نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




القبض على خنوفة "أمبراطور البلطجه فى القاهره" أكبر و أخطر بلطجى فى العاصمه و تقرير بالفيديو

 

تمكنت أخيرا قوات الشرطة التى كانت تخاف فى بعض الأحيان من القبض على هؤلاء الأشخاص المسلحين أو المجرمين بصورة كبيرة و الذين يكتسبون شعبيه كبيرة فى مناطقهم السكنيه خوفا من التعدى عليهم أثناء القبض عليه , بعد فرار المتهم فى أحداث يناير عندما فتحت الشرطة السجون لتهريب السجناء لأحداث الفوضى قمن المعروف أن المتهم رأفت عبد الشكور حسن و الشهير بخنوفه متهرب من 12 قضية متنوعة و هارب من سجن وادى النطرون و قطع طريق صلاح سالم و تعدى على قسم شرطة مصر القديمه و أشعال نيران فى سيارات للشرطة وأطلاق أعيره ناريه أدت إلى وفاة شخص , تم القبض على خنوفة فى مكان أقامته فى عزبة أبو قرن وسط ذهول المواطنين سقط الأمبراطور فى أيدى الشرطة , و أكدت الشرطة أنها سعيده للقبض عليه لكى يعيش المواطنين الشرفاء بأمان
تابع نجوم مصرية على أخبار جوجل



فيديو للتقرير عن قبض خنوفة








المقال "القبض على خنوفة "أمبراطور البلطجه فى القاهره" أكبر و أخطر بلطجى فى العاصمه و تقرير بالفيديو" نشر بواسطة: بتاريخ:
جدة مصرية
الف شكر لجهات الشرطة للتصدى للمجرمين

كان من المفروض اعدام فورى من البداية

شكرا مانو
عبد الرحمن 2011

ربنا يهدي والشرطه تعرف شغلها الحقيقي اللي بتقبض عليه اخر الشهر مرتب وهتتحاسب عليه يوم القيامه
القبض على الصوص والمخالفين والساعين في الارض فساد . مش التعالي على الشعب والفاظ قبيحه يستحي ابليس ان ينطق بها . وتلفيق التهم للشرفاء واستكمال محاضر .

tarek abdallah
عندما فتحت الشرطة السجون لتهريب السجناء لأحداث الفوضى..............حضرتك مين اللى قالك الكلام ده؟؟؟ ركز فيما تقوله.
%u0632%u0627%u0626%u0631
يارب يتمكنو من القبض على كل البلطجية اللى ملو الشوارع واللى اجرامهم اكتر من خنوفة
على فكرة البلطجية دول هما اللى فتحو السجون مش الشرطة وانا شفتهم بنفسى فى اكتر من سجن
tarek abdallah
الداخلية برضه هى اللى قتلت الضباط فى الاقسام وهى بتهرب المساجين؟؟؟والداخلية هى اللى قتلت اللواء والرائد واصابة 8 ضباط فى السجون وهى بتهرب المساجين؟؟؟؟؟ والداخلية هى اللى هربت جماعة حماس عشان يحدثو فوضى فى فلسطين؟؟؟؟ والداخلية هى اللى هربت جماعة حزب الله عشان يحدثو فوضى فى لبنان؟؟؟؟ ياريت تفكر فى اللى بتقوله هى مش كلام وخلاص....شكرآ
يحيى بهجت
الأخ طارق عبدالله - ياريت تسال مين قتل اللواء البطران فى سجن القطه
وما تزعلش قوى على الداخلية أن مع كل المصررين إن معظمهم شرفاء ومحترمين - لكن للاسف الصوت الأعلى لكلاب الداخليهوهم برضه مش نسبة بسيطة
saqreljazira
تعظيم سلام لكل رجال الشرطة الشرفاء
الذين يحرصون على أداء رسالتهم الشرطية
فى التصدى بيد من حديد لكل الخارجين عن القانون
والعمل على اقرار الامن والامان لكل الشرفاء من ابناء مصرنا الحبيبة
Mano Crazy
الف شكر لجهات الشرطة للتصدى للمجرمين

كان من المفروض اعدام فورى من البداية

شكرا مانو
ميرسى يا جدة و بالتأكيد الشرطة فيها ناس محترمة جدا هيا دى إلى هتحافظ على أمن مصر داخليا و إن شاء الله ربنا يقويهم فى الحق دايما و محدش يستغل سلطتة إلا و يلاقى حد من الشرفاء يظبطة


ربنا يهدي والشرطه تعرف شغلها الحقيقي اللي بتقبض عليه اخر الشهر مرتب وهتتحاسب عليه يوم القيامه
القبض على الصوص والمخالفين والساعين في الارض فساد . مش التعالي على الشعب والفاظ قبيحه يستحي ابليس ان ينطق بها . وتلفيق التهم للشرفاء واستكمال محاضر .

