مع توضيح علوم/ رياضة لانى علم رياضة وعايز اعرف حدرس اية لو دخلت كلية العلوم
وكمان مستقبلها من حيث التوظيف ؟
وهل فعلا مستقبل التربية/ رياضة افضل من علوم/ رياضة ؟
|
ارجو معرفة الفرق بين كلية (العلوم) وكلية (علوم/رياضة)
مع توضيح علوم/ رياضة لانى علم رياضة وعايز اعرف حدرس اية لو دخلت كلية العلوم
وكمان مستقبلها من حيث التوظيف ؟ وهل فعلا مستقبل التربية/ رياضة افضل من علوم/ رياضة ؟ |
|
بص اللي اعرفه
علوم في التنسيق يعني للناس اللي درسوا احياء اما اللي درس رياضه فبيكون تنسيق العلوم بتاعه علوم رياضه وبتدخل الكليه عندنا في اسكندريه لطلبة الراضه ليهم قسمين ( علوم طبيعيه / وجيولوجيا ) اما طلبة الاحياء فليهم بردوا قسمين ( بيولوجي / وجيولوجيا ) يعني الجيولوجيا مشتركه وبخصوص التوظيف انت لو جبت تقدير كويس فان شاء الله بتتعن على حسب تخصصك اما حكاية التربية والعلوم فان كنت داخل علوم عشان تكون مدرس فادخل تربية احسن لان الوزاره بتفضل خريج التربية وبعدها ىداب وفي الآخر علوم بس دا لو كنت عاوز تكون مدرس فالتربية احسن اما غير كدا فالعلوم احسن في رايي وارجوا اني اكون قدمت المطلوب واي استفسار تاني انا تحت امرك |
|
كلية العلوم رياضة دى قسم من الاقسام اللى الكلية بتقدمها واللى بيدخلوه بيبقو رياضة فى الثانوية العامة والقسم ده بيحتوى على العديد من التخصصات فمثلا فى علوم شبين فيها قسم رياضة وفيزياء ورياضة وحاسب وقسم احصاء وقسم على ماأعتقد فيزياء وليزر والكلية دى بيبقى التخصص فيها ما السنة الاولى وبيبقى ليها تنسيق داخلى لكل تخصص يعنى حسب الدرجات اللى تبع المادة اللى كانت معاك فى الثانوية وعلوم شبين من الكليات التى تأخذ بالنظام الامريكى وهو نظام الساعات يعنى بتحدد ليك مقدار من الساعات للمواد التى يتم اختيارها وده بالنسبة لعلوم شبين الكوم أما بالنسبة لعلوم بايولوجى ودى للى كانو أحياء فى الثانوية العامو ودول ليهم أقسام كتير زى كيمياء اسبيشيال وكيمياء وحيوان ونبات وحيوان وجيولوجيا ونبات اسبيشيال وحيوان ايسبيشيال وغيره من الاقسام الاخرى وعلى ماأعتقد ان النظم فى جميع كليات العلوم واحدة ماعدا كلية علوم دمياط فهى الكلية الوحيدة على مستوى الجمهورية التى يختلف نطامها الى حد ما فطلبة الرياضيات بيدخلو أول سنة شعبة عامة اسمها " العلوم الطبيعية " ودى بيدرسوا فيها كل ماتتخيل من المواد رياضة [افرعها " الجبر والتقاضل والتكامل والهندسة التحليلية وديناميكا واستاتيكا " وكما بيدرسو فيزياء وأيضا بعض الفغروع منها مثل فيزياء الضوء وخواص المادة ومغناطيسية وحرارة" وبيدرسوا كيمياء " عامة وعضوية وفيزيائية " ومادة لغة ومادة حاسب ألى واذا تمكن الطالب من اجتياز السنة الاولى بدون أى مواد فانه يتمكن من دخول قسم الكيمياء والفيزياء فى السنة الثانية والتى بدورها تؤهله لأن يتخصص فى قسم كيمياء اسبيشيال وهذا التخصص غير متاح لأى طالب فى أى كلية أخرى وهذا بالنسبة للرياضيات "علوم رياضة " أما العلوم البيولوجية فهى بنفس النظام أيضا أول سنة شعبة عامة وتسمى شعبة "العلوم الجيولوجية والبيولوجية " ويكون التخصص فى السنة الثانية والثالثة
