دى قصة حصلت معايا بالفعل
من 3 ايام واخر مكالمة كانت النهارده



جاتلى مكالمة مجهولة الهوية (call) بدون رقم
واحده بتقولى انت من العملاء المميزة اللى ظهرو عندنا على السيستيم بيكلمو موبينيل كتير



قولتلها اهلا اهلا بس انا مابكلمش حد موبينيل خالص غير رقم واحد وهو رقم اخويا


البنت/ احنا عندنا ليك عرض جامد جدا فى حالة تحويلك من فودافون لـ موبينيل
انا/ الله يكرمك قولى قولى خلينا نعيش (المهم المصلحه) ههههههههههه
البنت/الوفات الدقايق مجانيه وحاجات كتيره جدا (الوفات جمع الف)
انا/ ياريت حضرتك تحددى كام الف دقيقة بالظبط وايه هى الحاجات الكتيره جدا
البنت/مش هينفع اقولها لحضرتك فى التليفون لو حضرتك مافيش عندك مانع نتقابل
انا/مش هينفع فى البيت لانى راجل متزوج والمدام مش هتقبل بالوضع ده
البنت/طيب ممكن نتقابل فى المكتب بتاع حضرتك
انا/ لا مش هينفع برده فى الشغل الناس تفهم غلط ممكن نتقابل فى موبينيل؟
البنت/ انا ماكنتش عايزه اتعب حضرتك





انا حسيت انها اشتغاله
بس اديتلها ميعاد انا فاضى فيه تماما علشان لو اشتغاله ماتكونش اتسببت فى ضياع وقتى


روحت الشركه لاقيتها بتستقبلنى كانى نجيب باشا ساويرس
وفتحت بقى فى الكلام
البنت/مبدأيا يا فندم احنا هندفعلك متوسط اخر 3 فواتير ليك فى فودافون
انا/بينى وبين نفسى ماشاء الله بداية جبارة (حوالى 1500 جنيه)
البنت/وهنديلك 3000 دقيقة مجانية
وكمان مش هنحاسبك على اول ثلاثة فواتير
انا/ فى سرى طبعا
ماشاء الله وادى كمان 1500 +3000 دقيقة يعنى حوالى 2400
يبقى كله 3900 جنيه
ياحلاوة يا ولاد
البنت/ ورسايك كلها لموبينيل ببلاش مدى الحياة وااااااااااو
وليك رقم موبينيل تكلمه مجانا حتى لو كلمته ب 10000 جنيه
وهتبقى عميل مميز جدا عندنا وهتاخد كارت تدخل بيه اى فرع من فروعنا بدون ما تستنى دورك ولا تقف طوابير
وهندخلك برنامج المكافئات ونحطلك فى رصيدك 10000 نقطه هدية
انا/والله انتو ولاد حلال
البنت/ الله يخليك يا فندم انت بقى مش محتاج حاجه تانيه؟
انا/ بكل بجاحه
عايز رقم مميز
البنت/انت تؤمر يا فندم وراحت مطلعه تليفونها الفولازى وعملت مكالمة وجابتلى رقم فى الجون
وقالتلى ده هدية بعيد عن اى حاجه
انا/ انتى بقى اكتر واحده بنت حلال فى الشركه دى
وفى سرى (يا ابن الايه يا ساويرس مشغل معاك قرود بس قرود حلوة)
خلص الكلام وقولتلها للاسف انا ميعاد شغلى قرب ولازم امشى مع انى كل ما اقعد عندكم اكتر كل ما العروض تزيد ههههههههههههه
ضحكت وقالتلى اتفضل يافندم انت تؤمرنا
قولتلها هاتو بقى الف جنيه انزل اشرب حاجه ساقعه هههههههههههههه







مشيت وبعد يومين لاقيت فودافون بيكلمونى بيقولو
حضرتك طلبت من موبينيل يحولولك خطك
انا/لا دول هما اللى قالولى
الموظف/وحضرتك موافق
انا/ طبعا موافق انت ماتعرفش عملو معايا ايه؟
الموظف/ياريت تقولنا
انا/حاكيتله كل حاجه هههههههههههه
الموظف/طيب يافندم احنا ممكن نعمل معاك نفس العرض بحيث انك ما تروحش موبينيل
انا/ الله اكبر دى لعبت معاك ههههههههههههه
قولتله موافق بس على شرط الرقم المميز يكون فى الجون برده وياريت يكون احلى من بتاعهم (استغلال بقى)
الموظف/ثوانى واكلمك تانى يا فندم
ورجع كلمنى وادالى شوية ارقام انقى منها رقم مميز
بصراحه مش عجبونى
قولتله مش حلوين
الموظف/طيب ممكن نعلق الطلب يومين وانا هدور لحضرتك على رقم مميز واكلمك تانى
قولتله خد وقتك بس خد بالك ماتتاخرش لان موبينيل دفعتلى الفاتورة خلاص

وفعلا موبينيل دفعت 1500 جنيه فى فودافون علشانى
ومستنى تلفونه بقى ههههههههههههههههه



شوفتو بقى الحرب الرهيبة اللى احنا مش حاسيين بيها
صحيح أكل العيش مُر

يا بختك ياعم

وبعد دا كلة
انت صحيت من النوم صح

ههههههههههههههههههههههه
نو كومنت

هههههههههههههههههههه


ابقي اتغطى بس كويس وانت نايم

هههههههههههههههههههههه
ايه دا
شكل الاولاد مطلعين عينك
وطلعت عليك غ الاحلام

ههههههههههههههههه

والله علي رأي بوسي

نو كومينت