إن شاء الله و على فكرة الشريف فى الشرطة هيعمل أكتر من الأول حرصا على أمن البلد و أكيد هيفضح أى واحد بيستغل سلطتة و مبروك للشرطة للقبض على المتهم طبعا لازم نباركلهم


عندما فتحت الشرطة السجون لتهريب السجناء لأحداث الفوضى..............حضرتك مين اللى قالك الكلام ده؟؟؟ ركز فيما تقوله.
جايالك فى الكلام أنت أستنى يا طارق ههههههههههههههههه
لازم تقوم حرب مابينا كدة عشان ترتاح أنت



يارب يتمكنو من القبض على كل البلطجية اللى ملو الشوارع واللى اجرامهم اكتر من خنوفة
على فكرة البلطجية دول هما اللى فتحو السجون مش الشرطة وانا شفتهم بنفسى فى اكتر من سجن
أنا هوريك الدليل والله عشان حضرتك تصدق و على فكرة مش معقول السجناء يعملوا كدة فى وقت واحد و على فكرة لو يقدروا يفتحوا السجون مكانتش تتفتح فى نفس الوقت و بالسهوله دى و إلا كانوا عملوها كل يوم بقى


الداخلية برضه هى اللى قتلت الضباط فى الاقسام وهى بتهرب المساجين؟؟؟والداخلية هى اللى قتلت اللواء والرائد واصابة 8 ضباط فى السجون وهى بتهرب المساجين؟؟؟؟؟ والداخلية هى اللى هربت جماعة حماس عشان يحدثو فوضى فى فلسطين؟؟؟؟ والداخلية هى اللى هربت جماعة حزب الله عشان يحدثو فوضى فى لبنان؟؟؟؟ ياريت تفكر فى اللى بتقوله هى مش كلام وخلاص....شكرآ
لأ ظباط زمايلهم وأنت الصادق , اللوا البطران إلى حضرتك بتتكلم عنه دا مضروب طلقة مينفعش تكون من مسجون خالص و دا إلى شهد بيه واحد قريبه و قال أن ظابط قتله أكيد لأنه كان بيكلم المساجين و الطلقة جت فى صدرة و ضهره يبقى أزاى واحد بيكلم مساجين مديهم وشه و يتضرب من ضهره و بعد كدة من صدره !؟ و أية علاقة حماس و حزب الله فى فلسطين و لبنان بمصر !!!؟ يا طارق بطل الأصرار على كلام فيه أدله تقدر تنفيه تماما


الأخ طارق عبدالله - ياريت تسال مين قتل اللواء البطران فى سجن القطه
وما تزعلش قوى على الداخلية أن مع كل المصررين إن معظمهم شرفاء ومحترمين - لكن للاسف الصوت الأعلى لكلاب الداخليهوهم برضه مش نسبة بسيطة
و دا إلى أنا بقولة , و أنا هثبتله فى الرد إلى جاى الكلام دة بالفيديو و بالأدله
يا ريت هوا بس يتفرج على الفيديوهات دى و يشوف مين إلى كان بيهربهم ويروح برضة يسئل على مين إلى قتل الشهيد اللواء البطران


تعظيم سلام لكل رجال الشرطة الشرفاء
الذين يحرصون على أداء رسالتهم الشرطية
فى التصدى بيد من حديد لكل الخارجين عن القانون
والعمل على اقرار الامن والامان لكل الشرفاء من ابناء مصرنا الحبيبة
طبعا حقهم لأن دول فيه منهم أكيد شهدا لكن يا ريت الشرفاء منهم يكشفوا عن مستغلطين السلطات و مبروك للشرطة على قبضهم للمتهم
Mano Crazy




خدوا عندكم عشان محدش يتكلم تانى فى موضوع مين إلى فتح و مين إلى قتل
و دا طبعا إلى أتصور مابالكم إلى متصورش كان عامل أزاى ؟


