لا شك ان شباب الفيس بوك وتويتر في مصر يتمتعون بخفة دم غير عادية هي كعادة الشعب المصري في احلك المواقف تنبع من داخلهم النكتة .

فبعد ان رأينا التعليقات واليافطات الساخرة في ميدان التحرير اثناء الثورة ونجحت الثورة في اسقاط النظام ظهر الي السطح الراجل اللي ورا عمر سليمان واتبعه الشباب بالست اللي ورا القذافي واليوم اثناء تصفحي لحسابي في تويتر وفيس بوك وجدت الشباب مهتمين بموضوع جديد وتعليقات مميزة هن بلوفر شفيق .



واليكم مجموعة تعليقات اعجبتني انقلها اليكم :

** أعلن شفيق انه يرتدي الأن البلوفر الكحلي عشان يشتغل في الأزرق

** اعلن شفيق انه قاعد على قلبكم و أكد تمسكه بالكرسى و البلوفر ..طب و هتعمل ايه فى الصيف يا شفشق ؟ هالبس البلوفر ع اللحم

** شفيق يهدد بإستقالته .. إذا لم يتراجع الثوار عن شد كم البلوفر

** في تاريخ العرب هناك سببان للفتنة: قميص عثمان وبلوفر شفيق

** المجلس العسكري يؤكد عملية خلع مبارك من الكرسي كانت أسهل كثيرا من عملية خلع شفيق من البلوفر

** انباء عن استقاله شفيق بعد ما بقي البلوفر بتاعه ترندينج توبيك

** أنباء عن إنضمام عدد من البلوفرات لمظاهرة تطالب شفيق بخلعه

** مظاهرات في مصطفي محمود تطالب برد الجميل لبلوفر شفيق ..واحد المظاهرين يقول والدموع في عينيه ان البلوفر ابوه

** خلاص يا شفيق جييم اوفر يلا بقي اقلع البلوفر

** كمان يومين شفيق هيطلع فى مكالمة هاتفية مع منى الشاذلى ويقولكم ادينى خلعت دين ام البلوفر..اهدوا بقى ولا تحبو اجيبلكو بونبونى

** اعلانات الوسيط: بلوفر مشجر بالورب غرزة عريضة نقش رجل الغراب كولة قلاب كم طويل استعمال شفيق

** حلل سياسى أمريكى يقول: شفيق يجب ان يتنازل عن البلوفر فوراً و فى انتظار خطاب اوباما خلال ساعات قليلة

** شفيق مش بتاع إعلانات .. شفيق بتاع بلوفرات

** بلوفر شفيق الي بتتريقوا عليه ده غالي جدا لانه صوف من خروف يتيم

** وبكره نكتشف ان لبس شفيق للبلوفر ماهو الا شغل مخابرات بالتآمر مع عمر سليمان وصفوت لشريف

** مش مستريح لموضوع البلوفر دا ..ممكن كدا شفيق يفهم ان احنا مش عاوزينه عشان خاطر البلوفر ويطلع يقول انا فهمتكم هقلع البلوفر والبس جاكيت صوف

** بلوفر شفيق .. يتمدد بالحراره .. ينكمش بالبروده .. و يلتصق بالوزاره

** وائل غنيم يبدي استعداده بالتخلي عن الخظاظة اذا تخلي شفيق عن البلوفر

** زى ما خلصنا من عمر سليمان واجنداتة , ان شاء الله قريب قوى نخلص من شفيق ببلوفرات

** السبب الحقيقي وراء عدم ظهور شفيق مع محمود سعد من يومين... البلوفر كان في الغسيل

** عاجل: بلوفر شفيق مش زي بدلة الغنوشي, بلوفر شفيق مش زي بدلة الغنوشي, بس تقول لمين

** شفيق يطلق حملة ترشيحه رئيساً لمصر ببرنامج انتخابي تحت عنوان, بلوفر لكل مواطن

** أقدر اقول دلوقتي : ان بلوفر شفيق , بقا أشهر من بلوفر عمرو دياب بتاع تملي معاك

المزيد من التعليقات

** التلفزيون المصري: هناك مخطط أجنبي لتخليغ شفيق بلوفره، يقوده عيل أجنده اسمه عادل صليب، ومصر مصرة أنه لا مساس ببلوفراتها القومية

