رايحين الكافتيريا ياكلو
اقعدى ياحبيبتى
اقعد فين دا المكان مزحوم ومافيش غير كراسى
اقعدى على الكرسى
ايوا بس الكراسى دى بلاستيك وانا متعودة على الخشب
الجرسون معدى راحت شاداه من قميصه
مافيش كرسى خشب يااسطه
لا ياهانم الكراسى بلاستيك
على فكرة انتا يااحمد جايبنا فى مكان مش كويس دول ماعنداهم خشب كانوا يقولولى والخشب عندينا فى البيت كتير
طيب اقعدى والنبى الناس بتبص علينا
عشان خاطرك هستحمل
رفعت الجيبة وشمرتها لفوق
انتى هتعملى ايه
انتا مش قلتلى اقعد
انا قلتلك اقعدى مش انزلى بحيرة وعومى
اعمل ايه مااعرفش اقعد وانا مزنوقه فى الجيبة احب اخد راحتى
شمرت الجيبة وقعدت ومالت على الكرسى الكرسى وقع واتكسر
ايه اللى عملتيه ده
مش بقولك ياحبيبى كراسى ورق
معلش قومى على الكرسى اللى جنبه وماتميليش عليه اوى
بعد ماقعدت راحت خاطفه ايده وهى بتزعق
احمد ياحبيبى مابيجيبوش هنا مسلسل شرارة انا بحبه اوىوتشده من ايده وقع على الارض
بصت بهبل
احمد انتا وقعت ليه ياحبيبى ايه اللى حصل
نفض هدومه وقعد تانى
مسكت ايده تانى وهو يشد ايده من ايدها وهى ماسكة فيها
ايه يااحمد انتا مش بتحبنى ولا ايه
وهو بيشد ايده والله بحبك بس سيب ايدى
يااحمد البنت اللى هناك ماسكه ايد الواد وانا عايزه اعمل زيها
وقع تانى قام وهو بينفض الهدوم وقعد تانى
جات تمسك ايده
ارجوكى ابوس على ايدك بلاش
الجرسون جاه انتوا تطلبوا ايه
بصيتله وهى بتقول بصوت عالى ماعندكمش محشى عنب
الجرسون بص بااستغراب
احمد حاطط ايده على بقها وبيقول للجرسون ماتاخدش عليها هات محشى ورق
اسف عايزين فراخ
الجرسون مشى
شال ايده من على بقها رفعت رجلها وحطتها على رجله وقع
ايه اللى عملتيه ده
اصلى ياحبيبى شفت البنت اللى هناك حاطه رجلها على رجل الواد اللى جنبها وحبيت اقلد
ارجوكى ابوس على راسك بلاش تقليد انا تعبت
قامت للطرابيزه اللى جنبهم مسكت دورق الميه وقعدت تشرب والميه دعكت هدومها
احمد بيمسكها ليه بس عملتى كدا
اسفين حضرتك
ايه كنت عطشانه ياحبيبى
الفراخ جات ومعاها الشوكة والسكينة
مسكت الرز باايدها وقعدت تاكل والفراخ باايدها وبتاكل
الزباين ابتدت تقوم
ايه اللى بتعمليه ده
اصلى اتعودت على كدا فى البلد
كل ونبى
مسكت شوية رز باايدها وحطيتهم فى بقه وهو بيقاوم
كل دا انتا خاسس اوى
بعد مااكلت يللا بينا
ليه ياحبيبى مابدرى
شافت الجرسون مسكته من الجاكته باايدها اللى ملغوسة اكل
الجرسون ايه ده
لا انا بسالك مافيش عندك كبده
الجرسون شد شعره
احمد يللا بينا كفاية
كفاية ايه والا كل دا بفلوس نرجع ناخده
لا يللا بينا ارجوكى ابوس على راسك
حاى يبوس راسها راحت خابطاه روسية وهى بتقول كمان عايز تضربنى
قام وهو ماسك راسه والجرسون بيقطع فى هدومه
ونبى شوفلى اسعاف وقلهم يجوا يخدونى
شالته ومشيت بيه وهو بيحاول ينزل
ماتخافش ياحبيبى انا هداويك واطببك
وهى نازله شايلاه والجرسون بيشد فى شعره وهو بيقول
بلد بتاعت مجانين صحيح
طلعت فى الشارع وهى شايلاه والناس فى الشارع فاطسانين من الضحك
وقفت فى اخر الشارع انا مش عارفه بس طريق صلاح سالم يمين ولاشمال
واحد معدى قالها ياهانم دا طريق صلاح سالم الناحية دى
وكمان بتقولى غلط هو من الناحية دى ومشيت فى طريق الزمالك
النهاية كالاتى
احمد نزل يجرى وهى بتجرى وراه فى الشارع والناس والجرسون بيجرى ورا الاتنين عشان الحساب