طالبت دعوات لوقفات احتجاجية على الفيس بوك بجعل تنسيق الثانوية العامة 2011 ، خاصة المرحلة الاولى غير معتمد على المجموع فقط معللين ذلك بأن هذا النظام لا يحقق الغاية من التعليم الجامعى المنشود بعد ثورة 25 يناير

حيث ان انظمة التعليم الجامعى ودخول الكليات تحتاج الى الكثير من التعديلات لتخريج دفعات قادرة على التقدم والرقى بالوطن وان اولى الخطوات في ذلك هى ان يتحقق لكل طالب حلمه في دخول الكلية التى يرغب بها واختياره للمجال الذى يستطيع الابداع فيه مع اعتبار بسيط للمجموع وليس اعتماد كلى كما هو معمول به حتى الان
وطالب الناشطون ان يعتمد دخول الكليات على اختبارات للقدرات بشكل اكبر من المجموع كما يتم في الدول المجاورة والتى سلكت طريق النهضة والتقدم

ايه الهبل ده ده احسن نظام وياريت نبطل تخاريف شويه عشان نفوق من الجهل الي احنا فيه
يعني ازاي يكون واحد جايب 95 ومايدخلش هندسه وواحد تاني جايب 90 ويدخل
المجموع اهم شيئ لان القدرات اكيد فيها وساطه ومحسوبيه
فلا لعوده زمن الماضي والخرافات والجهل

يا سلام يا سلوم با سلالم
يعنى كان فيه ناس بتجيب 96 ومش بتدخل بيهم طب ولا حتى صيدله يجى واحد جايب 70 ويدخل بمزاجه مثلا طب عشان هو عاوز طب دا ايه الفشل ده وهو ده بقى اللى هيخلينا نتقدم دا هيخلينا نرجع لوراونرقى الى الصداره فى قائمة الدول المتخلفه اييييييييييييييييييه الهطللللللللل ده
ايه العبط ده واللى تعب على مايجيب 99 يتساوى مع اللى جايب 60 عشان كل واحد يدخل الكليه اللى على مزاجه دا ساعتها الجهل هيزيد لان محدش هيزاكر ولا يتعلم طلما كدا كدا هيدخل الكليه اللى على مزاجه

ده مش هبل عشان ممكن تكون السنه التانويه جات سهله ورياضه تكون سهله يجى يخش هندسه يفشل لانه مش شاطر فى الرياضه عشان كده القدرات هى الى حتحدد مستواه الرياضى

ماهو يا جماعة مش هيبقى 60 و 70% يدخلوا طب يعنى
مش اوى كدة

بدل ماعندهم 18 الف طالب جايبين فوق ال98%
وكل الناس عايزة تخش طب وهندسة
لو البلد اهتمت بكل المجالات واتغيرت النظرة المتخلفة انه كله عايز يطلع دكتور وبس ، اكيد الدنيا هتتغير ومش هنتزنق الزنقة دى كل سنة وهنحل مشاكل الدروس وهنحل مشاكل الثانوية العامة كلها

الطفل من صغره لو عرف ميوله ايه هتفرق كتير
مش زي ما احنا شايفين ناس دلوقتى جايبين 99% وبعدين يقولك ادخل كلية ايه انا مش عارف
او في تانية يبقى مش عارف يحدد علمى علوم ولا علمى رياضة
لأن اصلا مفيش هدف في حياته غير الحفظ والدروس وبس

والتجارب كتير وكل الناس عارفة ان الكليات حاجة تانية غير الثانوية وياما ناس متفوقة في الثانوية دخلت فشلت في الكليات وناس مستواها اقل في الثانوى ودخلوا اثبتوا نفسهم في كلياتهم

السبب في كدة مين اللى ماشى مع التيار ومين حط هدف لنفسه وعرف يوصل له ازاى

وفيها ايه يعنى ما يقفوا وقفات احتجاجية ...... اصل اى حد عايز اى حاجه يقف و لو كانوا كتير عددا البلد هتعملهم اللى هما عايزينه و ام مستقبل البلد

و النظام اللى بطالبوا بيه معمول بيه فى امريكا و الغرب بشكل عام ........ لكن هناك فرق ما بين الناس هنا و هناك .....هناك فى وعى و تعليم من الاول سليم ( التخصص هناك فى الاعداديه عندنا مش سنتين و خلاص ) ... هنا ادخل يا واد طب و لا هندسة علشان الناس تقول ان ابنى دكتور و لا باشمهندس

و اخيرا هل من المنطقى ان يكون فى شخص يجيب 99% و لا 98% اكيد الشخص ده عالم .... لكن المشكله انه مش بيساوى شئ ....................... و اسالوا اوائل الثانويه السنين الى فاتت هما فين دلوقتى فى الحياة العملية