** القذافي لقناة الجزيرة في اس ام اس ....اللي ورا المظاهرات في ليبيا الجرذان وبلوفر شفيق

** عاجل : تل أبيب : نتنياهو يعد شفيق، بتوريد شحنة بلوفرات ألوان و ديزاينات مختلفة ، إذا استطاع أن يعيد ضخ الغاز لاسرائيل

** سقف المطالب يواصل الإرتفاع و إئتلاف شباب الثورة يطالب بقلع بلوفرات شفيق في مدة أقصاها شهرين من الآن!

** بعد مدخلة شفيق مع مني الشاذلي بيتهمني باني طمعان في البلوفر ....بارد وااقول ...البلوفر ملك للمصرين ولاينبغي ان يحصر في شخص ريس الوزراء

** تامر بتاع غمرة في اعترافي لي كمؤسس للصفحة .....شفيق اغراني بالبلوفر عشان اعمل المكاملة دي

** شفيق: إنفلات بعض الخيوط من البلوفر لا يعني أن البلوفر خرب, ممكن يترقع ويتلس تاني ويبقى زي الفل

** شفيق يشكو الذين (ينسجون) المؤامرات ضد بلوفرات

** شفيق: ميدان التحرير سيتم تحويله لمصنع بلوفرات

** البرادعي: بلوفر شفيق يجب التخلص منه، إنه لأمر مشين!

** منير يعتذر عن دعوة شفيق لغناء قصيدة يا حلو يابو البلوفر الكحلي

** اذا منع شفيق من السفر فسيصعب عليه الخروج بهذا البلوفر

** شفيق: مشروعي القادم : ألبس أبو الهول بلوفر

** شفيق: لن أتنازل عن حلم طفولتي, بلوفر لكل مواطن هو هدفنا في المرحلة القادمة

بجد ده مش خفة دم و كدة عيب اوي الراجل لسة معملش حاجة
و انا ضد اي حد يقعد يعمل كدة علي اي حد
احنا قولنا كدة غلط ان ده قلة ادب
قعدنا نعمل كدة مع الراجل الي وراء عمرو سليمان و بعدين قولنا .." اسفين "
و بعدين نمسك الدكتور " احمد شفيق " و كمان عمر ما كان الشعب المصري يستهزء بالناس كدة

كلام سخيف مالوش أى معنى واحنا مش ناقصين سخافات. كونوا جادين أكثر من ذالك لأن مصر الآن فى أمس الحاجه للجادين الشرفاء.

موضوع مميز

بجد الى علق دة ناس
ربنا يهديهم
مش هنقدر نقول غير كدة

حسبي الله ونعم الوكيل ، أقسم بالله عالم فاضية ، بيتريقوا على الناس المحترمة ويجروا ورا محمود سعد الكومبارس ومثلهم الأعلى ، وكمان مش مقدرين اللي أحنا فيه وانعدام الأمن ، والأزمات الاقتصادية ، أقسم بالله ناس كتير قوى شغلها قفل خلاص ، ورجال الأعمال بطلوا استثمار ، والفقر بيزيد ، يارب سترك ورضاك

احنا شعب عبيط وسخيف بجد
الراجل يعملكوا ايه
طالع متواضع ومش عايز يلبس بدلة ولابس عادي زي الناس تتريقوا على لبسوا !
والله احنا طول ما احنا بنفكر بالطريقة دي نستاهل اللي يجرالنا

بجد ده مش خفة دم و كدة عيب اوي الراجل لسة معملش حاجة
و انا ضد اي حد يقعد يعمل كدة علي اي حد
احنا قولنا كدة غلط ان ده قلة ادب
قعدنا نعمل كدة مع الراجل الي وراء عمرو سليمان و بعدين قولنا .." اسفين "
و بعدين نمسك الدكتور " احمد شفيق " و كمان عمر ما كان الشعب المصري يستهزء بالناس كدة

√√√√√√√√√√

احنا شعب عبيط وسخيف بجد
الراجل يعملكوا ايه
طالع متواضع ومش عايز يلبس بدلة ولابس عادي زي الناس تتريقوا على لبسوا !
والله احنا طول ما احنا بنفكر بالطريقة دي نستاهل اللي يجرالنا

فعلا هذا احسن تعليق

ياخسارة على الجهد والتفكير الذى يذهب سدى -- كنت اتمنى ان يكون فى شئ هادف --
ولكن للاسف كان فى محاولة للنيل من رجل محترم والله سوف تحاسبون من قبل رب العالمين-- ياشباب مصر اتقوا الله فى انفسكم قبل ان يأتى يوم لاينفع فيه الندم--حى على الفلاح وليس حى على الهيافة--هدانا الله وهداكم .

