وكان هذا نص الموضوع :
"بسم الله الرحمن الرحيم
أنا بصدد الإنتهاء من تأليف كتاب يحوي أسرار جوجل أدسنس
الكتاب محتواه غير مسروق ,الكتاب بالكامل من تأليفي
قضيت قرابه ال6 شهور في تجهيزه وتأليفه
الكتاب قرابه المئه وخمسون صفحه
بالفعل لن تجد كتاب عربي يستطيع منافسه كتابي المنتظر هذا كله بفضل الله وبتوفيقه
الكتاب بمشيئه الله أنوي عرضه للبيع وبإذن رب العالمين لن يزيد السعر عن 150$ ولن يقل عن 100$ وهذا تيسيرا علي الإخوان لذلك إن شاء الله سأعرضه بهذا الثمن البسيط
ولكن ما يحيرني هو إختيار إسم للكتاب
فالرجاء من الإخوان إقتراح أسم لكي أطلقه علي كتابي وأفضل إسم سأهدي صاحبه نسخه من كتابي مجانا
الكتاب محتواه عن الربح من الإنترنت والربح من أدسنس خصوصا
أنتظر إقتراحاتكم
دمتم بود "
وقام الكثير من الاعضاء بطرح اسماء للكتاب من ناحيه للمساعدة ومن ناحيه اخري طمعا في النسخه المجانيه
وبعد كده تكرم علينا العضو علاء ونزل الكتاب مجانا وحط رابط لمدونته اللي عليها الكتاب وكان طبعا شرط تنزيل الكتاب هو الاشتراك في المجموعه البريديه الخاصه به
اولا انا اقل مليون مره من اني اقيم اي كتاب في مجال الربح من النت والتجاره الالكترونيه
بس للاسف ده مينفعش يتقال عليه كتاب اصلا
الموضوع ببساطه ان الاستاذ علاء واخد بعض الفصول من بعض الكتب العربيه اللي بتتكلم في المجال ده وبعض المقالات اللي ماليه المنتديات ونسخهم بالنص وحطهم في كتاب وكان عايز يبيعه ب 150 دولار
وطبعا كان نصيب الاسد من الكتب اللي نسخ منها محتوي كتابه هو كتاب الكاش تو للاستاذ احمد محي الدين والكتاب ده له حقوق ملكيه يعني دي تعتبر سرقه
و انا اتحداك ان يكون الكتاب ده اخد منك وقت اكتر من 6 دقائق ,مش 6 شهور زي ما بتقول
يا اخي في الله انا معنديش مشكله معاك او مع الكتاب انا بس كان نفسي انك تاخد من وقتك شويه وتعمل كتاب مفيد للناس من تعبك ومجهودك انت وبأسلوبك انت مش تاخد تعب ناس تانيه وتنسخه علي الجاهز كده .
وطلب كمان ياريت تلغي موضوع انك تاخد فلوس من الناس علشان تعملهم حسابات علي ادسنس ده لان الكل عارف الطريقه واللي غالبا هتكون موقع فلكسيا او اي موقع تاني شبهه من رعاه جوجل ودي حاجه مش مستهله انك تاخد عليها فلوس والاحسن انك تقدمها لوجه الله
الشباب محتاجين اللي يساعدهم مش اللي ياخد منهم