أرجو ان أكون افدتك |
|
لو انت عاوز تبقى مدرس ادخل تربية لو بتكره مهنة التدريس ادخل علوم ونصيحة منى لو اتيحت ليك الفرصة انك تدخل علوم دمياط "جامعة المنصورة" نصيحة بجد ادخلها لأن لو ربنا وفقك فيها زى ماقولتلك أول سنة وطلعت صافى بتخصص فى الكيمياء وده بيأهلك أنك تعمل دبلومة فى التحاليل وتبقى دكتور تحاليل بس عشان تكون فى الدراسة فيها أول سنة من ناااااااااااااااااار وصعبة فشوف انت طموحك تبقى ايه
|
|
في جزئيه عاوز اوضحها
نظام كليه علوم جامعة الاسكندريه غير شبين تماما عندنا لو كنت رياضه ذي ما وضحت فوق ليك تدخل قسم علوم طبيعيه او جيولوجيا والاحياء بيدرسوا يا بيولوجي يا جيولوجيا وهتكلم في الاول عن قسم الجيولوجيا اللي انا فيه هو قسم مشترك بين الاحياء والرياضه وبتدرس في الترم الاول ( جيولوجيا / رياضيات عامه / نبات / حيوان / كيمياء غير عضويه / وكيمياء عضويه ) والترم التاني ( جيولوجيا / فيزياء / كيمياء فيزيائيه ) بالاضافه لى مواد تانيه انت بتختارها عشان تكمل الساعات المعتمده بتاعتك ونظام الساعات بيتحسب على اساس الاسبوع الواحد مقياس للسنه يعني انت بتاخد محاضره 3 ساعات في الاسبوع تبقى الماده 3 ساعات معتمده وكدا يعني وبعد السنه الاولى بتقدم رغباتك ل 3 اقسام *جيولوجيا * جيوفيزياء *كيمياء وبتخش القسم على حسب تقديرك يعني نظام تنسيق وفي سنه تانيه بترجع تاني وبتخش تنسيق تاني على اقسام تانيه داخل القسم اللي انت كنت فيه يعني العلوم الطبيعيه بيدرسوا في السنه الاولى رياضيات بكل اقسامها وفيزياء وكيمياء وحاسب وشويه مواد مش عارفهم قوي لاني مش في القسم دا ولما بتخلص السنه الاوله بتكب رغبتك في التخصص في اقسام تانيه جوى قسم علوم طبيعيه واهمهم ( كيمياء اسبيشيل / فيزياء اسبيشيل ) وكذلك البيولوجي ليهم مواد وبيخشوا تخصصاتهم في السنه التانيه |
|
الف شكر للاعضاء الكرام
1-بس عندى استفسار صغير انا سمعت ان خريجى علوم اسكندرية مطلوبين فى التوظيف اكتر فهل دة صحيح ؟ مع العلم بانى باذن الله عايز علوم اسكندرية 2-هل بيجوز لى انى اختار فى السنة الاولى بين الجيولوجيا والعلوم الطبيعية ولا هو نظام تنسيق حسب الدرجات ؟ 3-وهل فعلا فى قسم بترول فى الجيولوجيا ؟ ولو فى هل لية مستقبل كويس ؟ 4-ازاى اضمن انى اخش قسم الجيولوجيا مع العلم انى جبت 90% !!!! |
|
1-بس عندى استفسار صغير انا سمعت ان خريجى علوم اسكندرية مطلوبين فى التوظيف اكتر فهل دة صحيح ؟ مع العلم بانى باذن الله عايز علوم اسكندرية