أولا أدام سجن فى يوم 28 ولاحظ هتلاقى الدنيا مولعة
جنود الأمن المركزى واقفين و المساجين بتطلع أدامهم بالعكس دول بيحموا المساجين و هما خارجين و فيه ظابط تخين لابس مدنى و بيقولهم أمشوا و كأنه فرحان فرحة السنين و دا عشان ينتقم من الشعب إلى عامل المظاهره دا غير التهانى و التبارك و مبروك و ألف مبروك






و دى دمنهور




و دى لحظة أعتراف مسجون للجيش مين إلى هربه بالظبط يتهئ لى مفيش مسجون هيكدب عشان فى اللحظة دى ممكن طلقة واحدة تجيب أجله و يموت


Mano Crazy
و على فكرة أنا زى مانتقدت الشرطة و قولت أن فيه منهم حاولوا الأنتقام من الشعب بالكامل
زى ماقولت أن فيه قله منهم شرفاء الأمل أكيد فيهم و هما إلى هيحافظوا على الأمن و قولنالهم مبروك و الكلام دة كله لكن نسبه كبيرة منهم تستحق القتل و نسبه قليلة جدا من الناس التانيين ناس محترمة و عايزة تتقدر و أكيد كرامة المصريين أهم حاجة بعد الثورة و بما ان الشرطة من المصريين يبقى برضة لازم يبقى ليهم كرامة , و الحق ميزعلش خالص دا بالعكس لازم نفوق بقى و نقول على الأخطاء الموجود كمجرد أنتقاد بناء
tarek abdallah
و على فكرة أنا زى مانتقدت الشرطة و قولت أن فيه منهم حاولوا الأنتقام من الشعب بالكامل
زى ماقولت أن فيه قله منهم شرفاء الأمل أكيد فيهم و هما إلى هيحافظوا على الأمن و قولنالهم مبروك و الكلام دة كله لكن نسبه كبيرة منهم تستحق القتل و نسبه قليلة جدا من الناس التانيين ناس محترمة و عايزة تتقدر و أكيد كرامة المصريين أهم حاجة بعد الثورة و بما ان الشرطة من المصريين يبقى برضة لازم يبقى ليهم كرامة , و الحق ميزعلش خالص دا بالعكس لازم نفوق بقى و نقول على الأخطاء الموجود كمجرد أنتقاد بناء
مين حضرتك عشان تقول نسبةكبيرة من الضباط تستحق القتل..؟؟؟؟؟؟؟؟ أظن كده لا داعى للنقاش معاك.
tarek abdallah
في سجن أبوزعبل.. والذي شهد أكثر المواجهات اشتعالاً وأكثرها تخطيطاً أيضاً.. قامت مجموعة من البدو ومعهم سيارات نقل محملة بالأسلحة والرشاشات ومعهم أيضاً بعض العناصر الخارجية وتشير الروايات إلي أن هؤلاء البدو استعانوا عند مواجهة السجن باثنين من اللوادر الكبيرة لتكسير وتحطيم بوابة السجن الخارجية وكذا إحداث فتحة كبيرة في السور الخلفي للسجن لتهريب المسجونين وبدأت عملية الاقتحام بطلقات نارية لم تتوقف حتي تحولت المنطقة كما يقول شهود العيان وبعض الأهالي الذين يقطنون بالقرب من السجن إلي ما يشبه ساحة الحرب بسبب كميات الرصاص الكثيفة التي أطلقها المهاجمون والبدو علي حراسة السجن التي تصدت في البداية لهم لكن بعد نصف ساعة اكتشف طاقم الحراسة أن الجناة لديهم كل الامكانات وبالفعل بدأ اختراق السجن تحت ستار الأسلحة الآلية إلي أن حدث ما يشبه الهرج والمرج ونجح الجناة في دخول السجن إحداث فتحة في السور الخلفي وبدأت عمليات اخراج المساجين من هذه الفتحات وكانت في انتظارهم سيارات نقل لحملهم خارج السجن وكان كل شئ منظما ومرتبا وشهدت هذه المعارك الدامية العديد من القتلي سواء من المساجين أو من الجناة والشرطة التي حاولت التصدي لكنها عندما فشلت استسلمت للوضع القائم بل وفر بعض أفرادها للنجاة بحياتهم من هذه المجزرة البشعة.
المثير في قضية اقتحام سجن أبوزعبل هي تهريب عناصر حماس والتي كانت موجودة داخل السجن في عدة قضايا في ذات اليوم ليفاجئ الشعب المصري كله في نفس يوم الاقتحام لسجن أبوزعبل بأحد المسجونين يظهر علي شاشات الفضائيات وسط أهله وفي داخل منزله يروي تفاصيل عملية الهروب البطولية ويحكي قصة الاقتحام.. ويؤكد نجاح عملية الهروب ويشير إلي أن بعض زملائه الهاربين من عناصر حماس قد سقطوا في قبضة بعض الأكمنة أثناء هروبهم في الطريق من أبوزعبل إلي قلب غزة وهو الأمر الذي يفتح العديد من التساؤلات لعل أهمها وأخطرها علي الاطلاق كيف دخل هؤلاء للبلاد من سيناء واصطحبوا معهم البدو.. ثم هربوا المساجين وفروا بهم خارج البلاد في نفس اليوم وهو أمر غاية في الخطورة.