انا مع كل الردو داللى تقالت وفعلا الفريق احمد شفيق راجل محترم وعيب كل السخافات دى تطلع من شباب محترم بهر العالم بثورته ياشباب خلوا لينا كبير نحترمه

يا ريت نبطل تفاهة وسخافة وكفاية كدا

انا عايز اعرف اية اهمية الموضوع دة علشان الاستاذ المحترم يكتبو اساساً هنستفاد اية..... فين المعلومة

والله احنا من نستاهل فعلاً غير الى بيدينا على قفانا

انا عرفت كتير عن احمد شفيق ...الراجل دة استلم وزارة الطيران وهى مديون عليه فلوس ...سدد الديون وخلها المطارات فى مصر من افضل المطارات فى العالم وكلنا شوفنا بنفسنا

شاهد بنفسك الموضوع دة انا كاتبو فى 2009

فى ظل الفساد القائم فى مصر ولاكن هو قد يكون الوحيد فى مصر الى شغال
وكمان هو بس مش خلى المطارات بس مدنى لا خلها حربيةكمان فى حالت حرب لاقدر الله هتنقلب الى مطارات حربى .......

وكمان انا سمعت انو بيمشى فى الشارع مع الناس وكان عايز يلغى موضوع الحراسة الخاصة للوزراء ...هو قال لو الوزير محبوب من الناس هيخاف من اية او هيحتاج الحراسة على اية

وكنت شوفت مقال مكتوب فى احد الصحف الاسرائلية فى تل ابيب بتقول الخوف على مصر لما رؤسائها يمشو فى الشارع مع الناس ويركبو الاتوبيس والمترو على فكرة احمد شفيق كدة فعلاً ............

ياريت نحترم نفسنا ونحترم الكبير الراجل دة مش صغير علشان نتريق علية دة راجل عندو 70 سنة عيب مش احنا الى نتريق على الكبير وعلى الناس.....

بسم الله الرحمن الرحيم

..{ مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }..

قال ابن كثير رحمه الله: قال ابن عباس: " يكتب كل ما تكلم به من خير او شر حتى انه ليكتب قوله أكلت، شربت، ذهبت، جئت، رأيت".


.. ثم قال ابن كثير: " وذكر عن الإمام أحمد أنه كان يئن في مرضه فبلغه ن طاووس أنه قال: يكتب الملك كل شيء حتى الأنين. فلم يئن أحمد حتى مات رحمه الله".


فيا الله ! يتحرز من أنين المرض الذي دفع إليه الألم.. فكيف لا نتحرز من ألفاظ لا يدفعنا إليها إلا التبسط والتفكه؟!

. . .


قال أبو الدرداء رضي الله عنه: "أنصف أذنيك من فيك! فإنما جعلت لك أذنان وفم واحد لتسمع أكثر مما تتكلم به"



قال الحكماء: "إذا تم العقل نقص الكلام"..! أي انه متى زاد الكلام عن حده حصل للعقل العكس



قال سفيان الثوري رحمه الله: "أول العبادة الصمت، ثم طلب العلم، ثم العمل به، ثم حفظه، ثم نشره"

ممكن ابعتلكم حاجه كاتبنها طبارين زملاء اللواء احمد شفيق ويعرفوا شخصيا اكثر مننا بكثير وياريت اسمع رايكم

Sent from my iPhone

Begin forwarded message:


From: Mohamed Shahin <[email protected]>
Date: February 19, 2011 4:57:33 AM GMT+04:00
To: Adel El Sobky <[email protected]>, Amr Assem <[email protected]>, Mohamed Anwar <[email protected]>, Aziz <[email protected]>, khaled Bendary <[email protected]>, Khaled Bendary2 <[email protected]>, Ibrahim ElGHAZAWY <[email protected]>, Ahmed Elhamy <[email protected]>, Joseph Gaber <[email protected]>, Tarek Galal <[email protected]>, Hatem <[email protected]>, Mohamed Kamal <[email protected]>, Essam Khairy <[email protected]>, Sherif Magdy <[email protected]>, Karim Magdy <[email protected]>, Moataz <[email protected]>, Moataz <[email protected]>, montaser montaser <[email protected]>, Ossama Radwan <[email protected]>, Mohamed Refaiy <[email protected]>, Tamer Salah <[email protected]>, Amr Soliman <[email protected]>, Marwan Waked <[email protected]>, Hossam Younis <[email protected]>
Cc: mohamed abdelkader <[email protected]>, Abu Mariam <[email protected]>, Amr Bashandy <[email protected]>, Ibrahim Elghazawy <[email protected]>, Abd ElSalam <[email protected]>, Muhammad Emam <[email protected]>, Wael Farouk <[email protected]>, Nagui Hakeem <[email protected]>, Hani Hemdan <[email protected]>, Mohamed Kassem <[email protected]>, Magdy Kelada <[email protected]>, Reda Khatter <[email protected]>, Maher Halim <[email protected]>, Marian Maher <[email protected]>, islam mazhar <[email protected]>, Saif Mohamed <[email protected]>, Mohamed Hemdan <[email protected]>, Sameh Mohiey <[email protected]>, Mohamed Mohsen <[email protected]>, Montaser <[email protected]>, ISLAM NEGM <[email protected]>, Mohamed Osman <[email protected]>, Said Rashed <[email protected]>, Mohamed Refaat <[email protected]>, Roshdy Saad <[email protected]>, Salah Saad <[email protected]>, Mohamed Salem <[email protected]>, Mohamed Talaat <[email protected]>, Tarek Ezzat <[email protected]>, ahmed tawfik <[email protected]>, Mohamed Wagdy <[email protected]>, Mohamed Wagdy <[email protected]>, Wessam <[email protected]>, Mohamed Zein <[email protected]>, Mo Zi <[email protected]>
Subject: أحمد شفيق : هل هو مؤتمن و لملاحقة ثروات عائلة مبارك والطغمة النهبمالية الهاربين


أحمد شفيق



بالأسماء و الوقوعات



هل هذا الرجل هو الذى سيؤتمن على التغيير و ملاحقة ثروات عائلة مبارك و الطغمة النهبمالية التابعة له



هو من رموز و أحد دعائم النظام المطلوب اسقاطه


هو عسكرى اتى بعسكريين ولاؤهم لمبارك للوزارة فكيف نقبل ذلك ونحن نريدها مدنية


كلفه حسنى مبارك برئاسة الوزراء لما يعرفه من اسرار و ليترك وراءه شريكا فى الفساد ليضمن عدم ملاحقته او ملاحقة افراد اسرته جنائيا



أ‌- الفساد


1- عندما كان قائدا للقوات الجوية كان يقوم بترسية مناقصات على ابراهيم كامل لهذا هو صديقا له حتى اليوم. ملحوظه: ابراهيم كامل يقوم بتصدير البترول العراقى الى اسرائيل.

2- من اشد المدافعين عن ابراهيم سليمان وزير الاسكان الاسبق لانه قام باعطائه اراضى بالتجمع الخامس ليبنى عليها منازل له ولاولاده.
3- تستر على الطيار سمير عبد المعبود رئيس سلطة الطيران المدنى السابق (وهى تابعة لوزارة الطيران المدنى) الذى ادانته النيابة الادارية بالرشوة وبذل جهودا كبيرة لدى رئيس النيابة الادارية لاغلاق القضية لان سمير عبد المعبود كان يعطيه نصيبه من الرشواى.
4- يسافر الى باريس كثيرا حيث كان يتولى من هناك التصرف فى عمولات السلاح وعمولات شركة ايرباص الخاصه بآل مبارك ويقوم بتوزيعها على البنوك.
5- قام بتقديم خاتم قيمته ثلاث ارباع مليون جنيه هدية الى سوزان مبارك فى احد اعياد ميلادها واخذ هذا المبلغ من ميزانية تنشيط المبيعات بمصر للطيران.
6- يوجد شخص اسمه عبد الحميد شلبى كان ياورا برئاسة الجمهورية وكان مسؤلا عن مكتب التسليح بباريس و هو خاص بالقوات المسلحة (عمولات السلاح) قام احمد شفيق بتعيينه بمصر للطيران وارسله الى باريس مرة اخرى تحت ستار وظيفة المدير الاقليمى لمصر للطيران بباريس و استأجر له دورا كاملا باحد الفنادق لاستكمال مهمته الخاصة بالعمولات. شلبى هو ايضا المسئول عن مشتريات العائلة من باريس.
7- قام بترسيه مناقصات العديد من الاعمال الانشائية بالمطارالجديد والتجديدات بالمبنى رقم 2 بالامر المباشر على اصدقائه وبالذات على مجدى راسخ والد زوجة علاء مبارك و محمود الجمال والد زوجة جمال مبارك.
8- صديق حميم لابراهيم حميدة عضو مجلس الشعب والذى دافع عن احمد شفيق بالمجلس فيما يخص ترسية اسناد الاعمال الانشائية بالمطار بالامر المباشر ودون مناقصة قانونية.
9- قام بتعيين وكيل شركة ايرباص بمصر المهندس حسين مسعود رئيسا للشركة القابضة لمصر للطيران لتسهيل السيطرة على عمولات شراء الطائرات من شركة ايرباص و حتى تظل المعلومات الخاصة بالعمولات داخل دائرة صغيرة.
10- احمد شفيق و هتلر طنطاوى (الرئيس السابق لهيئة الرقابة الادارية) و ابراهيم سليمان جيران فى مساكن فى مربع الوزراء بالتجمع الخامس فى منازل اقيمت على اراضى قام الاخير بتخصيصها لهم.
11- قام بتعيين اللواء عبد السلام حلمى مسئول الحفلات بالقوات الجوية رئيسا لمجلس ادارة مستشفى مصر للطيران. ملحوظة: عبد السلام حلمى هو الذى نظم حفلات زفاف ابناء احمد شفيق.
12- يلاحظ انه لا يهاجمه احدا من الصحفيين بالمطار لانه يقوم
بدفع ثمن سكوتهم.
13- قام بتعيين اصدقائه وزملائه بالقوات الجويه بمناصب مختلفه
بوزارة الطيران و مصر للطيران و خصص لهم مرتبات عالية مما اصاب العاملين الاصليين بالاحباط وعدم الانتماء.




ب‌- من اين لك هذا؟



1- ثلاث منازل بالتجمع الخامس
2- منزل بباريس
3- قصر بمارينا
4- والله اعلم بما خفى


ت‌- عدم احترامه للقانون



عندما يتخذ قرارات لا يهمه ان كانت متمشية مع القوانين او لا وعندما يقوم المحيطين به بلفت نظره بان هناك مادة قانونية او قاعدة لابد من الالتزام بها فهو لايبالى وما يلى مثال على ذلك :

1- اللواء طيار مجدى الوزيرى عينه احمد شفيق رئيسا لقطاع الامن بوزارة الطيران المدنى و رئيسا لقطاع الامن بمصر للطيران فى نفس الوقت يعنى بيفتش على نفسه لان الوزارة هى التى تراقب الشركات.

2- قام بتعيين الطيار سامح الحفنى وهو طيار بمصر للطيران ويتقاضى مرتبه منها رئيسا لسلطة الطيران المدنى التى تقوم بتفتيشات السلامة على شركات الطيران ومنها مصر للطيران وهذا مخالف للقوانين الدولية و المحلية لانه لايجوز ان تكون هناك مصالح مادية بين المفتش والجهه التى يقوم بالتفتيش عليها.



ث‌- الأخلاقيات



1- عندما اصيب احد افراد شلته, الطيار مجدى الوزيرى - رئيس قطاع الامن بمصر للطيران و وزارة الطيران المدنى معا) بنوبة قلبية وتوفى وهو فى احضان عشيقته المضيفة بشركة طيران قام بالتغطية عليه بل و احتسبها له حادث عمل - و ان دل على شىء فهو يدل على انعدام الاخلاق و عدم احترامه للقانون و القواعد.
2- قام بتعيين صديقه اللواء رضا صقر رئيسا لنادى الطيران المدنى و هوعلى علاقة مع سيدة متزوجة اسمها نادية وكان هذا اللواء يقود السيارة البيجو الخاصة بالعمل وهى جالسة على حجره وقع حادث شديد وقام احمد شفيق بالتغطيه وانهاء الامر مع الشرطة.
3- كان على علاقة بمضيفة عمرها 26 سنة وكان الطيار شريف جلال رئيس مصر للطيران للخطوط الجوية فى ذلك الوقت يقوم بتكليفها بالطيران على الرحلات التى يكون عليها احمد شفيق.
4- من مهام عبد الحميد شلبى الموجود فى باريس تسهيل المواعيد مع بنات الهوى



ج‌- دوره الخفى خلال ثورة 25 يناير



1- كلف غادة عبد الرازق المذيعة بالتليفيزيون بشن هجوم عنيف على الثورة و الثوار. لماذا هى نفذت رغبته؟ لانه كان قام بتعيين ابنتها كطيار بمصر للطيران فى وقت لم تكن الشركة بحاجة الى طيارين ولكنه قام بعمل دفعة خاصة لها.
2- اشترك احمد شفيق مع اصدقائه المقربين ابراهيم كامل, و ابو العينين, و كمال الجبرى, و معهم جمال مبارك فى التخطيط و تنفيذ هجوم يوم الاربعاء الأسود بالرغم من انكاره ذلك.
3- اهان المعتصمين بميدان التحرير وقال على قناة البى بى سى "كأنهم فى الهايد بارك و ممكن اجيب لهم بونبونى كمان"


ح‌ صديق حميم لعائلة مبارك و كان حسنى مبارك يعتبره اخاً اصغر و كانت زياراته

المنزلية امر عادى لهم

خ‌ كان من مهندسى مخطط التوريث

د‌ صديق حميم لحسين سالم رجل الاعمال الهارب

ذ‌ صديق لعبد الحميد بسيونى سفير مصر فى اسرائيل

ر‌ باع عدد من طائرات مصر للطيران واتى بطائرات مستأجرة ووضع الشركة فى مأزق

تدبير الايجار الشهرى ليتباهي بأنه زاد عدد الطائرات بينما هو قلص اصول الشركة

ز‌ اقترض الملايين ليبنى المطارات ولم يكون النظام و الكوادر التى ستشغلها و طفشت

الشركة الاجنبية التى كانت تديرها

س‌ يهتم فقط بالمظاهر فصارت حالة الطائرات الفنية سيئة لدرجة انه و لاول مرة فى تاريخ

مصر كادت تمنع طائرات مصر للطيران من الهبوط فى اوروبا





هل هذا الرجل هو الذى سيؤتمن على تغيير النظام و ملاحقة ثروات عائلة مبارك ورجال الاعمال اصدقائه الهاربين

أم طغمة الجيوب العسكرية

فعلا هذا احسن تعليق

المشاركة الأصلية كتبت بواسطة eng_waly
احنا شعب عبيط وسخيف بجد
الراجل يعملكوا ايه
طالع متواضع ومش عايز يلبس بدلة ولابس عادي زي الناس تتريقوا على لبسوا !
والله احنا طول ما احنا بنفكر بالطريقة دي نستاهل اللي يجرالنا
فعلا هذا احسن تعليق

وانا اتفق معك فى ان ده احسن مشاركة وياريت كفاية تفاهه وخلينا نكون على قدر المسئولية
اللى جى عاوز شغل ومجهود كبير من الكل
افيقوا يا شباب مصر

والله دي عدم احترام
الحريه خلناها تسيب وضيعنا مبدأنا الي اتربينا عليها واهمها احترام الكبير
شعب تافه وعمره ما هيتقدم طول ما هو ما بيفكرش غير في السخريه
يا ايها الذين امنوا لا يسخر قوم من قوم عسي ان يكونو خير منهم صدق الله العظيم

عيييييييييييييييييب ما يتعظوا من محمود سعد و عمايلوة و تريقتة على الهوا
فضحتة بدضة كانت على الهواء