ايوه الكلام دا صحيح لان في 3 شركات متعاقدين مع كليه علوم جامعة الاسكندريه عشان يمدوهم باللي هما عاوزينه 2-هل بيجوز لى انى اختار فى السنة الاولى بين الجيولوجيا والعلوم الطبيعية ولا هو نظام تنسيق حسب الدرجات ؟ لأ ليك كامل الحق انك تختار واحد من الاتنين بعيد عن التنسيق يعني على حسب رغبتك 3-وهل فعلا فى قسم بترول فى الجيولوجيا ؟ ولو فى هل لية مستقبل كويس ؟ ايوه في قسم انفتح جديد اسنه اللي فاتت اسمه جيولوجيا البترول بس دا بالتنسيق لانه بيقبل عدد محدد من الطلبه وبيحتاج جموع درجات الانجليزي في السنتين بتوع الثانوي ولو عاوزه بتقدم عادي خالص في قسم من القسمين يا علوم طبيعيه يا جيولوجيا وفي نفس الوقت بتقدم لجيولوجيا البترول واللي يحازي القسم دا في الجيولوجيا قسم الجيوفيزياء والجيولوجيا على حسب تخصصك بعد كدا والقسمين دول داخل قسم الجيولوجيا (ذي ما وضحتلك قبل كدا) وكل الاقسام ان شاء الله ليها مستقبل لان خريجين الجيولوجيا بيتخصصوا في 3 مجالات مهمين جدا الكيمياء اللس ميقدرش مصنع يستغنى عنهم والجيوفيزياء او البترول واللي بيتسارع عليهم شركات البترول بالاخص بعد تطبيق النظام الامريكي في الجامعه والجيولوجيين في اللي فات او في الجيش لما بتخلص بتقدم 6 اشهر في الجيش وتكون ظابط جيولوجي في الجيش لان عليهم طلب في الفتره دي ومش هوصيك عشان تكون في الامان بردوا التقدير يكون كويس وربنا يوفقك 4-ازاى اضمن انى اخش قسم الجيولوجيا مع العلم انى جبت 90% !!!! بمجرد ان تنسيقك يجيب كلية علوم يبقى مبروك انت في قسم الجيولوجيا لان ذي ما قولتلك في الاول دي رغبه مش تنسيق |
|
الف الف الف شكر لحضرتك على الافادة وبجد انا كدة فهمت كل حاجة عن الكلية وباذن الله حلتحق بيها
وبشكر حضرتك مرة تانية و اكيد العضوة tamatem على مساعدتكم |
|
لو سمحت انا عايز ايميلك لو سمحت
|
|
انا جبت مجموع زبالة ومش عايز احول ادبى بس عايز ادخل كلية علوم لانى بحب الكيميا والمواد العلمية وانا لسة فى 2ثانوى فلو ينفع ادخل علوم اقاليم مثلا بمجموع 80:85
|
|
يعني لو حد عنده اخبار عن الحد الادني لعلوم ياريت يقولي انا ف 3 ث وجايبه 91%مش عارفه ممكن الحق كليه العلوم ياريت حد يجاوبني وجزاكم الله خيرا201122011
|
|
انا جايبه 85% ماشى وعاوزه تجلى كليه علوم رياضه ياترى ممكن تجلى ولا ايه وياريت ؟
|
|
انا جايبه87.8% ياتري الحق علوم رياضه و لا ايه يارب يخاليكو ردو عليا بسرعه
|
|
بصراحة كلية العلوم قبلت من 378:375 ودة بالاقاليم
وممكن للعلم فان الحدود الدنيا للكليات نزلت على موقع الاستاذ |
|
انا عاوز اعرف اقسام العلوم رياضة لو سمحتم انا مش عارف حاجة فيها انا غضباااااااااااااااااان
|
|
انا ممكن اعرف انهى كلية احسن تربية راضة ولا كلية علوم لانى محتارة اختار اية
|
|
اريد ان اعرف علوم/رياضة احسن ام هندسة شعبة زراعة
|
|
