أنتي مين صحيت من النوم مبقتش شايف ولا حتي حاسس مبقتش عارف أنتي مين
مش أنتي بلدي وإحنا ولادك ولا إحنا ولاد ناس تانيين
بتعملي فينا ليه كده ولا أنتي بتعملي فينا الصح وإحنا مش شايفين
تعبنا فيكي يا بلدي مبقيناش عارفين راحتنا فين
أنتي معانا يا بلد ولا علينا مش فاهمين
يابلدنا شوفنا فيكي تعب وبالهم فيكي راضيين
بس تعبنا يا بلد وعليكي مش هنفضل ساكتين
هنقول ونعلي صوتنا ونقول للعالم إحنا مين
إحنا التاريخ والحضارة والأمل إحنا المصريين
ليه بتضربينا يا بلد دا إحنا ولادك ... ومظلومين
ولا نقول إنتي مش أمنا ولا إحنا فيكي عايشين
لو بعدنا الظلم فيكي هينتشر مش هنقدر هنسيبك لمين
متقلقيش يا بلدي متقلقيش مش هنمشي وفيكي قاعدين
بس أنتي ساعدينا وخليكي معانا وعرفينا إحنا مين
مبقيناش عارفين حاجة خلاص كلنا بقينا تايهين
أنتي معانا ولا علينا ما تقوليلنا أنتي مع مين
حقوقنا ضاعت وأتسرقنا وإتنهبنا قوليلنا بس نروح لمين
ربي وحده أعلم بحالنا عارف قد أيه إحنا تعبانين
هتنضفي يا بلدي من الظلم والفساد علي إيدين ولادك المخلصين
هنخلصك من ظلم فيكي ونمحي كل المعتدين
إحنا معاكي يا بلد وهنغيرك ومش هنسيبك ليوم الدين
==========================
بقلمي
Scorpion
==========================
بقلمي
Scorpion