .. الله يخربيت الحول
يا جماعة سبب نزول المشير وسط البلد هوه
-
عمرو دياب ... علشان قال (بناديك تعالى)
فالمشير راح يشوفه عايز ايه !!
سامي عنان لطنطاوي: يا باشا الحركة دي اتهرست مع 3 رؤساء قبلك .. طنطاوي: عشان
كده استحاله الشعب يصدق اني هعملها معاه زي اللي قبلي..
ابو نسمة يتقدم ببلاغ للنائب العام عن فقدان عدد 1 بدلة من محله