المخدرات.. والبدو.. وعناصر خارجية
الغريب أن كل الأطراف.. تلاقت مصالحها في عملية السطو المسلح وتهريب المساجين بسجن أبوزعبل.. حيث جاء البدو لتهريب عدد كبير من المحكوم عليهم في قضايا مخدرات من ذويهم وهؤلاء صدرت ضدهم أحكام كثيرة ومعهم العناصر الخارجية التي ربما تكون قد مولت هذه العملية لتهريب عناصرها أيضاً.. وتلاقت إرادة الطرفين مع إرادة تجار المخدرات خاصة تجار منطقة المثلث الذهبي في القليوبية والشرقية وهؤلاء قرروا السطو علي السجن في نفس التوقيت ومعهم الأسلحة والرشاشات والسيارات والمعدات اللازمة وهؤلاء جميعاً قاموا بعملية الهجوم المسلح علي سجن أبوزعبل.
نفس السناريو وإن كان بشكل مختلف فقد حدث في سجن المرج الذي يقع داخل نطاق القليوبية علي الحدود قرب القلج حيث تمت عملية الهجوم من قبل الجناة تحت ساتر من النيران بشكل رهيب وسمع الجميع طلقات الرصاص وأصواتها التي دوت في أرجاء المنطقة وأصابت الجميع بالرعب وبعد تبادل اطلاق النيران نجح الجناة في دخول السجن وتهريب بعض المساجين لكن هذه المرة لم يستخدموا اللودر وفي الخارج كانت هناك أيضا سيارات نقل في انتظارهم وسط هذا الهرج والمرج داخل السجن هرب مجموعة أخري من المساجين لا علاقة لهم بالأحداث ولم يأت أحد لاخراجهم لكنهم وجدوا المناخ الكامل للهروب وهي فرصة من وجهة نظرهم ربما لا تتكرر فقرروا الهروب وسط من تم تهريبهم بمعرفة تجار المخدرات وأرباب السوابق والمسجلين الذين تم الاستعانة بهم في هذه العملية.. الطريف أن سجن المرج يقع بداخله مزرعة علي مساحة نحو 30 فداناً ولم تسلم هي الأخري من السلب والنهب من قبل الجناة الذين سرقوا بعض المواشي والمنتجات من داخل السجن.
أما في سجن القناطر الخيرية فربما لم يكن الهجوم عليه من قبل عناصر خارجية أو حتي بالاشتراك مع العناصر الخارجية وإنما كان الهجوم بحتاً من قبل تجار المخدرات الذين أرادوا تهريب بعض العناصر الاجرامية والمحكوم عليهم بالسجن لسنوات طويلة وشهدت هذه المواجهات الدامية استشهاد اثنين من اللواءات من قادة الحرس داخل السجن وثلاثة من المجندين وبعض الجناة والمساجين.. وحتي الآن لا يوجد أي حصر دقيق للقتلي سواء في سجن أبوزعبل أو في سجن القناطر وان كان شهود العيان قد أشاروا إلي تناثر جثث القتلي في شوارع أبوزعبل المحيطة بالسجن لكن هذا المنظر لم يكن موجوداً في القناطر برغم سخونة المواجهات ويبدو أن هؤلاء استغلوا حالة الفراغ الأمني وسماعهم عن نجاح عملية الهجوم علي سجن أبوزعبل والمرج وكذا سجن وادي النطرون.
حاول مجموعة من البلطجية والخارجين علي القانون تنفيذ نفس السيناريو في سجن بنها العمومي عقب أحداث السجون الأخري وحاصر مجموعة منهم السجن وحاولوا اقتحامه لكن كان ذلك بعد أيام من الأحداث وهو الأمر الذي تصدي له العديد من الأهالي وكذا حراسة السجن واللجان الشعبية التي تم تشكيلها وتكررت المحاولة أكثر من مرة لكنها باءت بالفشل ولم يتم السطو أو تهريب أي من المساجين بسجن بنها العمومي وربما كانت الاشكالية داخل العاصمة بنها.. وهي منطقة مأهولة بالسكان لذلك هب الجميع ومعهم أجهزة الأمن التي كانت متواجدة لنجدة السجن لتفشل محاولة الاقتحام وربما يكون سجن بنها العمومي هو الوحيد الذي لم تحدث به أي عملية تهريب.
tarek abdallah

