اهلا بيكوا ..
و الله بس انا عايز اقول حسبى الله و نعم الوكيل .. و الله زى مانا جديد هنا .. بس و الله انا حبيت المنتدى ده و عايز اشكره ... لأنه بجد حسسنى انى نجحت .... بس بعديها فشلت .. وديه قصة فشلى :
انهارده الثلاثاء 16/3/2011 الساعة 4 قولت ادخل اشوف جوجل ادسنس كدة قبل ما انزل الماتش اللى كان عندى فى النادى ... و فجأة لقيتوا بيقولى Your Account Was Disabled .. و الله العظيم و كتاب ربنا انا ضحكت ... عارفين ليه ؟؟؟!! و الحمد لله انا حققت الرقم القياسى فى اغلاق الحسابات با دسنس اغلق 4 حسابات لى بس و الله العظيم ما كنت بخالفهم .. و الله العظيم ... الاعلانات عمرى ما عديت بالماوس جنبها .. ماحطيتش اعلانات لشركات تاتنية مع جوجل .. المحتوى انا اللى كتبه 100% اصلى .. المدونة شكلها كان ما شاء الله جامد اوى .. و اول مرة فى تاريخى الطويل مع ادسنس .. يبقى عندى متابع ... ايوة يا ناس كان فى عندى 1 Follower والله العظيم فرحت اوى لما شوفتها فى مدونتى ..
ووصلت معاكوا ل 90 سنت فى اليوم .. و قولت الحمد لله رضا .. و كان رصيدى الكلى لغاية امبارح 7 دولار ..
وقولت نفسى اوصل لعشرة دولار عشان احدد طريقة الدفع و نبدأ النجاح .. بس انهاردة الصبح لاقيت كل حاجة عملتها اتهدت .. اول ما دخلت على حساب جوجل العادى مش ادسنس لاقيتوه بيقولى اكتب رقم موبايلك عشان نبعتلك رسالة فيها كود تكتبه هنا لاثبات هويتك .. قولت يا ساتر يا رب ... قمت عملها .. و بتك على كلمة Adsense ... لاقيت Your Account Was Disabled و الله ما كنت عارف اعمل بمعنى الكلمة غير انى ضحكت و زعلت فى نفس الوقت ده غير ان مدونتى كمان اتحذفت .. ياعنى انا خدت ضربتين فى واحد 2x1 زى الشامبو بالضبط .. ههههههه
1- الحساب اتقفل فى ادسنس
2- المدونة اتشالت و بيقولى انها سباام ..
مع ان مفيش حرف منسوخ دخلها كلوا كنت بلخصوه و اكتبه بطرقتى انا ...
بس انا عايز اقولكوا ان انا خسرت كل حاجة دلوقتى .. ومفضلش غيركوا .. اتمنى انى اعرف ناس كويسة هنا لأنى بجد اول مرة اقولها اتخنقت من النت و الكمبيوتر و كل حاجة مع ان الكمبيوتر ده حاجة كبيرررررة اوى بالنسبة ليا .. و عمرى فى يوم ماعجزت كدة اودامه ...
بس انا عايز اقول فى الاخر الحمد لله على كل شئ و قدر الله و ما شاء فعل ...
و السلام عليكم و رحمة الله و بركاته ..
