اوصيك بليل القاهره المسحور
وان جيت في بالك... اشتري عقد فل
لاي سمرا.. وقبري اوعاك تزور
ليه يا حبيبتي مابنا دايما سفر
دا البعد ذنب كبير لا يغتفر
ليه يا حبيبتي ما بينا دايما بحور
اعدي بحر الاقي غيره اتحفر
يا باب يا مقفول امتى الدخول
صبرت ياما واللى يصبر ينول
دقيت سنين .. والرد يرجع لى..مين ؟
لو كنت عارف مين انا كنت اقول
انا كل يوم اسمع ..... فلان عذبوه
اسرح فى بغداد والجزاير واتوه
ما اعجبش من اللى يطيق بجسمه العذاب
واعجب من اللى يطيق يعذب اخوه
يا قرص شمس مالهش قبة سما
يا ورد من غير ارض شب ونما
يا اي معنى جميل سمعنا عليه
الخلق ليه عايشين حياه مؤلمه
وقفت بين شطين ع القنطره
الكدب فين والصدق فين يا ترى
محتار ح اموت.....الحوت خرج لى وقالى
هو الكلام يتقاس بالمسطره
وعجبى