لاحول ولاقوة الابالله


هل كان من اهداف الثوره ان نسخر من بعض


ارجو اننا نغير فكرنا خصوصا مابعد 25 يناير


وان كان لكل منا راى يجب ان نحترمه

وان لم يعجبنا شخص احمد شفيق الان فارجو ان نحترم كبر سنه


احترام الاخر واجب حتى ان كان لايعجبنى شخصه هكذا تعلمنا

علي فكره دي قله ادب موش خفه دم والاخ اللي كتب الكلام ده اعتقد انه تربيه واحده ست ولم يتعلم ان يوقر من هو اكبر منه سنا وثوره الشباب لا تعني ابدا ان نسخر من رموزنا والا بقينا كلنا مسخره امام العالم كله

يا جماعة حتي لو كان الراجل دة وحش بس برضة مايصحش اننا نضايقة بتعليقات سخيفة
ولا دي باة هي الحرية اللي احنا عاوزينها
عيب كدة

قله ادب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذه اتهامات تقع تحت طائلة القانون ان كانت صحيحه ومقرونه بالمستندات ومكانها الطبيعى القضاء وليس مكانها هنا لاقناع هذا وذاك بحقيقة بلوفر شفيق. فلمذا لم يقدم صاحبها أو أصحابها ببلاغ للنائب العام؟ وان كانت شائعه مغرضه فأرجو من سيادة رئيس الوزراء باحالة أصحابها الى القضاء لأنهم يعرضون بسمعته وشرفه ويقصدون اثارة الناس واشاعة الفوضى فى هذا الوقت العصيب الذى تمر به مصر. ولله الأمر من قبل ومن بعد!

بصراحه انا ماليش في السياسه لكن الراجل ده ( شفيق ) وجهه بشوش وناس كتير مرتاحه له
بس المشكله ان حسني مبارك حرقه الله يحرقك يا مبارك انت وجمال

اما التعليقات الساخره بصراحه مش خفت دم وزي ما قال الاخوان دي قلة ادب وناس فاضيه ومش هاممها اللي احنا فيه

مشكوووووووووووووووووووور

عيب على الشعب المصرى المعروف عنه الرجولة انه يكون فى شباب مثل هولاء كنا خلاص بدأنا نقول ان مصر فيها رجالة بجد واتغيرت للأحسن لكن للاسف يظهر ان مش كل الشباب اتغير ولسه فى شباب تافه وبغض النظر عن السياسة تذكروا قول الله تعالى "يأيها الذين آمنوا لا يسخر قوم من قوم عسى أن يكونوا خيرا منهم" صدق الله العظيم
استغفروا الله عسى أن يتقبل منكم

مش متخيل حجم الحسابات الوهمية اللي أغرقت المنتدي واللي بيقوم بعملها فلول الوطني .. وغلط جدا يا عبده باشا انك تسيب منتداك مرتع لاصحاب الحسابات الوهمية .. ياريت تراجع الايبيهات وانتا هتعرف ان كل دي حسابات وهمية هدفها تشارك في الثورة المضادة .. والسؤال بقي .. اشمعني الناس دي مظهرتش في المنتدي الا من يوم ما بدأت الثورة ؟

واظن غلط جدا انك تسيب المشرف العام عندك يتشتم بالطريقة المهينة دي عشان يجي واحد ولا يسوي زي صاحب التعليق رقم 22 يقوله ( انتا تربية وحدة ست )

وطبعا عيب اننا نسخر من اي حد .. ولكن المدعو شفيق دة بالذات يستحق السخرية لانه سبق وسخر من الثوار وقال هجيبلهم بونبوني واعملهم هايد بارك ( يا شيخ اتنيل ) يبقي اكيد يستحق السخرية طبعا ..

وارجوك للمرة التانية يا عبده باشا انك تراقب منتداك لانه اتملي حسابات وهمية وبصراحة الردود بقت لا تطاق

ياجماعة ماتكبروش الموضوع
احنا شعب ابن نكتة ويحب يضحك على طوب الارض
كتخفيف من حدة الواقع
ومحدش ينكر ان شفيق رجل محترم جدا
بس ده مجرد هذار مش معقول حياتنا حتبقى كلها جد في نكد
والا مانبقاش مصريين