تعالوا نشوف زى ايه
- باشا .. خروج براحتك .. تأخير براحتك .. في البيت تزعق براحتك .. عايش بلطجي كدة.
2- واكل شارب نايم من غير ما تعمل حاجة .. زي ما تكون وريث العرش.
3- بتتعلم من الحياة أكتر بكتير من البنت بحكم احتكاكك الأكتر بالشارع و الناس.
4- عقلك بيستمر في النضج لمراحل بعد ما يكون عقل البنت نضج خلاص وعقلت .. فماتضايقش إذا حسيت في مرحلة من مراحل عمرك إنك غبي أو أهبل بالنسبة للبنت اللي في نفس سنّك .. اصبر .. هييجي الوقت اللي هتبقى فيه عاقل و زي الفل
5- الشرع مخلي نصيبك في الميراث ضعف نصيب البنت .. بس ما تقلقش .. بنت تانية (مراتك) هتاخد ده!
6- المجتمع مش بيحاسبك على أخطاءك .. باعتبارها حق مكتسب ليك كراجل!
7- دماغك في العلالي .. ممكن الدنيا تتشال و تتهبد حواليك و انت مفيش أي مشاكل خالص .. المشاكل و الفسافس اللي في الدنيا دي آخرها أكلة محترمة و تروح تنام و كل حاجة تهون.
8- ممكن تذاكر الربع ساعة اللي بين شوطين ماتش .. و لا فترة الإعلان اللي في وسط الفيلم .. و تنجح برضه .. لا و كمان ممكن تجيب مجموع .. يعني تروح تلعب كام ماتش كورة و تيجي البيت تاخد دش و تاكل و تفتح الكتاب (أو ما تفتحوش حتى) و تروح الامتحان تكتب وجهة نظرك و بتنجح .. و لحد دلوقتي محدش عارف ده بيحصل إزاي .. يمكن الحاسة السابعة!
9- مش شاغل نفسك طول النهار و بتدوّر على حقوقك (زي ما المرأة بتدور على حقوقها) .. انت راجل عاقل .. و ما بتشغلش نفسك بمنافسة الستات في الشغل عشان عارف حدود امكانياتك! .. و ما بتشغلش نفسك فلان عمل و فلان سوّى .. ما دام أكلت و شبعت و مليت بطنك هتعوز إيه تاني من الدنيا.........