tarek abdallah

tarek abdallah

tarek abdallah

tarek abdallah

tarek abdallah

ام بوسى
شكرا لشرفاء الشرطة واتمنى ان يتم القبض على جميع الخارجين عن القانون
Mano Crazy
يا طارق أنت مجبتش حاجة تفيد غير أن مفيد فوزى إلى كان بيتكلم مع حبيب العادلى بمناسبه عيد الشرطة و مفيد فوزى دة معروف هوا أية بالظبط و مش عايزين نتكلم فى الموضوع دة و بالنسبه للمقال ربنا يخلى الحزب الوثنى

بالنسبه لحرق الأقسام فيه أقسام أتحرقت بمعرفة الشرطة و أقسام تانيه كان غصب عنهم و من الناس إلى مغلولة منهم , و معاك أن فيه ظباط شرطة أتخطفت فى سينا الأيام دى عشان الناس مغلولة أصلا منهم , بس أنت تعتقد أن مكانش فيه سياسة الأنتقام عند ظباط الشرطة ؟

على فكرة أنا ممكن أجيبلك فيديوهات أكتر بكتير من إلى انت حطيتهم بس بالعقل كدة لما عساكر تعترف فى اليوم دة أنها أخدت أوامر بفتح السجون وعساكر تانيه تعترف بسرقة أقسام و عساكر تعترف بفرم أوراق و حرق فى الأقسام يبقى أزاى متصدقش الكلام دة ؟ فبلاش سياسة خالف تعرف أرجوك الله يكرمك و إلى حصل حصل و مش عايزين نتكلم فيه كتير عشان منوجعش دماغنا بس أنت متتكلمش مع حد فى الواقع فى الحاجات دى كتير لحسن تبقى مشكلة بالنسبالك

بس ليا سؤال شخصى بعد أذن حضرتك مع أحترامى طبعا لوجهة نظرك
أنت يا طارق بتستخدم العضوية دى لوحدك ولا فيه ناس تانيه معاك !؟

شكرا لشرفاء الشرطة واتمنى ان يتم القبض على جميع الخارجين عن القانون
إن شاء الله يتم القبض على كل شخص يحاول ترويع حتى المواطنين و إن شاء الله يكون لظباط الشرطة قوة على الخارجين عن القانون و أحترام للشعب فى نفس الوقت و مبروك لظباط الشرطة على المجهود الكبير فى القضية دى و ربنا يوفقهم إن شاء الله و يبعد عنهم المخاطر
tarek abdallah
أنت يا طارق بتستخدم العضوية دى لوحدك ولا فيه ناس تانيه معاك !؟................واضح فعلا أن تفكيرك غير سوى.... وربنا يهديك يا حبيبى.هههههههه بجد فى ناس دماغها غريبة.
tarek abdallah
" لايزال الناس بخير ما أخذوا العلم عن أكابرهم وعن أمنائهم وعلمائهم فإذا أخذوا عن صغارهم وشرارهم هلكوا "
Mano Crazy
أنت يا طارق بتستخدم العضوية دى لوحدك ولا فيه ناس تانيه معاك !؟................واضح فعلا أن تفكيرك غير سوى.... وربنا يهديك يا حبيبى.هههههههه بجد فى ناس دماغها غريبة.
أصل أنت عارف كويس اننا واحده و أنت كمان بتقول حبيبى !!
على فكرة أنا مش بتفرق معايا الكلام بصيغة المذكر أو المؤنث بس على فكرة ولا دماغى غريبة ولا بتاع أنت إلى بتدافع دفاع غريب عن ناس معروف هما عملوا اية , و لو الشرطة غلطت تانى هتاخد على دماغها و لو دافعت عن الشعب و بقيت أمن فعلا هنقولهم مبروك و هيتشالوا فوق دماغنا و دا إلى أحنا بنعمله حاليا


" لايزال الناس بخير ما أخذوا العلم عن أكابرهم وعن أمنائهم وعلمائهم فإذا أخذوا عن صغارهم وشرارهم هلكوا "
أولا الكبير كبير حكمة مش كبير سن
أنت كان عندك فى عصر من العصور أصغر قائد فى الإسلام أسامة أبن زيد و كان قائد على ناس عمرهم يتجاوز عمرة بالأضعاف المهم الفهم و الحكمه و أن يكون الواحد مع الحق مش مع فئة معينه بيحاول يقنع الناس بيها و هوا أصلا مش مقتنع بيها و أوعى تكون من بتوع حرام و بابا حسنى تبقى كدة كملت بجد
tarek abdallah
أولا أنا معرفش أنك واحدة... وعموما مفيش فرق بالنسبة لى،،،، ثانيا بكرر أنك فعلا لا تعرفى أصول التحاور .. وأخيرآ أحترمى كلامك معاياوعيب تقولى أنت بتاع بابا حسنى... بصى يا حبيبتى واضح أنك لسة صغيرة فياريت تفهمى وتفكرى الاول فى اللى بتقوليه.............وعلى فكرة يا صغيرة كلمة....
" لايزال الناس بخير ما أخذوا العلم عن أكابرهم وعن أمنائهم وعلمائهم فإذا أخذوا عن صغارهم وشرارهم هلكوا،، ده قول سيدنا أبو بكر رضى الله عنه..
Mano Crazy
أولا أنا معرفش أنك واحدة... وعموما مفيش فرق بالنسبة لى،،،، ثانيا بكرر أنك فعلا لا تعرفى أصول التحاور .. وأخيرآ أحترمى كلامك معاياوعيب تقولى أنت بتاع بابا حسنى... بصى يا حبيبتى واضح أنك لسة صغيرة فياريت تفهمى وتفكرى الاول فى اللى بتقوليه.............وعلى فكرة يا صغيرة كلمة....
" لايزال الناس بخير ما أخذوا العلم عن أكابرهم وعن أمنائهم وعلمائهم فإذا أخذوا عن صغارهم وشرارهم هلكوا،، ده قول سيدنا أبو بكر رضى الله عنه..
ماشى يا طارق بس عمتا والله العظيم زى ماقولتلك فى رد على رسالتك الخاصه أن أى حاجة فيها الوحش و فيها الكويس و زى ماقولتلك أن الدكاترة مثلا فيه منهم إلى بيسرق أعضاء ناس و فيه منهم ملائكة رحمه و برضة فيه ناس فى الشرطة بتستغل سلطتها و فيه ناس مستعدة تستشهد فى سبيل الدفاع عن الشعب روحت انت مسكت فى الناس إلى بتستغل سلطتها و زعلت أوى ماهو كل مهنه يا طارق فيها الخير و فيها الشر مفيهاش مشكلة , و عمرنا طبعا ماهننسى علامات الداخليه يا سيدى زى أيمن حسن و سليمان خاطر إلى رفعوا راسنا فى فتره من الفترات , بس للأسف أستغلال سلطة عن سلطة تفرق فى مصير شعب كامل يعنى و دا إلى قصدى عليه , و يا رب تكون فهمت التوضيح دة و معلش لو كنت ضايقتك
tarek abdallah
ولا يهمك مانو... دى وجهات نظر، على العموم كل سنة وأنتى طيبة ويارب تكونى بخير أنتى والعائلة.
Mano Crazy
ولا يهمك مانو... دى وجهات نظر، على العموم كل سنة وأنتى طيبة ويارب تكونى بخير أنتى والعائلة.
ميرسي يا طارق على الكومنت و ربنا يستر و الأمن فى مصر يبقى كويس و فى الأول و فى الأخر مصلحه البلد تتعدل و كل واحد يشوف شغله بما يرضى الله و نشوف مصر دى بقى بلد متقدمه و متطورة و بتنافس دول فى التكنولوجيا مش بلد لسه بتعمل مشاكل عشان مين خبط فى كتف مين و مين أدى كلاكس لمين



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
القبض على أكبر مسجل خطر فى الاسكندرية | تفاصيل القبض على نخنوع بلطجى الإسكندرية
خنوفة أمبراطور البلطجه "هل أنتحر أم قتل" ؟

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية