الواحد صايم وخايف يتورط في تعليق ربنا يستر
بصراحه يا جماعه انا شايف انه كفايا كده على ساويرس
هو سوايرس غلط واعتذر الف مره والمفروض خلاص مش تلكيكه هي الحكايه
وبعدين العفو عند المقدره واحنا عسكنا الحكايه واصبحت القسوه والجبروت عند المقدره .
الدنمارك اهانة سيد الخلق صلى الله عليه وسلم ومع ذلك الناس لما حست ان المقاطعه مش ماثره في الدنمارك رجعت تاني تاكل جبنه دنماركي وعملنا مقاطعه امريكيه ولما حسينا ان المقاطعه مش ماثره في امريكا رجعنا تاني نشرب بيبسي وكوكا كولا .
يعني خلاص ساويرس علشان بداء يتاثر ويتعب نقوم نضغط على انفاسه لما نفطسه امه .
ويعدين ساويرس لا غلط في الله عز وجل مثل يحي الجمل ولا غلط في الرسول صلى الله عليه وسلم زي الدنمارك .
هو كل الحكايه اهان اللحيه والراجل قال انا مش قصدي اسئ للاسلام .
والقسيس ملتحي والحاخام ملتحي وكثير من شيوخ الاسلام اللي ما لهمش لازمه زي الشيخ اللي بيحرم محاكمة مبارك برضو ملتحي .
وساويرس ممكن يكون قاصد شريحه معينه من الناس وما يقصدش الاسلام .
ولما نحسبها بالعقل شويه هو ساويرس غبي وساذج الي هذا الحد انه يهين الاسلام في مصر . اكيد عارف رد الفعل شكله ايه وعلشان كده ممكن يكون مايقصدش اللي احنا فهمناه .
واعتذر ستين الف مره يعمل ايه تاني .
طبعا دي مش فتوى او دعوه لاي حاجه هو فقط مجرد راي لاني كنت ممن هاجمو ساويرس في البدايه بس شوفت ان الموضوع يعني ذاد عن حده شويه بعد كثرة الاعتذارات بتاعت الراجل ومحاولت تبريره وانه عن غير عمد . وكل انسان حر يعمل اللي يشوفه صح لاني ممك اكون غلطان .
والله انا شايف ان مقاطعة افلام الساقطات امثال غاده عبد الرازق وسميه الخشاب والوسط الفني والقضاء على هذا العفن الذي دمر شباب مصر واهان صورة االمصريه في كل بلدان العالم اولى الف مره من مقاطعة ساويرس .
على الاقل ساويرس بيفيد ويستفيد وعنده مسلمين ومسيحيين شغالين في شركته وبيوت مفتوحه بالحلال انما الفنان المشخصاتي بيحط ايده في جيبك ويسحب منك ثمن الكاسيت او ثمن تذكرة السينما ويقدم لك مقابل مالك وفلوسك انحلال ومعصيه لله . يعني المصيبه مصيبتان .
واخيرا كل انسان حر في وجهة نظره وممكن اكون انا مخطاء في قولي وتفكيري
بص يا عبد الرحمن انا مش برد على تعليقات كتير لكن تعليقك ده تعليق رائع تستحق تصفيق عالى جداااا عليه لانه عاقل جدااااااااااا و بالاخص الجزء الاخير بتاع مقاطعة الساقطات