هل يوجد قسم حاسبات ورياضة جامعة بنها اريد الردسريعا وشكرا
|
|
لو سمحتم انا جبت فى تانية ثانوى السنة دى 85.61 انا عارف انه مجموع زباله بس الحمد لله انا كنت عايز اعرف انا علمى علوم ومش هحول ان شاء الله فبعد اذنكم ممكن اعرف انا هلحق كليه علوم ولا لا لانى بصراحة بحب المواد العلمية ومش بحب الرياضة وهى اللى ضيعتنى السنة دى لو سمحتم لو حد عرف مكان بيقبل من مجموع كويس يبلغنى على الايميل ده [email protected]
|
|
هل يوجد قسم حاسبات ورياضة جامعةحلةان اريد الردسريعا وشكرا
|
|
هل كلية علوم رياضة بيكون تخصصها رياضة ولا بنختارالقسم اللى احنا عاوزينوا يارب حد يردعلى بسرعة اللة يخليكوا
|
|
شكرا علي المعلومات دي انا بصراحة كنت خايف ادخل العلوم رياضة دي بس جالي بريق امل
|
|
انا جاتلى علوم رياضة عين شمس وعايز اعرف اية النظام جوة واية الاقسام ولو حد جاتلوا يكت اويرد
|
|
انا ياجماعة جالى علوم رياضة بس جامعة الزقازيق ...فهل هى حلوة ولا اية ونظام دراستها واقسامها بجد محتارة جدا وهل ينفع احول للمنصورة ولا لا فى الوقت الحالى ......فيدونى ارجوكووو
|
|
أنا دخلت السنة دى كلية العلوم قسم العلوم الطبيعية و عايز أعرف معلومات عب شعبة الرياضيات و الحاسب الآلى
|
|
يا جماعةانا علوم رياضة الزقازيق وانا كان نفسى ادخل عمارة اسكندرية او المنيا ولكن فرقت معايا على درجتين وفى البيت مخوففنى من علوم رياضة لانها صعبة وانا معرفش حد فيها مش لقية معلومات كافية عنها وانا عيزاكم تدعولى ان ربنا يساعدنى فيها اكون حاجة كويسة لنكم لوعرفتم الى بيتقلى من صحابى الى فى كليا الهندسة والشماتة مع انى واللة اطيب منهم بكتير قوى واللة العظيم بس الحمد اللة الحمد للة
|
|
طبعا مش هنقول اكتر من الحمدلله و نعرفش ربنا كاتب لنا ايه
|
|
انا دخلة علوم طنطا بس خايفة اقوى انا ضعيفة فى الانجليزى ولما عرفت ان العلوم بيدرسوا بالانجليزى خفت جامد بس النتاس بيقولى ان الانجليزى بتاع الكلية زى العربى انا عاوزة حد يطمنى ارجوكم بسرعة
|
|
انا لسه هدخل كلية علوم رياضة جامعة الزقازيق وعايز اخش جيولوجيا بس في الكلية عندنا مفيش جيولوجيا لشعبة علمي رياضة . فأنا اعمل ايه عشان اخش قسم جيولوجيا؟
|
|
انا فقط برد على ال بتسأل علوم رياضه افضل ولا هندسه شعبة زراعه اولا هى اسمها زراعه شعبة هندسه زراعيه مش هندسه شعبة زراعه وانا فيها على فكره انا لسه فى سنه اولى ولما ملحقتش هندسه ولا حاسبات دخلت هندسه زراعيه ومفكرتش فى علوم خالص خاصة علوم رياضه مع ان انا كان ليا رياضه انا جيبه 92 لكن كلية علوم مش عمليه وخريجى كلية علوم كتير خاصة البيولوجى اما علوم رياضه فهى صعبه على الفاضى وفى الاخر تطلع مدرس رياضه ومينفعش تشتغل كمان غير لما تعمل دبلومه يبقى تربيه احسن والتخصصات التانيه صعبه جدا خاصة سنه اولى صعبه جامد جامد
|