نجوم مصرية
الرئيسيةمنتديات نجوم مصرية منتدى المواهب منتدى موهوبين الادب والشعر



تابع نجوم مصرية على أخبار جوجل



كلمات قصيدة جحا للشاعر المصري هشام الجخ

 
كلمات قصيدة جحا للشاعر المصري هشام الجخ
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف


دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

تابع نجوم مصرية على أخبار جوجل


كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة




علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

 







فرح-1
جمييييييييييييييلة

وأداؤه للقصيدة بصوته أجمل

شكرااااااااااً يا ناهد
نسمة علي
فعلا كلمات والقائة جامد جدا
ناهد الجندي
جمييييييييييييييلة

وأداؤه للقصيدة بصوته أجمل

شكرااااااااااً يا ناهد
العفو يا فرح مرسي لمرورك ربنا يكرمك
محمد وهدان
مرسي علي الموضوع
%u0645%u062C%u062F%u0649
بجد هذة القصيدة بجد فى منتهة الجمال و بجد انا بشكر الاستاذ العبقرى هشام الجخ على هذا الكلام
eng_hamaky
جميله جدااااااااااااااااااااااااااااا بجد
%u0632%u0627%u0626%u0631
قصيدة خطيرة يا ريت تسمعوها هتعجبكم وهتدعولى
ناهد الجندي
مرسي علي الموضوع
مرسي علي مرورك ربنا يكرمك ويعزك
%u0632%u0627%u0626%u0631
كتير حلوة عن جاد ها الشاعر منيح كتير شو هاد يااااااه
hard_life
والله فنـــــــــــــــــــــــــــــان بجد رائــــــــــــــــــــــــــــــه بسمعها للمره العشرين وحاسه بمتعه اول مره اسمعها جميله جدا جدا جدا تسلم
بحب الله
والله من الاخر جميله اووووووووووى انا بشكر الاستاد هشام الجخ
gherri salim
بامكانكم ان تكونوا مثله واكثر الاسلوب الذي يعتمده هشام الجخ في سرد القصائد محترف ومايزيد القصيدة حلاوة الحضور وطريقة الالقاء والتفنن في الاداء واعتماد القافية في مكانها وان كتبت قصائده على ورق ما كانت لتكون كما يقولها
مجده
ابيات جميله وبليغه وشارح فيها مآسي الشعب اللي احتار مع جلاده وحكامه الطغاه
gherri salim
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههه
%u0632%u0627%u0626%u0631
بصراحة جميلا جدا جدا جدا جدا جدا جدا جدا اجمل شعر سمعته بصراحة من امير الشعراء :هشام الجخ وشكر جزيلا
%u0632%u0627%u0626%u0631
حلوة اوى وده فعلا اصل المصريين شحاتين
%u0645%u0648%u062F%u064A
جميله جدا وروووووعة اخر حاجه
مصطفى حسن على شحاتة
شاعر ممتع جددددددددددددددددددددددددددددددددددددددددددددددددد دآ وتفكير جددددددددددددددآجدآ وانا بحبك < أ>هشام الجخ
جدة مصرية
شكرررررررررررااااااا ناهد لاختيارك الرائع
الشاعر العاشق
الله الله روعة ......... تسلم الانامل
محمود عيد المنياوي
قصيدة جميله جدا /ملحوظه _في جزء صغير ناقص بعد /ولما مرة شكيت إدوني بالجزمه مش لاقي تطفخ اديك هاتونا ودولنا هنجيب منين نديك مش لاقي تطفخ اديك .طافح يابلدي غدايا ولوعتي غدايا,كل الاحبة التقو واجمعوا عدايا
رد زائر
لو سمحتو ابي اسئله متوسطه ما أبي سهله وينك صاح
ب المنتدى
رد زائر
لو سمحتو ابي اسئله متوسطه ما أبي سهله وينك صاح
ب المنتدى
نسمة علي
كل مرة بقراة بستمتع بيها\


مواضيع مشابهة:
كلمات قصيدة 3 خرفان للشاعر هشام الجخ
كلمات قصيدة ( جحا ) للشاعر الشاب هشام الجخ ..

فيس بوك  تويتر  يوتيوب 

Powered by vBulletin Version 3.8.8
Copyright ©2000 - 2024, Jelsoft Enterprises Ltd