أولا قوموا بعمل شير للصفحة علي بروفايل الفيس بوك بتاعكم من هنا

طلبات حملة لا لإحتكار شركات الإنترنت في مصر


مطالبنا تجاه شركات الإنترنت

1-نزول اسعار الانترنت إلي 60%
2- تعديل مستوي الخدمة أي يكون هناك خدمة جيدة و عدم انقطاع دائم
3-تنزيل سرعات قوية جديدة و تكون باسعار قليلة
4- اقل سرعة تكون 2 ميجا أي (200 كيلو في الثانية) : و دا السرعات القليلة ال يحب ياخد سرعات قليلة
5-إلغاء سياسة الاستخدام العادل و الغاء الإنترنت الLimited نهائيا
6-خدمة عملاء دعم فني جيدة و محترفة في فن الاعطال و حل مشاكل الانترنت

و بخصوص سرعات جديدة قوية يعني عاوزين يكون في كذا بكدج يكون في سرعات قليلة اقلهم ال 2 ميجا الي هي 200 كيلو في الثانية
و باكدج تانية تكون سرعات بالميجا في الثانية و اسعار قليلة طبعا



http://www.facebook.com/No.Internet.Monopoly

منتظر اي تعليق علي المطالب

تسويقيا مينفعش لأن أكبر سرعة تقدر توصلها للمنازل 4 ميجا فقط ، ولما يخلي اقل حاجة 2 ميجا يبقى مش بيدي نفسه تنويع في الباقات عشان يقدر يكسب

الحل انه يخفض الأسعار 50% فقط على نفس السرعات ويلغي سياسة الاستخدام العادل أو يعدلها بالضعف

يا جماعة سرعات النت خارج مصر خرافية وباسعار رخيصة جدا

علشان كدة بنلاقى عندهم احدث التقنيات وخصوصا السيرفرات مجال تصميم المواقع

فلازم سرعة النت تزيد علشان الناس تقدر تشتغل في المجال ده في مصر لان مطلوب ومهم اوى وفي ناس كتير في مصر شغالة فيه وتقدر تنافس بيه كمان بس ناقصها الامكانيات

وشكرا على الخبر

انا متضامنة بالرأى مع مزيكا
وعلى ما اعتقد ان هذا البند تمام
شكرا هوبا

تسويقيا مينفعش لأن أكبر سرعة تقدر توصلها للمنازل 4 ميجا فقط ، ولما يخلي اقل حاجة 2 ميجا يبقى مش بيدي نفسه تنويع في الباقات عشان يقدر يكسب

الحل انه يخفض الأسعار 50% فقط على نفس السرعات ويلغي سياسة الاستخدام العادل أو يعدلها بالضعف

++++++++++11111111111111111

تسويقيا مينفعش لأن أكبر سرعة تقدر توصلها للمنازل 4 ميجا فقط ، ولما يخلي اقل حاجة 2 ميجا يبقى مش بيدي نفسه تنويع في الباقات عشان يقدر يكسب

الحل انه يخفض الأسعار 50% فقط على نفس السرعات ويلغي سياسة الاستخدام العادل أو يعدلها بالضعف

اولا يا مزيكا ازاي مينفعش اكتر من 4 ميجا و ان شركة تي اي داتا و لينك دي اس ال اساسا قايلين ان عندهم سرعات و هي 4 ميجا و 8 ميجا و تلاتة كمان يبقي فين دا ال 4 ميجا ؟؟؟؟؟؟؟؟؟؟؟؟؟؟؟؟

و احنا علي فكرة كاتبين في المطالب 60% والنبي سيبلنا ال 10 مجاتش عليهم ههههههههههه

و برة مصر علي فكرة مفيش سرعات بالكيلو خلاص
كله بالميجا مش سرعة النت نفسه لا دا سرعة الداونلود بال ميجا في الثانية

تسويقيا مينفعش لأن أكبر سرعة تقدر توصلها للمنازل 4 ميجا فقط ، ولما يخلي اقل حاجة 2 ميجا يبقى مش بيدي نفسه تنويع في الباقات عشان يقدر يكسب

الحل انه يخفض الأسعار 50% فقط على نفس السرعات ويلغي سياسة الاستخدام العادل أو يعدلها بالضعف

و معلش كمان مرة يا باشا ما هو لو منزش الاسعار ما هو كدة كدة الناس هتروح علي السرعة الي بنفس السعر الي كانوا بيه و تكون اعلا نفترض انها 2 ميجا ما هوش محدش خلاص هيروح لل 512 دي
وبعدين اساسا انا بطلب كدة عشان النت في مصر تنضف

والمفروض غصب عنهم يظبطوا الانترنت في مصر و ميقولولش معنداش امكانيات ولا فلوس

انا متضامنة بالرأى مع مزيكا
وعلى ما اعتقد ان هذا البند تمام
شكرا هوبا

انهي بند الي تمام ؟؟؟
مش فاهم منين متضامة مع مزيكا و منين بتقولي البند تمام
بسأل والله عادي ؟؟؟؟

++++++++++11111111111111111

افهم ايه من رد حضرتك ؟؟؟؟؟؟؟

ناس كتير اوي جدا جدا جدا بتقول ان الانترنت في مصر وحش و انه المفروض يتظبط
و احنا مطالبنا مش صعبة شركات زي دي محتركة الموضوع دا في مصر

يا باشا انتا لو عقلتها و فكرت فيها و قلبتها في دماغك كويس هتعرف اننا منصون علينا جامد جدا

برة مصر السرعة 5 ميجا في الثانية - 5 ميجا في الثانية بكررها اهو
متعديش ال 40 دولار يعني 240 جنيه
و هنا في مصر ال سرعة 2 ميجا الي هي 200 كيلو في الثانية - 200 كيلو في الثانية بكررها
ب 240 جنيه نفس السعر بس فرق دا تنزل فيلم 200 ميجا في نص ساعة و التاني تنزله في اقل من 40 ثانية

و نفس السعر يبقي نصب ولا لأ يا مزيكا

سرعة الإنترنت 24 ميجا يعني 2400 كيلو في الثانية - 2.4 ميجا في الثانية

بكام يا معلم ب 1999 جنيه في الشهر برة مصر دا بالكتير ب 100 جنيه ولا 200 بالكتير اوي يعني

و هنا في مصر 1999

الاسعار دي انا مش جايبها من عند عيلتي دي من شركات الانترنت شخصيا

معلشوا يا جماعة علي ردودي الحادة

عشان تصدقوا الاسعار عاملة ازاي

بالتوفيق ان شااء الله

الابن هوبا
انا اقصد ابنى ان لما مزيكا قال الحل انه يخفض الأسعار 50% فقط على نفس السرعات ويلغي سياسة الاستخدام العادل أو يعدلها بالضعف
فأنا اعطيت اسم لهذه النقطة اسم بند
معلش ابنى انا عجوز وقديمة بتعبيراتى وولا يهمك اتكلم معايا براحتك خالص وانا لا ازعل من احد نهائيا
ده انتم اغلى من عيونى والله كلكم جميعا وباعتبركم ابنائى بجد والله
شكرا هوبا المتألق

ايه دا :d

معلش ابنى انا عجوز وقديمة بتعبيراتى

معلشي عشان قلبتي دماغي كدة و توهت منك يا ريت توضيح في النقطة دي

شكرا علي ردك يا زلطة و معلشوا يا جماعة لكل الي رديت عليهم ردود صعبة و حادة
بس انا عاوز اوصلكم وجهة نظري و وجهة نظر المصريين الي مخنوقين من النت
و ان شاء الله المطالب هتتنفذ

شكرا علي ردك يا زلطة و معلشوا يا جماعة لكل الي رديت عليهم ردود صعبة و حادة
بس انا عاوز اوصلكم وجهة نظري و وجهة نظر المصريين الي مخنوقين من النت
و ان شاء الله المطالب هتتنفذ


انا مش شايفة انك حاد
اللى شايفاه انك عاوز مصلحة للجميع
شكرا جزيلا
وعن نفسى باشكرك على هذا التعاون

شركات النت فى مصر نصاااااااااااااااااااااااابة
ولازم نقطعها لحد ما تتنفذ مطلبنا
قبل الثورة كان الفساد فى مصر زى الرشوة معروفة انها فساد وباينة الوسطة نفس الكلام الضرئب على اى حاجة نفس الكلام زيادة الاسعار نفس الكلام كلة من دم الشعب
الوحيدة اللى بتسرق فى الخباثة ومحدش بيتكلم عليها هية شركت الانترنت فى مصر نصاااااااااااااااااااااااابة لازم الناس تروح تعمل ثورة عليهم
عشان بجد الموضع كبير جدااااااااااااااا ولازم يتحل لان دية سرقة عينى عينك نصااااااااااااااااااااابة

انت بتأذن فى مالطه ولا حتى هيعمل حاجه ولا هيتظبط
تحياتى ليك وثانكس على المجهود

انت بتأذن فى مالطه ولا حتى هيعمل حاجه ولا هيتظبط
تحياتى ليك وثانكس على المجهود

متهيألي انتا مسمي نفسك العبرة بالخواتيم
و العبرة بالخواتيم يا باشا و ان شاء الله ربنا يقدرنا اننا نجبرهم او نوصل صوتنا للناس

اولا ياريت اللى مش عاجبه الاقتراح ما يردش او لما يتنفذ يقول لا انا هدفع بنفس السعر
الشركات بيصدروا الانترنت لبره وسايبنا هنا مطحونين غير المشاكل طبعا اللى بتقابلنا وسوء الخدمه
الحمله هتكون على وزارة الاتصالات طبعا لانها هى اللى ليها كلمه على الكل وهنبتدى بالوزاره نفسها وهى تجديد السنترالات اللى فى مصر كلها

ولصاحب الموضوع كلنا معاك فى الحمله دى بس ياريت نكلم الادمن بتاع كل صفحه خاصه بنفس المطالب لان الصفحات كترت جدا ونعمل صفحه واحده فقط ونوحد جهودنا فيها ولو عاوز حد جانبك فى الحمله انا موجود وان شاء الله مش هنسكت لما نجيب حقنا

شكرا يا ريفرينج علي مشاركتك معانا

انا معاكوا علشان كل كلامكوا مظبوط
احنا النت اللى عندنا لا يقارن بالنت بره مصر
ودا ليه اسباب كتير
اولا امكانيات وزار الاتصالات والبنية التحتية للسنترالات تعبانه ودا السبب فى ان النت بيقطع كتير والبنج يظهر فيه ريكوست تيم اوت كتير

ثانيا شركات النت اللى بتحقق مكاسب خياليه من وراانا لاحتكارها للنت فى مصر لا اسعار ولا جوده خدمة ولا دعم ولا اى حاجه تستاهل الفلوس اللى بياخدوها

والفرق واضح قوى
احنا اعلى سرعه عندنا 24 ميجا فى ناس تقول ايه ده دى رهيبه هو فى كدا اقولهم لا عادى ولا رهيبه ولا حاجه
بره فى المانيا بلاش نقول امريكا سرعات النت هناك عدت 100 ميجا
السيرفرات ننفسها اللى عليها المواقع اللى على النت دى واللى نصها من المانيا شغاله على سرعات بتوصل 200 ميجا

طبعا مفيش مقارنه بينا وبينهم خالص
لكن لو وزاره الاتصالات عايزه تنمى قطاع التنكنولوجيا فعلا فى مصر لانه لازم يتنمى ويكبر احنا فى مصر 9 مليون تقريبا بيستخدموا النت
يبقى لازم نعمل تحديث للبنية التحتية لكل السنترالات فى مصر لان معظمها مش بيشغل سرعات اعلى من 2 ميجا ولا حاجه مفيش غير فى المدن والمناطق النظيفه

وانا شايف لو الوزاره سعت شويه انها تجيب شركة اجنبية كبيرة تستثمر فى المجال ده فى مصر وتشتغل فيه من اوله
انا شايف ان الشركات الموجوده دلوقتى دى هتختفى من السوق

احنااا عايزين نوصل لعدد كبير لنححق مطالبني

بص ياجميل انت عندك في خطوط التليفونات في مصر اللي بيتوصل عليها النت مشكلة كبيرة انها هاف ديلوس يعني بتشتغل على فردتين بس ، والدول اللي برة شغالة فول ديلوس يعني اربع فرد سلك .. بمعنى انه عمرك ما تقدر تستقبل سرعات عالية غير لما شبكة التليفونات الارضي كلها تتغير ويتم تحسينها ، اما السرعات الكبيرة اللي فوق 8 ميجا بيبقى في مناطق معينة بتكون شغالة بتقنيات اكبر زي بعض البنوك والوزارات ، ولا يمكن تلاقي بيت في مصر شغال ب8 ميجا او اكتر ابدا ، دا حتى الراوتر اللي بيتباع في مصر هنا مكتوب في السيستم بتاعه متاح لحد 4 ميجا داون على 1 ميجا اب
معلش خوتك بامور فنية لكن لازم الايضاح عشان صعب قوي انهم يرفعو سرعات النت وسهل جدا انهم يخفضوا الاسعار

بص ياجميل انت عندك في خطوط التليفونات في مصر اللي بيتوصل عليها النت مشكلة كبيرة انها هاف ديلوس يعني بتشتغل على فردتين بس ، والدول اللي برة شغالة فول ديلوس يعني اربع فرد سلك .. بمعنى انه عمرك ما تقدر تستقبل سرعات عالية غير لما شبكة التليفونات الارضي كلها تتغير ويتم تحسينها ، اما السرعات الكبيرة اللي فوق 8 ميجا بيبقى في مناطق معينة بتكون شغالة بتقنيات اكبر زي بعض البنوك والوزارات ، ولا يمكن تلاقي بيت في مصر شغال ب8 ميجا او اكتر ابدا ، دا حتى الراوتر اللي بيتباع في مصر هنا مكتوب في السيستم بتاعه متاح لحد 4 ميجا داون على 1 ميجا اب
معلش خوتك بامور فنية لكن لازم الايضاح عشان صعب قوي انهم يرفعو سرعات النت وسهل جدا انهم يخفضوا الاسعار

كلامك مضبوظ مصر امكنيتها التقنية ضعيفة فى النت لكن دة بسبب انهم بيضحكو علينا بيدونا اى حاجة باسعار اضعاف اضعاف لا تقارن بالدول المتقدمة دة جعلهم يعملو اى هبل يسروقنا بية ويمصو فى دمنا لان البلد كلها كانت بتسرق فى كل القطعات والهيئات مجتش يعنى على وزراة الاتصلت اللى مش هتسرق فاكلام دة لازم يتغير ويتعدل
ولازم يحصل تطوير فى الانترنت فى مصر او الاسعار تتناسب مع السرعات المتوفرة فى بلدك زى اى باقى الاسعار فى الدول المتقدمة
وهناك شركات استثمارية تريد عمل مشاريع لتطوير الانترنت فى مصر لكل الشعب لكن الحرامية قفلنها فى وشهم عشان يصبحو ملوك الساحة ومحدش يوقف سرقتهم ونهبهم فى الشعب ودة بردو من ضمن اسباب ذبحهم فينا ان مفيش غيرهم فى السوق ومحدش منافس ليهم ودة خلق منهم اسواء خدمة + اسعار ذبح بسرعات لا تستحق دفع ما يدفع فيها

ويريت صاحب الموضع ينشط الموضع لان ميبقاش موضع فئوى زى ما قال بعض الاعضاء لازم يبقى موضع جدى وجذرى نوقف بية العصابة عند حدهم