نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




عاجل : مقتل فرد من الشرطة برصاص حى وسرقة 650 الف جنيه

 

ردا على من يدعون ان الشرطة بدات النزول الى الشوارع مرة اخرى هذا الخبر بعنوان مقتل فرد من الشرطة برصاص حى وسرقة 650 الف جنيه حيث قام مجموعة من الخارجين على القانون اليوم الاثنين 26/9/2011 باطلاق النار على سيارة كانت تنقل مرتبات شركة مصر للزيوت والصابون بالمنصورة وذلك فى منطقة سندوب حيث كان يقوم بحراسة السيارة فرد من افراد الشرطة وكان بحوزة الصراف مبلغ 650 الف جنيه وهى مرتبات العاملين بالمصنع ليقتل فرد من الشرطة برصاص حى وسرقة 650 الف جنيه.
يقول شاهد عيان من ارض الحادث ان سيارة جيب قامت باعتراض السيارة الحاملة للمال من الامام واخرى قامت باعتراضها من الخلف عند دوران بمدينة سندوب وقامو بتهديد فرد الشرطة والصراف والسائق ولكن فرد الامن " عم سعد الله " قام برفض تسليمهم المال حينها قام احد المعتدين الذى كان يحمل اليا باطلاق النار على عم سعد الله لييسقط على الارض وياخد المعتدين الشنطة التى تحمل المال ويتمكنو من الهروب ومقتل فرد من الشرطة برصاص حى وسرقة 650 الف جنيه.
كما ذكر الشاهد ان المعتدين كانو جميعا ملثمين ليصعب التعرف على هويتهم.
على الفور تم نقل عم سعد الله الى مستشفى الطوارئ جامعة المنصورة لسرعة انقاذه فى المستشفى وعند وصوله الى غرفة الافاقة كان قد توقف القلب عن العمل وفى لحظات بدا بالعمل مرة اخرى ولكن سرعان ما قام الاطباء بنقل الحالة الى غرفة العمليات بعمليات الدور الاول وجرى اجراء عملية جراجية لعم سعد الله لمدة اكثر من 4 ساعات ونصف ولكن القلب توقف اكثر من مرة فى العمليات لينقل عم سعد الله الى العناية المركزة ليتوفاه الله فى العناية المركزة ليموت شهيدا مدافعا عن عمله واداء واجبه.
تابع نجوم مصرية على أخبار جوجل


كان تقرير الطبيب رامى المسئول عن الحالة بان عم سعد الله تم اصابته برصاصة فى اعلى الصدر من ناحية اليمين لتخرج الرصاصة من الخلف من الناحية اليسرى فتخترق الرئتين بالكامل.
على الفور بعد الحادث بدقائق قليلة قامت الشرطة بغلق جميع المخارج لمدينة المنصورة وتشديد الامن عليها لمحاولة القبض على الجناة ولكن بدون جدوى حتى الان.
قامت اهالى قرية كفر ديرب التابعة لمركز اجا بتشييع جنازة الشهيد عم سعد الله الى مثواه الاخير وسط حشد كبير من محبى عم سعد الله ووسط حشد من زملائه فى العمل ورؤسائه ايضا حيث حضر السيد مامور مركز اجا والسيد نائب مدير امن الدقهلية بعد ان صلو عليه صلاة الجنازة فى مسجد الاحمدى التابع لقرية كفر ديرب مركز اجا الدقهلية.
كان ذلك فى تمام الساعة العاشرة والربع من مساء اليوم الاثنين 26/9/2011.
لقد قصدت ذكر هذا الخبر بهذه الطريقة لانى كنت من محبى هذا الرجل الطيب الخلوق الذى كان على وشك الخروج من الشرطة للمعاش بعد مدة تعمل يشهد له كل من تعامل معه فيها بالاخلاص فى العمل والطيبة والتواضع.
رحم الله عم سعد الله واسكنه فسيح جناته.
ارجو من كل من يقرا هذا الخبر الدعاء لعم سعد الله بالرحمة والمغفرة.






المقال "عاجل : مقتل فرد من الشرطة برصاص حى وسرقة 650 الف جنيه" نشر بواسطة: بتاريخ:
الريس 2011
ليه الشرطة متنزلش وتامن الشوارع والكمائن والمصالح زى ما بنشوف فى بلاد تانية كتير بدل ما هما هم على القلب فى المكاتب وفى المديرية مبيعملوش حاجة

اللى بيقولك الشرطة نزلت تانى وهيفرضو السيطرة كمين المنصورة من ناحية اجا اهم كمين من ناحية القليوبية والقاهرة ومدخل المنصورة الوحيد من الناحية دى من بعد الثورة عمرى ما شفت واحد واقف بيقول لواحد انت رايح فين حتى لو مكتوب على العربية ملاكى اسرائيل قاعدين فى الخن بتاعهم ولا معبرين بيقضو الساعتين بتوعهم وخلاص وبيستنو الساعة تيجى سبعة علشان يروحو
مع العلم انهم قبل الثورة سامحونى فى اللفظ بيشحتو من السواقين وعمالين اللى رايح واللى جاى يرخمو عليه بسبب او بدون سبب وبقلة ادب مش باحترام كمان ويلمو ييجى قد كام جنيه كل يوم
هما فين اليومين دول
طيب المرتبات اتظبطت وهما اللى الثورة كانت معمولة علشانهم هما والحكومة وايه هما اول ناس زادو فى المرتبات فين الشغل بقه
ولا شاطرين بس يقولولك احنا عايزين حافز اثابة كمان زى الناس اللى خدت الحافز
يلا ربنا يسترها على مصر فى الايام الجاية
اللى بيقولك الدنيا بقت امان ييجى يوم واحد بس من الايام اللى مستشفى الطوارئ بتستقبل فيها ويشوف مدى كمية الحوادث اللى شكلة بساطور واللى بسيف واللى بمسدس واللى بآلى من كل ما طاب ولذ
كمية الحوادث بقت لا تطاق من بعد الثورة
بجد لازم الناس تفوق والناس دى تنزل تشوف شغلها علشان ترجع للبلد هيبتها تانى وامنها وامانها اللى كنا عايشين فيه
طالبنا بالمساواة والحرية وراح مننا الامان اللى هو اهم من اللى طالبنا بيه.
%u0632%u0627%u0626%u0631
ربنا على الظالم والمفترى ربنا يحميكى يا مصر
جدة مصرية
رحمه الله و أسكنه فسيح جناته

شكرررررررررررررااااااااااااا الريس
مجده
الله يرحمه ويبدل قبره بروضه من الجنه آمين يا رب العالمين والحقنا به علي الايمان الله يرحم امواتنا واموات امة محمد صلي الله عليه وسلم
%u0632%u0627%u0626%u0631
رحمه الله واسكنه فسيح جناته
ربنا على كل ظالم
شكرا على الخبر
الريس 2011
امين يارب العالمين ويدخله فسيح جناته
طايشه بس عايشه
ربنا يرحمه يارب ويحفظ مصر واهل مصر من كل سوء
الريس 2011
اللهم اغفر له وارحمه
وارزق اهله الصبر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
مقتل شاب مصري برصاص الشرطة بالشيخ زويد في يوم الغضب الثالث

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية