الدنيا زى المرجيحه يوم تحت وفوق
فى خلق عايشه ومرتاحه وفيها ناس مش فوق
وانا ماشى بتمرجح فيها من تحت لفــــــــوق
الدنيا لما بتدينى بنفرح ونقول
السعد جانا وياريته يفضل على طول
ولو اخدت منا بنتاثر والفكر يطول
والله بتمرجح فيه من تحت لفـــوف
الدنيا سيما بطبيعتها كلها افلام
بنمثل فيها وبنخرج كمان
لو عجبك دورك بتكمل وتقول ياسلام
ولو خانك حظك تتمنى لو روحك فوق
وانا لسه بتمرجح فيها من تحت لفوق
الدنيا مش عند وعافيه ولا عز ومال
دى الدنيا عايزه قلوب صافيه مش قولنا وقال
الى عداها وقال جافيه تحدفه من فوق
لوكنت عاوز تكسبها عيش فيها بالذوق
داانا لسه ماشى وبتمرجح من تحت لفوق
الدنيا زى المرجيحه يوم تحت وفوق
فى خلق عايشه ومرتاحه وفيها ناس مش فوق
وانا ماشى بتمرجح فيها من تحت لفــــــــوق
